- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وتان شاڭىراعى − ولەڭ توسەگىڭ
− «ۇلتتار ىنتىماعىنىڭ بەرەكەلى شاڭىراعى» قيمىلى تۋرالى شولۋ (2)
2016.10.25 10:13 كەلۋ قاينارى : شينجياڭ گازەتى
ەگەر شينجياڭدا تۇرمىس كەشىرىپ، قىزمەت ىستەپ جاتقان ءار ۇلت حالقىن تىعىز ۇيىسقان «اناردىڭ دانىنە» ۇقساتساق، وندا جاڭا جۇڭگو قۇرىلعاننان تارتىپ كۇنى بۇگىنگە دەيىن تالايلاعان «اناردىڭ ءدانى» بايتاق وتاننىڭ جەر - جەرىنەن كەلىپ وسى ءبىر ىرىستى توپىراقتا تامىر تارتىپ، بىتە قايناسىپ، ۇلتتار ىنتىماعىنىڭ الىپ «بايتەرەگىن» ماۋەلەتىپ، ۇلتتار ىنتىماعىنىڭ «انار ءدانىن» بارىنشا ۇيىستىرا تۇسكەنى داۋسىز.
شينجياڭدىقتار مەيلى شينجياڭدا بولسىن نەمەسە بۇكىل ەلدىڭ جەر - جەرىندە تىرلىك كەشسىن، قايدا جۇرسە دە وتان ۇلى شاڭىراعىنىڭ ىستىق ىقىلاسىن، مەيىر - شاپاعاتىن تولىق سەزىنە الادى. 60 نەشە جىلدان بەرى، «ۇلتتار ىنتىماعىنىڭ بەرەكەلى شاڭىراعى» جاعدايى تيانشاننىڭ تۇستىگى مەن تەرىستىگىندە، ۇلى قورعاننىڭ ءىشى - سىرتىندا ءار قىرىنان ايگىلەنىپ جاتتى.
جۇڭحۋا ۇلتتارى ۇلى شاڭىراعىنىڭ ىستىق ىقىلاسى بايتاق شينجياڭدا توعىستى
جاڭا جۇڭگونىڭ قۇرىلۋىمەن شينجياڭ تاريحىنىڭ تىڭ پاراعى اشىلدى. شينجياڭداعى ءار ۇلت پەرزەنتتەرى سوتسياليستىك ۇلكەن شاڭىراقتا تەڭ تۇرعىدا تىرشىلىك ەتىپ، بەرەكە - بىرلىكتىڭ، جاراسىمدىلىقتىڭ تاماشا كورىنىسىن بارىنشا تۇلعالادى.
قۇربان اتايدىڭ ەسەكپەن بەيجيڭگە بارماقشى بولعان حيكاياسى بۇكىل ەلگە كەڭ تارالىپ، اناعۇرلىم كوپ باۋىرلاسقا جۇڭحۋا ۇلتىنىڭ ۇلى شاڭىراعىندا قاراپايىم دا ىزگى نيەتتى ۇيعۇر حالقىنىڭ شالعايداعى باتىس سولتۇستىكتە كۇن كەشىپ جاتقانىن ۇعىندىردى.
بەيبىت جولمەن ازات بولعان شينجياڭنىڭ بارلىق ىستەرى قايتا باستان كوركەيتۋگە مۇقتاج - تۇعىن. سول كەزدە بۇكىل ەلدىڭ جەر - جەرىندەگى باۋىرلاستار بىرگە تۋعان تۋىستارداي قالتقىسىز كومەك قولىن سوزىپ، شينجياڭدا كەڭ كولەمدى قۇرىلىس جۇرگىزۋدىڭ، قاۋىرت اشۋدىڭ، قاباعات دامۋدىڭ شىمىلدىعىن اشتى. تيانشاننىڭ تۇستىگى مەن تەرىستىگىندە توڭىرەكتىڭ ءتورت بۇرىشىنان قۇيىلعان دوستىق سۇيىسپەنشىلىك تۇلعالانىپ، ۇلتتاردىڭ ءبىر وتباسى ادامدارىنداي بەرەكە - بىرلىگى نەگىزگى اۋەنگە اينالدى.
81 جاسقا كەلگەن شيە شۋرىن اجەي ءۇشىن العاندا، وسىدان 66 جىلدىڭ الدىندا نەبارى 15 جاسىندا حۋناندىق نەشە مىڭ بويجەتكەنمەن بىرگە اتا مەكەندەرىنەن الىستاعى باتىسقا ساپار شەگىپ، شياڭجياڭ بويىنان تيانشان باۋرايىنا كەلىپ، شينجياڭنىڭ قۇرىلىس ىستەرىنە ات سالىسقان ساتتەرى ماڭگىلىك ۇمىتىلماس ەستەمە ىسپەتتى. تارتا ءىشىپ، جۇپىنى كيىنىپ، جەر تولەدە جاتىپ، اۋىر ەڭبەك ىستەگەن سول كەزدەردە جالىنىن سوندىرمەي، جىگەرىن جانىپ، «حۋناندىق 8000 بويجەتكەننىڭ شينجياڭعا كەلۋى» سىندى اسەرلى ءىس نەشە ۇرپاق ادامدى وتانىمىزدىڭ شينجياڭىن بارىنشا كوركەيتۋگە ىنتالاندىردى.
رەفورما جاساپ، ەسىك اشقاننان بەرى، وتانىمىز ۇلى شاڭىراعىنىڭ ىستىق ىقىلاسى، مەيىر - شاپاعاتى شينجياڭعا ءتىپتى دە سەبەلەي ءتۇستى. پارتيا ورتالىق كوميتەتىنىڭ ورنالاستىرۋىندا، ىلگەرىندى - كەيىندى ەكى كەزەك شينجياڭعا باعىتتامالى كومەكتەسۋ قىزمەتى ورىستەتىلىپ، بۇكىل ەلىمىزدەگى ولكە، قالالار «تۋىسى تۋىسىنا كومەكتەسەتىن» دوستىق پەيىلمەن شينجياڭعا دارىندى، قارجى، تەحنيكا سياقتى جاقتاردان قالتقىسىز كومەكتەسىپ، شينجياڭداعى ءار ۇلت حالقىنىڭ ءوندىرىستى دامىتىپ، تۇرمىستى جاقسارتۋىنا قول ۇشىن بەردى.
شينجياڭ شالعايدا بولعانىمەن، شينجياڭداعى ءار ۇلت حالقى وتاننىڭ جەر - جەرىندەگى باۋىرلاستارمەن اناعۇرلىم ەتەنە. وتاننىڭ ۇلى شاڭىراعىندا ءبارىمىز ءبىر وتباسى ادامدارىمىز.
شينجياڭعا باعىتتامالى كومەكتەسۋ ۇلتتار ىنتىماعىنىڭ توپتىق حورىن اسقاقتاتتى
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە باس شۋجي شي جينپيڭ: شينجياڭعا باعىتتامالى كومەكتەسۋ − مەملەكەتتىك ستراتەگيا، وعان، ءسوز جوق، ۇزاق ۋاقىت تاباندى بولۋ، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن كۇشەيتۋ ينجەنەرياسى ەتىپ تۇلعالاۋ كەرەك، - دەپ اسا ىجداعاتتىلىقپەن اتاپ كورسەتكەن بولاتىن.
ەلىمىزدەگى دامىعان ولكە ساناتىنداعى گۋاڭدۇڭ شينجياڭعا باعىتتالعان وسى كەزەكتى كومەكتە دامۋى كەنجە قالعان قاشقارعا كومەكتەستى. بۇل ولكە قاشقاردىڭ دامۋىنا كومەكتەسۋمەن بىرگە، «شينجياڭعا سۇيىسپەنشىلىك جاعىنان دەمەۋ بولۋعا» ءتىپتى دە دەن قويىپ، قىسقا عانا بىرنەشە جىلدا «پارتيانىڭ ىستىق الاقانى سۇيىسپەنشىلىگىن»، «وتانشىلدىق سۇيىسپەنشىلىكتى»، «ۇلتتىق سۇيىسپەنشىلىكتى»، «گۋاڭدۇڭ مەن شينجياڭنىڭ سۇيىسپەنشىلىگىن» كۇشەيتىپ، شينجياڭعا باعىتتامالى كومەكتەسۋ قىزمەتى مەن ۇلتتار ىنتىماعىن شىن مانىندە توعىستىرىپ، ءبىر تۇلعاعا اينالدىردى.بۇگىن دە تيانشان تاۋىنىڭ تۇستىگى مەن تەرىستىگىندەگى قالالاردى، اۋىل - قىستاقتاردى ارالاي قالساڭىز، جەر - جەردىڭ باعىتتامالى كومەكتەسىپ جاتقان ولكە، قالالارمەن ءبىر وتباسى ادامدارىنداي جاقىندىعىن، مىزعىماس بەرەكە - بىرلىگىن كەز كەلگەن جەردەن بايقاي الاسىز. سيعا سي، سىراعا بال. شينجياڭعا باعىتتامالى كومەكتەسىپ جاتقان ولكە، قالالارداعى باۋىرلاستار شينجياڭداعى ءار ۇلت حالقىن تۋىسقانىنا بالاسا، شينجياڭداعى ءار ۇلت جۇرتشىلىعى ولاردى باۋىرلاستارى سانايدى.
بيىل جازدا وڭتۇستىك جاقتا جاپپاي نوسەر جاۋىپ، ونداعى بۇقارا سيرەك كەزدەسەتىن سەل اپاتىنا ۇشىرادى، مۇندا حۋبەي ولكەسىنىڭ اپات جاعدايى ءتىپتى اۋىر بولدى. تەلەۆيزوردان سەل اپاتىنا قارسى اتتانىپ، اپاتتان قۇتقارۋدىڭ قاربالاس جاعدايىن ءۇرتىس بىرنەشە كۇن كورگەن 68 جاستاعى تۇرسىن ازەز بايىزداپ وتىرا المادى.
تۇرسىن ازەز بۇراتالا قالاسى شويىڭپان قالاشىعىنىڭ ەگىنشىسى، بۇل جەرگە حۋبەي ولكەسى باعىتتامالى كومەك بەرەدى. بىرنەشە جىلدان بەرى حۋبەي ولكەسى شىن پەيىل، شىنايى سۇيىسپەنشىلىكپەن شينجياڭعا كومەكتەسىپ، جەرگىلىكتى ورىننىڭ ەكونوميكالىق دامۋىن ىلگەرىلەتىپ قانا قويماي، بۇكىل ولكەدەگى كادر - قىزمەتشىلەردى مۇنداعى ءار ۇلت بۇقاراسىمەن جۇپ قۇراپ، تۋىس تابۋعا جۇمىلدىرىپ، ۇلتتار ىنتىماعىن، باياندى تىنىشتىقتى جەبەدى. تۇرسىن «جۇپ قۇراپ، تۋىس تابۋ، ۇلتتار ىنتىماعىن، باياندى تىنىشتىقتى جەبەۋ» قيمىلىندا حۋبەي ولكەسىندەگى ءبىر باسشى كادردىڭ شينجياڭداعى تۋىسى بولىپ، تالاي قامقورلىق پەن كومەككە يە بولدى.
«اعايىننىڭ ءۇيى اپاتقا ۇشىراعاندا، تۋىسى بولعان ءبىز قالاي قول قۋسىرىپ قاراپ وتىرماقپىز؟» دەگەن تۇرسىن 7 - شىلدە كۇنى قولىنداعى ساۋىن سيىرىن ساتىپ، 6000 يۋان اقشا قۇراپ، حۋبەي ولكەسىنىڭ شينجياڭعا كومەكتەسۋ قىزمەتىنىڭ الدىڭعى شەپ قولباسشىلىق شتابىنا اپارىپ، ولاردىڭ حۋبەيداعى اپاتقا ۇشىراعان بۇقاراعا اتاۋىن مىندەتتەيدى. سونىمەن بىرگە، بۇراتالا موڭعۇل اۆتونوميالى وبلىسىنداعى ءار دارەجەلى پارتيا، ۇكىمەت ورگاندارى مەن ءار ۇلت كادر - جۇرتشىلىعى دا بەلسەنە ىسكە كىرىسىپ، حۋبەيداعى اپات بولعان رايونعا 4 ميلليون 700 مىڭ يۋاننان استام جىلۋ اتايدى.
شينجياڭعا كومەكتەسۋدىڭ جاڭا كەزەكتى قىزمەتى باستالعاننان بەرى، شينجياڭعا باعىتتامالى كومەكتەسەتىن ءار ولكە، قالا بار كۇشىن سالىپ، شينجياڭنىڭ دامۋىنا جان - جاقتى كومەك كورسەتتى، بۇنىڭ ءبارى ەڭ سوڭىندا حالىققا تيىمدىلىك جاساۋعا، ۇلتتار ىنتىماعىن جەبەۋگە تياناقتادى. شينجياڭداعى ءار ۇلت حالقى دا العىس سەزىممەن ىشكى ولكەلەردەگى باۋىرلاستارمەن جۇرەكتەس بولىپ، قول ۇستاستى.
بايتاق دالانىڭ بار تۇسىنان ىنتىماق جىرى شىرقالدى
«انار ءدانىنىڭ» كەيبىرى ىشكى ولكەدەن شينجياڭعا كەلسە، كەيبىرى شينجياڭنان ىشكە ولكەگە بارعان. مەيلى قاي جەردە جۇرسە دە، ۇلى وتاننىڭ بايتاق دالاسىندا، جۇرت قاشاندا تىعىز ۇيىسا ءبىلدى.
استانا بەيجيڭدە ءبىر شاعىن اۋلا بار، ءجۇزىم سورەلى كاريدورى، ۇيعۇرشا، حانزۋشا بەلگىلەرى بار ونان «شينجياڭ كەلبەتى» مەن مۇندالاپ تۇرادى. بۇل بەيجيڭ قالالىق قوعام حاۋىپسىزدىگى مەكەمەسى حايديان بولىمشەسى شيشان ساقشى بولىمشەسىنىڭ گۇڭسۇن الەۋمەتتىك اۋماعىنداعى ساقشى پۋنكتىنىڭ شاعىن اۋلاسى ءارى وسى اۋماقتا جۇمىس ىستەيتىن ۇيعۇر بۇقارانىڭ «ءۇيى».
گۇڭسۇن الەۋمەتتىك اۋماعى قالا مەن اۋىل تۇتاسقان جەرگە ورنالاسقان، 2003 - جىلدان باستاپ شينجياڭنان كەلگەن از ۇلت بۇقارانىڭ ءبىرازى وسى اۋماققا جينالىپ، كەپتىرىلگەن جەمىس - جيدەك ساۋداسىمەن شۇعىلدانا باستاعان. الەۋمەتتىك اۋماقتىڭ 46 جاستاعى ساقشىسى حۋاڭ ۋىنجۋ ۇزاق جىلدان بەرى وسىندا از ۇلت بۇقاراسىمەن بارىس - كەلىس جاساپ ءجۇرىپ، ولارمەن سۇيىسپەنشىلىك ورناتىپ، جۇرتتىڭ ەمدەلۋ، جۇمىسقا ورنالاسۋ، وقۋعا ءتۇسۋ سياقتى ماسەلەلەرىنەن تالايىن شەشىپ بەرىپتى، مۇنداعى ۇيعۇر بۇقارا ونى ءوز وتباسىنىڭ ادامىنداي كورەدى ەكەن، «جۇمىس بولسا حۋاڭ ساقشىنى ىزدە» دەيتىن ولاردىڭ كوڭىلىندە حۋاڭ ۋىنجۋ «سەنىمدەرىنىڭ تىرەگىنە» اينالعان. 10 نەشە جىلدان بەرى ىلگەرىندى - كەيىندى 1500دەن استام ۇيعۇر بۇقارا وسى الەۋمەتتىك اۋماقتا تۇرعان، قىزمەت ىستەگەن، قازىر ولاردىڭ ءبارى حۋاڭ ۋىنجۋدى بەيجيڭدەگى سەنىمدى جاقىندارىنا بالايدى.
بەيجيڭ، تيانجين، حىنان، جىجياڭ، فۋجيان، گۋاڭدۇڭ ... مۇنداي ىستەر ەلىمىزدىڭ جەر - جەرىندە ءار كۇنى كورىنىس بەرىپ جاتادى. كەزەكتە، ىشكى ولكەلەردە تۇراتىن، قىزمەت ىستەيتىن، وقيتىن شينجياڭدىق ءار ۇلت بۇقاراسى سان مىڭداپ تابىلادى، ولار تۇرلىشە قالالارعا، تۇرلىشە ءمالى باسقارمالارى مەن الەۋمەتتىك اۋماقتاردا بىتىراي ورنالاسقان. ايتسە دە قايدا جۇرسە دە، سانى كوپ بولسىن، از بولسىن، ولاردىڭ ءبارى جەرگىلىكتى پارتكوم، ۇكىمەتتىڭ، كادر - جۇرتشىلىقتىڭ قىزۋ قارسى الۋىنا، بار كۇشپەن قولداۋىنا جانە قالتقىسىز كومەگىنە يە بولعان.
وتانىمىزدىڭ بايتاق دالاسىنا كوز سالساق، وتان شاڭىراعى شينجياڭداعى ءار ۇلت بۇقاراسىن قاشاندا جىلى قۇشاعىنا وراپ جاتقانىن كورەمىز. شينجياڭدىقتار جۇرگەن ءار جەردە ۇلتتار ىنتىماعىنىڭ ۇرىعى سەبىلىپ، «ۇلتتار ىنتىماعىنىڭ بەرەكەلى شاڭىراعى» دەيتىن اسەم گۇل شەشەك اتقان.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
