- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانىڭ قامقورلىعىنان وتەر باقىت جوق
− «ۇلتتار ىنتىماعىنىڭ بەرەكەلى شاڭىراعى» قيمىلى تۋرالى شولۋ
2016.10.25 10:15 كەلۋ قاينارى : شينجياڭ گازەتى
جىمىڭداعان جۇلدىزدار زەڭگىر اسپانعا جارىق شاشادى؛ ۇلتتار ىنتىماعى وتان ارمانىنا قاتار قانات قاعادى.
كوپ ۇلت شوعىرلى قونىستانعان شينجياڭ − وتاننىڭ كەرىم ولكەسى، پارتيانىڭ شۇلەن شۋاعىنا شومعان ىرىستى جەر. شي جينپيڭ جولداس باس شۋجي بولعان پارتيا ورتالىق كوميتەتىنىڭ شينجياڭعا باسا نازار اۋدارىپ، ەرەكشە قامقورلىق جاساۋى شينجياڭداعى ءار ۇلت حالقىنىڭ كوڭىل جايلاۋىنا كۇننىڭ نۇرلى ساۋلەسىندەي شۋاق شاشىپ، ءار ۇلت كادر - جۇرتشىلىعىن ءبىر نيەتپەن ىنتىماقتاسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ارشىندى قادام باسۋعا ىنتالاندىرىپ كەلەدى.
ءار ۇلت «اناردىڭ دانىندەي تىعىز توپتاسۋى كەرەك»
پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى شينجياڭداعى ءار ۇلت جۇرتشىلىعىنىڭ باقىتىن ەستەن شىعارماي، شينجياڭنىڭ ۇلتتار ىنتىماعى، العاباسارلىعى قىزمەتىنە باسا نازار اۋدارىپ، سان مارتە ماڭىزدى نۇسقاۋ بەرىپ، ماڭىزدى سوزدەر جاريالاپ، شينجياڭنىڭ ۇلتتار ىنتىماعى قىزمەتىن جاقسى ىستەۋگە باعىت - باعدار سىلتەپ، كەلەلى نەگىز ازىرلەدى.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، باس شۋجي شي جينپيڭ «ءار ۇلت ءوزارا ءتۇسىنىسىپ، ءوزارا قۇرمەت ەتىپ، ءوزارا باۋىرمال بولىپ، ءوزارا قادىرلەپ، ءوزارا ۇيرەنىپ، ءوزارا كومەكتەسىپ، اناردىڭ دانىندەي تىعىز توپتاسۋى كەرەك» دەپ باسا دارىپتەگەن بولاتىن.
باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى سوزىندە، ۇلتتار ىنتىماعى ەڭ ءجيى قولدانىلعان تىركەستەردىڭ ءبىرى؛ باس شۋجي شي جينپيڭ شينجياڭدا قىزمەت تەكسەرگەندە، ۇلتتار ىنتىماعى ول ەڭ كوڭىل بولگەن ماسەلە بولدى. ۇلتتاردىڭ ءبىر تۋعانداي بەرەكە - بىرلىگىن «اناردىڭ دانىندەي تىعىز توپتاسايىق» دەگەن ءبىر اۋىز سوزبەن تۇجىرىمداۋ وبرازدى دا جاناسىمدى، ءمانى دە وتە تەرەڭ.
ەڭ ۇلى كۇش − بىلەك پەن تىلەكتىڭ بىرلىگى، ەڭ بەرىك نەگىز − ۇلتتار ىنتىماعى.
وتكەن جىلى اۆتونوميالى رايون قۇرىلعاندىعىنىڭ 60 جىلدىق مەرەي تويىندا، ورتالىق ۋاكىلدەر ۇيىرمەسى شينجياڭعا ۇسىنعان گراموتانىڭ بەتىنە باس شۋجي شي جينپيڭنىڭ «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن ارناۋ ءسوزى جازىلعان، انار ۇلگىسىندەگى كۋبوك تا باس شۋجي شي جينپيڭ ورتاعا قويعان ءار ۇلت «اناردىڭ دانىنداي تىعىز توپتاسۋى كەرەك» دەگەن ءسوزدىڭ رۋحى نەگىزىندە جوبالانعان، وندا تەلەگەي ءۇمىت، تەرەڭ ءمان بار ەدى. تاريح پەن ءومىر شىندىعى قايتا - قايتا دالەلدەگەندەي، شينجياڭدى كوركەيتىپ، وتان ارمانىن بىرگە جۇزەگە اسىرۋدىڭ تەتىگى ءار ۇلت حالقىنىڭ وتان بىرلىگىن، ۇلتتار ىنتىماعىن، قوعام ورنىقتىلىعىن بىرگە قورعاۋداعى قۇرىش قورعانىن بەكەمدەۋدە. ۇلتتار ىنتىماعىن ءار ۇلت حالقىنىڭ جان تامىرى رەتىندە مىقتاپ يگەرىپ، ۇلتتار ىنتىماعى مەن ءدىني جاراسىمدىلىقتى قۇلشىنا جەبەپ، ۇلتتاردىڭ ارالاسۋىن، ىشتەسۋىن، توعىسۋىن، «بەس وسكەلەڭ تانىمدى» ىلگەرىلەتىپ، تىلەكتەر مەن بىلەكتەردى جۇڭگو ارمانىن جۇزەگە اسىرۋعا جۇمىلدىرىپ، شينجياڭداعى ءار ۇلت حالقى اناردىڭ دانىندەي تىعىز توپتاسسا، باقىت پەن امانشىلىق ەڭ بەرىك تىرەككە يە بولادى.
«جۇڭگو ارمانى − ءار ۇلتتىڭ ارمانى»
اتى جياڭسۋ ولكەسىنىڭ بۇكىل ەلىمىزگە تانىمال «الەمدەگى 1 - قىستاق» حۋاشي قىستاعىمەن ءبىر ءارىپ قانا ايىرماشىلىعى بار لوپنۇر اۋدانى شيڭپيڭ اۋىلى داشي قىستاعى شينجياڭدا حۋاشي قىستاعى سياقتى ات - اتاققا يە. قىستاق پارتيا ياچەيكاسىنىڭ جەتەكشىلىگىندە، داشي قىستاعىنداعى ءار ۇلت حالقى «10 مىڭ وتباسى جۇپ قۇراپ، تۋىس بولۋ» جەلىلەس قيمىلىن ورىستەتىپ، ۇلتتار ىنتىماعىن ءار تۇرعىننىڭ جۇرەگىنە تەرەڭ ۇيالاتىپ، بۇكىل قىستاقتا كوركەيە تۇسكەن جاعىمدى بەت - بەينە جارىققا شىقتى. قىستاق تۇرعىندارى باس شۋجي شي جينپيڭگە حات جازىپ، باقىتتى ءومىر تۋرالى قۋانىشتارىن جەتكىزدى. باس شۋجي شي جينپيڭ قىستاق تۇرعىندارىنا جاۋاپ حات جازدى ءارى ولاردان «ءوندىرىستى جاقسى دامىتىپ، ۇلتتار ىنتىماعىن جاقسى بەكەمدەپ، اۋىلداستاردىڭ كۇندەرىنىڭ كۇننەن - كۇنگە جاقسارا تۇسۋىنە مۇمكىندىك جاساۋدى» ءۇمىت ەتتى.
ىنتىماق − كۇش، ىنتىماق − جەڭىس. ايرىقشا جىگەرلەنىپ، قاتتى تەبىرەنگەن داشي قىستاعىنداعى ءار ۇلت تۇرعىندارى باس شۋجي شي جينپيڭنىڭ تاپسىرماسىن ءار كەز ەستەن شىعارماي، جاراسىمدى تاتۋلىقتىڭ، قيىنشىلىقتى تىزە قوسا جەڭۋدىڭ، جاراسىمدى دامۋدىڭ جاڭا داستانىن جازۋدى جالعاستىرۋدا.
2015 - جىلى قىركۇيەكتە بەيجيڭدە وتكىزىلگەن اۆتونوميالى رايون قۇرىلعاندىعىنىڭ 60 جىلدىعىنا ارنالعان تابىستار كورمەسىنە «جۇڭگو ارمانىنا قاتار قانات قاعايىق» دەگەن كانۋا قويىلدى، بۇل كانۋانى كۇشار اۋدانى ۇزىن قالاشىعى 2 - ءۇشقارا قىستاعىنداعى اپەكەلى - ءسىڭلى حانايشام مەن ميھىرگۇل 2 اي ۋاقىتپەن كەستەلەپ شىققان. نەگىزگى ساتىداعى ۇلتتار ىنتىماعىنىڭ ۇزدىك ۋاكىلى رەتىندە باس شۋجي شي جينپيڭدى كورگەن ءساتتى ەسكە العان حانايشام ءالى ايرىقشا تەبىرەنىپ: باس شۋجي شي جينپيڭ ءبىزدى قابىلداعان كەزدە ايتقان «جۇڭگو ارمانى − ءار ۇلت حالقىنىڭ ارمانى» دەگەن ءسوزى ءالى ەسىمدە. 56 ۇلت ءبىر شاڭىراقپىز، ءبىز ءبىر - بىرىمىزگە كومەكتەسۋىمىز كەرەك. ءبىز اناردىڭ دانىندەي تىعىز ۇيىسۋىمىز ءتيىس، - دەيدى.
بيىل مەملەكەت مەرەكەسى قارساڭىندا، اپەكەلى - ءسىڭلى ەكەۋى ءوز ارماندارىن اقىرى ىسكە اسىردى − ولاردىڭ كۇشار اۋدانىنداعى اۋىلدارىنان اشقان كەستەشى اپەكە - سىڭلىلەر سەلبەستىك كووپەراتيۆى جۇمىس باستادى. «شي جينپيڭ جولداس باس شۋجي بولعان پارتيا ورتالىق كوميتەتىنىڭ قامقورلىعى بولماسا، ءبىزدىڭ بۇگىنگى باقىتتى تۇرمىسىمىزدىڭ بولۋى دا مۇمكىن ەمەس ەدى»، - دەيدى حانايشام.
ورەلى ونەگە تيانشانعا ءنار بەردى
بيىل 1 - قاراشادان باستاپ اتقارىلاتىن «اۆتونوميالى رايوننىڭ وڭتۇستىك شينجياڭدا ورتا مەكتەپ ساتىسىنداعى وقۋ - اعارتۋدى جالپىلاستىرۋ ەرەجەسى» مەملەكەت تۇرعىسىنان جوعارى دەڭگەيلى جوبا جاساپ، وڭتۇستىك شينجياڭ وقۋ - اعارتۋىنىڭ دامۋى جونىنەن توتەنشە ساياسات اتقارىپ، وڭتۇستىك شينجياڭنىڭ ورتا مەكتەپ ساتىسىنداعى وقۋ - اعارتۋىندا وقۋ قاراجاتىن، وقۋلىق قاراجاتىن، جاتاق قاراجاتىن كەشىرىم ەتىپ، وتباسىندا ەكونوميكالىق قيىنشىلىعى بار وقۋشىلارعا تۇرمىستىق كومەك قاراجات بەرۋدى العا قويدى.
پارتيانىڭ 18 - قۇرىلتايىنان بەرى، شينجياڭنىڭ، وتە - موتە، وڭتۇستىك شينجياڭنىڭ ەكونوميكالىق، قوعامدىق دامۋىن بۇكىل ەلدىڭ كۇشىن جۇمىلدىرىپ زور كۇشپەن قولداپ - قۋاتتاعان پارتيا ورتالىق كوميتەتىنىڭ اتقارعان توتەنشە بەيىمدەلۋ، سۇيەمەلدەۋ ساياساتى مەن شارالارىنا سان جەتپەيدى دەسەك ارتىق ەمەس.
تەكەس اۋدانىنىڭ بوزادىر مال شارۋاشىلىق رايونىنداعى مالشىلار «ساحاراداعى گۇل قانشالىق كوپ بولسا، جۇماتاي شيپاگەردىڭ ىستەگەن ىزگى ىستەرى دە سونشالىق كوپ» دەگەن ءسوزدى اۋىزدارىنان تاستامايدى ەكەن. قازان ايى كىرگەننەن كەيىن كۇن بىرتىندەپ سۋىتا باستادى. مەملەكەتتىك ءمورال ۇلگىسى، ەڭ تاڭداۋلى اۋىل شيپاگەرى جۇماتاي اۋباكىر ۇلىنىڭ قىسقى مال وتارىنداعى ەمدەۋ ءتۇيىنى دە وسىعان سايكەس قاربالاستاپ كەتتى.
نەگىزگى ساتىداعى ۇلتتار ىنتىماعىنىڭ تاڭداۋلى ۇلگىسى جۇماتاي باس شۋجي شي جينپيڭنىڭ وزدەرىن قابىلداعان كەزدە ايتقان: «شيپاگەر بولعاننان كەيىن مالشىلار ءزارۋ بولعان كەزدە، ءسوز جوق، دەرەۋ ولاردىڭ قاسىنان تابىلۋ كەرەك، مىنە بۇل ۇلتتار ىنتىماعى. شينجياڭداعى ءاربىر ۇلت، ءاربىر ازامات تۇگەلدەي ۇلتتار ىنتىماعىن سانالىلىقپەن قورعاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنۋ كەرەك» دەگەن ءسوزىن ەسىنە بەرىك ساقتاپتى.
ورەلى ونەگە تيانشانعا ءنار بەردى. وسى جىلداردا پارتيانىڭ حالىققا تيىمدىلىك جاساۋ ساياساتتارى تيانشان تاۋىنىڭ تۇستىگى مەن تەرىستىگىندە ىركەس - تىركەس تامىر تارتىپ، ءار ۇلت حالقىن يگىلىككە كەنەلتتى. پارتيانىڭ مەيىر - شاپاعاتى تاۋدان بيىك، تەڭىزدەن تەرەڭ، مىنە بۇل شينجياڭداعى ءار ۇلت حالقىنىڭ ورتاق جۇرەك ءۇنى.
ۇلتتارى ىنتىماقتى، بەرەكەلى شاڭىراق، جۇڭگو ارمانىنا قاتار قانات قاعايىق. پارتيانىڭ قامقورلىعىنا مەيلىنشە كەنەلگەن، پارتيانىڭ قامقورلىعىنان ەرەكشە شابىت العان شينجياڭداعى ءار ۇلت حالقى، ءسوز جوق، اناعۇرلىم جالىندى رۋحاني بەينەمەن بەرىك ىنتىماقتاسىپ، وتاننىڭ شينجياڭىن بارىنشا جاقسى كوركەيتە تۇسەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
