- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەرتەڭگى كۇننىڭ يەلەرىنە مەيىرىمنىڭ شۋاعىن توكتى
−حىبەي ولكەسى حىڭشۇي قالاسىنان شينجياڭعا باعىتتامالى كومەكتەسۋگە كەلگەنكادر جوۋ اي - ۋدىڭ ىزگى ىستەرى تۋرالى (3)
2016.10.25 10:20 كەلۋ قاينارى : شينجياڭ گازەتى
قوڭىر كۇز، ءتۇس اۋىپ كەتكەن، كۇننىڭ جومارت شۋاعى جەرگە جىلۋىن توگىپ تۇر. 8 - قازان تۇستەن كەيىن لوپنۇر اۋدانىنىڭ شيڭپيڭ اۋىلىنداعى تۇڭچيكى قىستاعىنىڭ تۇرعىنى ابىلا تۇرسۇننىڭ اۋلاسىنان سابيلەردىڭ بىركەلكى ءارى سالتاناتتى تۇردە سەرت بەرگەن ءۇنى ەستىلدى: ءبىز، بالدىرعاندار مەيىرىم ساباقحاناسىنداعى بالالار، جۇڭگو كوممۋنيستىك پارتياسىن، وتاندى قىزۋ سۇيەمىز. ءبىز شىنشىل، سەرتكە بەرىك، ادەپتى، ريزاشىل بولۋعا، ۇلتتار ىنتىماعىن قورعاپ، تىرىسىپ وقىپ، سوتسياليزمنىڭ تولىمدى ءىزباسارى بولۋعا انت ەتەمىز.
جاسىل جەلەك جامىلعان اۋلانىڭ قاقپاسىن اشقانىمىزدا، حىبەي ولكەسى چىڭدى، حىڭشۇي قالالارىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ قولباسشىسى جوۋ اي - ۋدىڭ وڭ قولىن باسىنان اسىرا كوتەرىپ، مەملەكەت تۋىنا بەت تۇزەپ تۇرعانىن كوردىك، ونىڭ سوڭىندا وڭ قولىنىڭ تۇيىلگەن جۇدىرىعىن كوتەرىپ، مەملەكەت تۋىنا سەرت بەرىپ تۇرعان بالاقايلار تۇرعان ەدى.
سول كۇنى «بالدىرعاندار مەيىرىم ساباقحاناسىنىڭ» وقۋ كۇنى بولاتىن، مەملەكەت تۋىنا سەرت بەرۋ −ساباقتىڭ الدىنداعى دايىندىق ىسپەتتى. «بالالارعا بۇگىنگى باقىتتى ءومىرىمىزدىڭ وڭاي - وسپاق كەلمەگەنىن ۇعىندىرىپ، ولاردى شىنشىل، سەرتكە بەرىك، ادەپتى، ريزاشىل بولۋعا تاربيەلەۋدى ويلادىم»، − دەدى جوۋ اي - ۋ ساباق الدىنداعى سەرت بەرۋدىڭ ماقساتى تۋرالى توقتالعاندا.
ءار اپتانىڭ سەنبى كۇنى تۇستەن كەيىن، جوۋ اي - ۋ تۇڭچيكى قىستاعى مەن كورشىلەس قىستاقتارداعى بالالارعا ساباق وتەدى. سالدەن كەيىن، شارۋا ۇيىنەن بالالاردىڭ ۇيعۇر، حانزۋ تىلدەرىندە داۋىستاپ كىتاپ وقىعان اجارلى ءۇنى ەستىلدى. اۋدانى 20 نەشە شارشى مەتر كەلەتىن اياداي ساباقحانادا، جوۋ اي - ۋ 30دان اسا ۇيعۇر، حانزۋ بالاسىنا ساباق بەرىپ تۇر، بالدىرعاندار ۇيعۇر تىلىندە جازۋ، وقۋعا جاتتىعىپ، تاڭ ولەڭدەرىن، سۇڭ بايتتەرىن، عيبىراتتى اڭگىمەلەردى جانە ۇيعۇردىڭ ماقال - ماتەلدەرىن قىزىعا ۇيرەنۋدە.
«بالدىرعاندار مەيىرىم ساباقحاناسىن» اشقان جوۋ اي - ۋ ۇيعۇرشانى مايىن تامىزا سويلەيدى، ونىڭ ۇيعۇرشا جازۋى دا مارجانداي. «تەك ءتىلىمىز تابىسقاندا عانا تىلەگىمىز توعىسادى، مەن بالالارعا ۇيعۇرشا جازۋدى، حانزۋشا سويلەۋدى ۇيرەتەمىن، ماقساتىم −ولاردىڭ ءسابي كوڭىلىنە ۇلتتار ىنتىماعىنىڭ ۇرىعىن سەبۋ»، − دەدى جوۋ اي - ۋ.
2015 - جىلى ناۋرىزدا لوپنۇر اۋداندىق پارتكومنىڭ اۋدان دارەجەلى كادرلار قىستاقتاردىڭ «ءبىرىنشى شۋجيى» مىندەتىن وتەۋى جونىندەگى ورنالاستىرۋىنا وراي، جوۋ اي - ۋ شيڭپيڭ اۋىلىنىڭ تۇڭچيكى قىستاعىنا ات باسىن تىرەپ، وسى قىستاق پارتيا ياچەيكاسىنىڭ «ءبىرىنشى شۋجيى» قىزمەتىن ارقالايدى. تۇڭچيكى قىستاعىنداعى 1800 ادامنىڭ جەتى ۇلەسى ۇيعۇر ۇلتىنان، تيپتىك ۇلتتىق قىستاق ەدى.
جوۋ اي - ۋ قىستاققا كەلەردەن بۇرىن «قىستاقتىڭ شۋجيى بولۋدان ىلگەرى قىستاقتىڭ تۇرعىنى بولۋعا قۇلشىنىپ، جۇرتشىلىققا بالداي باتىپ، سۋداي سىڭەمىن»، − دەپ ىشتەي سەرت بەرگەن ەدى. قىستاققا كەلگەننەن كەيىن، جوۋ اي - ۋ ءبىرىنشى بولىپ قىستاقتىڭ جىلۋ قازانىن جۇرگىزەتىن ءانۋار توحتىمەن تانىسادى، ۇيعۇر تىلىندە تانىستىق بەرگەن جوۋ اي - ۋ شاڭ - توزاڭنان كوزى سىعىرايعان ءانۋاردى ۇيگە كىرىپ، بەتىن جۋىپ الۋعا شاقىرادى، سونان ءانۋاردىڭ ەلەكترلى كولىگىمەن قىستاقتى تولىق ارالاپ شىعادى، ەكەۋى شۇيىركەلەسە اڭگىمەلەسىپ، لەزدە دوس بولىپ كەتەدى.
ءانۋار سول كەزدى ەسكە الىپ: قاتتى تەبىرەندىم جانە قايران قالدىم، بۇل حانزۋ كادر ۇيعۇر ءتىلىن قايدان ۇيرەنىپ العان؟ ءتىپتى، مۇدىرمەيدى دە، ونىڭ ۇستىنە ءوزى دە كىشى پەيىل، جارالماعان جان ەكەن، باستىققا ۇقسامايدى، − دەدى.
تۇستەن كەيىن، قىستاق تۇرعىندار كوميتەتىنە ورالعان ءانۋار قىنجىلىپ: جوۋ شۋجي، 2 بالام حانزۋشاعا وراشولاقتاۋ، ولارعا ءتىل ۇيرەتە الاسىز با؟ − دەيدى. ءانۋاردىڭ تۇرمىسىندا قيىنشىلىق بار ەكەنىن ءبىلىپ، ونىڭ سەنىممەن قاراعان جانارىنا كوزىن قاداعان جوۋ اي - ۋ بىردەن ماقۇلدىق بەرەدى.
«ءار سەنبى كۇنى تۇستەن كەيىن، مەن ءانۋاردىڭ ۇيىنە بارىپ، 2 سابيگە ۇيعۇر، حانزۋ جازۋىن ۇيرەتىپ، حانزۋشا سويلەۋگە جاتتىقتىرامىن، بالالاردىڭ وقۋعا ىنتاسى بولەكشە ەدى، - دەدى جوۋ اي - ۋ، ۇيعۇرشا الىپپە، جەكە سوزدەر مەن سويلەمدەردى ۇيرەتۋمەن بىرگە، ولارعا ۇيعۇردىڭ ماقال - ماتەلدەرىن، فيلوسوفيالىق اڭگىمەلەرىن ۇيرەتەمىن، تاڭ ولەڭدەرىن ۇيعۇر تىلىنە اۋدارىپ، سونى جاتتاتامىن».
بىرتە - بىرتە، توڭىرەكتەگى بالالار دا ءوز ەركىمەن ولاردىڭ قاتارىنا قوسىلادى، ساباقحانانىڭ العاشقى 5 −6 وقۋشىسى بۇل كۇندە 46عا كوبەيىپ، كولەمى كەڭەيە تۇسكەن، بالالار دا ءبىر - بىرىمەن دوس بولىپ كەتەدى. العاش ساباقتان باستاپ ەسەپتەگەندە، بالدىرعاندار مەيىرىم ساباقحاناسى قازىرگە دەيىن 114 ساعات ساباق وتكەن ەكەن.
بالالاردىڭ وقۋعا ىنتاسىن كوتەرۋ ءۇشىن، جوۋ اي - ۋ ءوزىنىڭ اي سايىنعى جاردەم اقشاسىنان بالالارعا وقۋلىق، وقۋ قۇرالى، سومكە ساتىپ الىپ بەرەدى جانە وزدەرىنە «بالدىرعاندار مەيىرىم ساباقحاناسى» دەگەن ادەمى ات قويادى.
«ساباقحاناداعى بالانىڭ سانى كوبەيگەن سايىن، جوۋ مۇعالىم قالتاسىنان اقشا شىعارىپ، سومكە، وقۋ قۇرالىن ساتىپ الادى، ءار رەت ونىڭ جاڭا كەلگەن بالالارعا وقۋ قۇرالدارىن تابىس ەتكەنىن كورگەنىمىزدە، جۇرەگىمىز جىلىپ كەتەدى»، − دەدى زۇبايدا رەيىم دەگەن وقۋشى. ۋاقىتتىڭ جىلىستاپ وتۋىمەن، جوۋ اي - ۋ مەن بالالار اراسىندا تەرەڭ دوستىق ورنايدى، بالالاردىڭ اتا - انالارى دا حىبەيدەن كومەككە كەلگەن بۇل كادرعا سەنىم ارتىپ، مويىنداۋشىلىق بىلدىرەدى. نەشە ونداعان وقۋشى نەشە ونداعان وتباسىنىڭ اراسىن جالعايدى، ول وتباسىلاردىڭ ارتىندا نەشە جۇزدەگەن تۋىس - تۋعان، دوس - جاران تۇرعان ەدى، ءار ۇلت قىستاق تۇرعىندارى شينجياڭعا كومەككە كەلگەن قاراپايىم دا ۇستامدى وسى كادردى ۇناتىپ قالادى، قىستاق تۇرعىندارى كوڭىلىن بەيمازا ەتكەن ىستەر، ءوندىرىس - تۇرمىستا جولىققان قيىنشىلىقتار، سونداي - اق قىستاقتىڭ قۇرىلىسى تۋرالى ونىمەن اقتارىلا سىرلاسا الادى. ءسويتىپ، ياحۇپ قاسىم سياقتى ونداعان وتباسىنىڭ جەر سۋارۋ ماسەلەسى شەشىلەدى، «ءتورت ءتۇرلى قارت» مامەت داۋىتتىڭ ايەلى اۋرۋدان ايىعادى، تۇرسۇن رەيىمنىڭ نەمەرە قىزىنىڭ بالا باقشاعا ءتۇسۋ ماسەلەسى دە شەشىلەدى.
2015 - جىلى شىلدەدە جوۋ اي - ۋدىڭ حىبەيدەگى تۋىستارى وعان امانداسا كەلەدى، ونىڭ «بالدىرعاندار مەيىرىم ساباقحاناسىن» اشقانىن ەستىپ، ەرەكشە اسەرلەنگەن 3 تۋىسى 15 مىڭ يۋان اقشا قۇراپ، بالالارعا سومكە، وقۋ قۇرالى جانە قولعاپ، باس كيىم، ت.ب الىپ بەرەدى.
ساباق تىڭداۋعا كەلەتىن بالالاردىڭ قاتارى كوبەيە كەلە، ءانۋاردىڭ ءۇيى وقۋ جۇمىستارىنىڭ قالىپتى جۇرگىزىلۋىن قامتاماسىز ەتە المايدى. 2015 - جىلى قاراشا ايىندا «بالدىرعاندار مەيىرىم ساباقحاناسى» تۇڭچيكى قىستاعىنىڭ كەڭ دە جارىق قىستاق كەڭسەسىندە ساباق بەرە باستايدى، سونىمەن قاتار بالالاردىڭ كىتاپقا اۋەسىن ارتتىرۋدى ماقسات ەتكەن «بالدىرعاندار مەيىرىم كىتاپ ءۇيى» دە ىسكە قوسىلادى، العاشقى 6000 يۋاندى جوۋ اي - ۋ ءوز قالتاسىنان شىعارادى. ىزىنشە، حىڭشۇيدەن كومەككە كەلگەن كادرلار، قىستاقتا تۇراتىن كادرلار جانە قوعامداعى مەيىرىمدى جاندار بەلسەنە ءۇن قوسادى، قازىر «بالدىرعاندار مەيىرىم كىتاپ ۇيىندە» عىلىممەن ساۋاتتاندىرۋ، تامسىلدەر، ەرتەگىلەر جانە ۇلىلاردىڭ ءومىر بايانى سياقتى مازمۇنداعى 5000نىڭ ۇستىندە كىتاپ بار.
«مەيىرىم كىتاپ ۇيىنەن ءتۇرلى كىتاپتى قارىزعا الا الامىز، كىتاپ وقۋ ارقىلى كوز ايامىز كەڭەيۋمەن بىرگە، <قوس تىلدە> سويلەۋ دەڭگەيىمىز دە ارتا ءتۇستى»، − دەدى وقۋشى ريزۋانگۇل مامەت تەرەڭ سەزىممەن.
بيىل قىركۇيەكتە قىستاق تۇرعىندار كوميتەتىنىڭ كەڭسەسى جوندەۋدەن وتەتىن بولىپ، «بالدىرعاندار مەيىرىم ساباقحاناسى» ۋاقىتشا ابىلانىڭ ۇيىنە كوشىپ بارادى. «قىستاق كەڭسەسىنىڭ جوندەلەتىنىن ەستىپ، قىستاقتان ساباقحانانى ءبىزدىڭ ۇيگە كوشىرۋدى ءوتىندىم، قازىر پارتيانىڭ ساياساتى جاقسى، ءبىز كەڭ، جارىق بەيقۇت ۇيگە كوشىپ كىردىك، مەن ءۇيىمنىڭ ءبىر بولمەسىن ارنايى بوساتىپ قويدىم، بالالاردىڭ ساباق الۋىنا ابدەن جەتەدى»، − دەدى ابىلا قۋانىشپەن.
«قيماي اتتانىپ، ساعىنىشپەن ەسكە الىپ جۇرەرمىن». جوۋ اي - ۋ ءوزىنىڭ قالتقىسىز سۇيىسپەنشىلىگىمەن، ناقتىلى ارەكەتىمەن قىستاققا ۇلتتار ىنتىماعىنىڭ ءنان بايتەرەگىن وتىرعىزدى، ول ءتىل قۇرالى ارقىلى بالالاردىڭ ءسابي كوڭىلىنە دوستىق دەيتىن ۇلى سەزىمدى ۇيالاتتى.
«مەن وسىناۋ ىرىستى توپىراقتى جانىمداي سۇيەمىن، جۇرەگىم وسىندا قالىپ بارادى، شينجياڭدا قىزمەتتە بولعان وسى كۇندەرىم، ءار ۇلت بالالارىمەن بىرگە ۇيرەنىپ، بىرگە تۇرمىس كەشىرگەنىم ومىرىمە جەتەر باعالى رۋحاني قازىنا بولماق، كەيىن قايدا جۇرسەم دە، قانداي قىزمەتپەن شۇعىلدانسام دا، شينجياڭعا دەگەن سۇيىسپەنشىلىگىم ەشقاشان سۋىماق ەمەس، مەن شينجياڭ مەن ىشكى ولكەلەردىڭ بايلانىسىن نىعايتۋعا بار كۇشىمدى ارناي بەرەمىن»، − دەدى جوۋ اي - ۋ تەبىرەنىپ.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
