- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىنايى تۋىس بولىپ، شىن پەيىلمەن جۇرەك توعىستىردى
− اۆتونوميالى رايوندىق پارتكومنىڭ ۇيىمداستىرۋ ءبولىمى ورىستەتكەن «ۇلتتار ىنتىماعىنىڭ بەرەكەلى شاڭىراعى» قيمىلى جونىندە
2016.10.25 10:08 كەلۋ قاينارى : شينجياڭ گازەتى
21 - قازاندا اۆتونوميالى رايوندىق پارتكومنىڭ ۇيىمداستىرۋ ءبولىمى، ساقا كادرلار مەكەمەسى ورىستەتكەن ءبىرىنشى دۇركىن «ۇلتتار ىنتىماعىنىڭ بەرەكەلى شاڭىراعى» اتتى جۇپتاسۋ، تۋىس بولۋ قيمىلى ءۇشتۇرپان اۋدانىنىڭ يمامدارىم قالاشىعىندا ءوتتى. اۆتونوميالى رايوندىق پارتكوم ۇيىمداستىرۋ ءبولىمىنىڭ باسشىلارى مەن ءبولىم، ورگان، مەكەمەلەردەن كەلگەن 55 باسقارما دارەجەلى كادر ۇستىڭگى حوتان قىستاعى، قورعان قىستاعى سياقتى 5 قىستاقتاعى 55 وتباسىن ارالاپ، ولارمەن جۇپ قۇراپ، تۋىس بولىپ، «ۇلتتار ىنتىماعىنىڭ بەرەكەلى شاڭىراعىنىڭ» اۋەنىن اسقاقتاتتى.
21 - قازاندا اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى، ساقا كادرلار مەكەمەسىنىڭ باستىعى شۇي شياۋنيڭ ءۇشتۇرپان اۋدانىنىڭ يمامدارىم قالاشىعى قورعان قىستاعىنىڭ تۇرعىنى ازەز سەيتتىڭ ۇيىنە باردى، 32 جاستاعى ازەز بالاشا قۋانىپ جۇگىرىپ شىعىپ ولاردى قارسى الدى، ول: شۇي اعا، ءىنىڭىزدىڭ ۇيىنە كەلگەنىڭىزدى قارسى الامىن! دەپ شۇي شياۋنيڭنىڭ قولىنان ۇستاپ ۇيگە باستادى.
ازەز بەيقۇت ءۇيىن كورسەتىپ تەبىرەنگەنىنەن: شۇي اعا، قاراڭىز، ءسىزدىڭ كومەگىڭىزدىڭ ارقاسىندا ءبىز جاڭا قونىسقا كوشىپ كىردىك! − دەدى.
شۇي شياۋنيڭ بىلتىر اۆتونوميالى رايوندىق پارتكوم ۇيىمداستىرۋ ءبولىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بايلانىسىمەن ءۇشتۇرپان اۋدانىنىڭ يمامدارىم قالاشىعىنا تۇسكەن قىزمەت گرۋپپاسىنىڭ باس جەتەكشىسى، قورعان قىستاعىندا تۇراتىن قىزمەت گرۋپپاسىنىڭ باستىعى بولىپ تۇرعان كەزىندە، ازەزدىڭ وتباسىمەن تىعىز بايلانىس ورناتىپ، بەينە تۋىستاي بولىپ كەتكەن. سول كەزدە ازەزدىڭ ۇلى سايپيدين تىنىمسىزدىق اۋرۋىنا شالدىققانىنا كوپ جىل بولعان ەدى، ءبىر ۇيدەگى 4 جان نەبارى 7 مۋ جەرگە سۇيەنىپ كۇنەلتەتىن، ازەزدىڭ وتباسىن قىستاق پارتيا ياچەيكاسى قارىم - قاتىناس ورناتاتىن وتباسىنا كورسەتكەننەن كەيىن، شۇي شياۋنيڭ قولى بوساي قالسا بولدى ازەزدىڭ ۇيىنە بارىپ، ونىمەن اڭگىمەلەسىپ، ءۇيىنىڭ حال - جاعدايىن ۇعىساتىن. ول ازەزدىڭ ۇيىندەگى 4 جاننىڭ ازەزدىڭ اتا - اناسىمەن ءبىر ۇيدە تۇراتىندىعىن بىلگەننەن كەيىن، ءورلى - قىرلى شاپقىلاپ، ازەزدىڭ بەيقۇت ۇيگە كوشىپ كىرۋىنە كومەكتەستى، ازەزدىڭ ۇلى سايپيدين دە ونسۋ اۋداندىق بالالار ساۋىقتىرۋ ورتالىعىنا بارىپ ەمدەلدى.
شۇي شياۋنيڭ ازەزدىڭ قولىن قاتتى قىسىپ تۇرىپ: بۇگىن ءبىز جۇپتاسىپ، تۋىس بولدىق، الداعى جەردە ءالى - اق ءبىر ءۇيلى جاندارداي بولىپ كەتەمىز، − دەدى، ول تاعى: وراتى كەلگەندە ۇرىمجىگە بارىپ، ءبىزدىڭ ۇيدەن ءدام تاتىپ كەتۋلەرىڭدى قارسى الامىز! − دەدى.
ءۇشتۇرپان اۋدانى يمامدارىم قالاشىعى ۇستىنگى حوتان قىستاعىندا، 71 جاسقا كەلگەن ساقا پارتيا مۇشەسى ياسىن توقتىنىڭ ۇيىندە، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى لين ۋي اقساقالدىڭ ءۇي ىشىندەگىلەرمەن ىستىق ىقىلاسپەن ءبىر - بىرلەپ قول الىسىپ امانداسىپ، ولاردىڭ حال - جايىن ۇعىستى، سونداي - اق كاريانىڭ اۋلاسىن ارالاپ كورىپ، ەگىمشىلىك، باعىمشىلىق ىستەرىنىڭ جاعدايىن ۇعىستى.
ياسىن اقساقالمەن اڭگىمەمەن بولىپ وتىرىپ، ول ۋاقىتتىڭ قالاي وتكەنىن بىلمەي قالدى، اتتاناردا لين ۋي ياسىن اقساقالدىڭ ۇيىمدەگىلەرمەن توپتىق سۋرەتكە ءتۇستى، تاعى كۇرىش، ۇن، ازىقتىق ماي جانە حال سۇراۋ قاراجاتىن بەردى، ونىمەن قويماي اقساقالدىڭ نەمەرە قىزىنا ءوز قولىمەن ادەمى جاڭا كيىم كيدىردى.
لين ۋي اتتاناردا: دەنساۋلىقتارىڭىزدى، ءسوز جوق، جاقسى كۇتىمدەڭىزدەر، − دەپ تاپسىردى، سونداي - اق اقساقالدىڭ قولىن قايتا - قايتا قىسىپ، ونى ۇرىمجىگە بارىپ ناۋقاس كورسەتۋگە شاقىردى.
وسى كەزدە بەستەرەك قىستاعىندا اۆتونوميالى رايوندىق پارتيالى كادرلاردىڭ وسى زامانعى الىس ارالىقتى وقىتۋ ىستەرىن باسقارۋ ورتالىعى اۋدارما ءبولىمىنىڭ ورىنباسار تەكسەرىپ - زەرتتەۋشىسى گۇلمينا ماۋدىن قىستاقتاعى جاڭا عانا تانىسىپ تۋىس بولعان ءدىني قايراتكەر ابدۇرۇسۇل شۇكۇردىڭ وتباسىندا ولارمەن اڭگىمەلەسىپ وتىرعان ەدى.
«اعاي، وتباسىڭىزدا قانداي قيىنشىلىق بار؟».
ابدۇرۇسۇل ءسال قىنجىلىپ: قازىرشە جوق، تەك قىزىم جوعارى مەكتەپكە ەمتيحان بەرۋ الدىندا تۇر، سونىڭ وقۋ قاراجاتىنان ءسال الاڭدايمىن، − دەدى.
گۇلمينا شىن ىقىلاسپەن وعان: قازىر ءبىر ءۇيلى جان بولدىق، بۇدان بىلاي قانداي قيىنشىلىعىڭىز بولسا دا ماعان ايتىڭىز، مەن ءبىر امالىن قاراستىرامىن، − دەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
