شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ ناتيجەسى جالپىعا ايان
انار بۇلت / شينجياڭ گازەتىنىڭ ءتىلشىسى لي شيڭ
2021.05.19 16:49 كەلۋ قاينارى : شينجياڭ گازەتى
”بۇل سۋرەتتەر ءتىلسىز بولعانىمەن، مەنى قاتتى تۇرشىكتىردى، لاڭكەس ەلەمەنتتەر ايتىپ - ايتپاي ادامگەرشىلىكتەن جۇرداي“. 5 - ايدىڭ 13 - كۇنى لاتىن امەريكاسى مەن كارايب ەلدەرىنىڭ جۇڭگودا تۇراتىن ەلشىلەرى جانە ديپلوماتتار ۋاكىلدەر ۇيىرمەسى شينجياڭ حالىقارالىق كورمە ورتالىعىندا ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالاعان كەزدە ۆەنەسۋەلانىڭ جۇڭگودا تۇراتىن باس ەلشىسى فيليكس پۋلاسىنشييا زورلىقتى كۇش لاڭكەستىك ۋاقيعالارىنداعى بەيكۇنا بۇقارانىڭ راقىمسىز ولتىرىلگەن كورىنىستەرىن كورگەندە ەرەكشە تىكسىندى.
شينجياڭ − جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىندەگى نەگىزگى شايقاس مايدانى. ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسى“ شينجياڭنىڭ كەزىندە لاڭكەستىكتىڭ جانە ءدىني ۇشقارىلىقتىڭ زيانىنا اياۋسىز ۇشىراعاندىعىن، شەكارا ءىشى - سىرتىنداعى ”ءۇش ءتۇرلى كۇشتىڭ“ شينجياڭدا تالاي رەتكى زورلىقتى كۇش لاڭكەستىك ۋاقيعاسىن جوسپارلاپ ءارى ۇيىمداستىرىپ اتقارىپ، حالىقتىڭ ءومىر حاۋىپسىزدىگى اۋىر قاتەرگە ۇشىراعاندىعىن، شينجياڭنىڭ زورلىقتى كۇش لاڭكەستىك قىلمىستارىنا زاڭ بويىنشا قاتاڭ سوققى بەرىپ، لاڭكەستىككە قارسى تۇرۋ، ۇشقارىلىقتى الاستاۋ كۇرەسىندە ماڭىزدى كەزەڭدىك جەڭىسكە قول جەتكىزگەندىگىن كورسەتتى.
”لاڭكەستىكتىڭ، ۇشقارىلىقتىڭ رەال قاتەرى الدىندا، شينجياڭ كەسكىن شارا قولدانىپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، لاڭكەستىك ارەكەتتەردىڭ كوپ تۋىلۋ، جيى تۋىلۋ جاعدايىن ءونىمدى اۋىزدىقتاپ، ءار ۇلت حالىق بۇقاراسىنىڭ تىرشىلىك ۇقىعىن، دامۋ ۇقىعىن ەڭ جوعارى شەكتە قامتاماسىز ەتتى، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ ناتيجەسى جالپىعا ايان“. فيليكس پۋلاسىنشييا شينجياڭنىڭ لاڭكەستىككە قارسى تۇرۋ جانە ۇشقارلىقتى الاستاۋ كۇرەسىندە قولدانعان شاراسىن القادى.
قاجىماي - تالماي قۇلشىنۋدىڭ ارقاسىندا شينجياڭدا قازىر ءۇرتىس 4 جىلدان استام ۋاقىت زورلىقتى كۇش لاڭكەستىك دەلوسى تۋىلماعاندىعىن، ەكونوميكانىڭ، قوعامنىڭ جوعارى ساپالى دامۋدى جۇزەگە اسىرعاندىعىن بىلگەننەن كەيىن، فيليكس پۋلاسىنشييا مىنالاردى ءبىلدىردى: شينجياڭنىڭ كەزەكتە قوعامى ورنىقتى، ەكونوميكاسى دامىعان، ادامدارى تىنىش، بەرەكەلى تۇرمىس كەشىرۋدە، شينجياڭنىڭ بولاشاعى ءسوزسىز اناعۇرلىم تاماشا بولادى.
ەكسكۋرسيا بارىسىندا، جۇڭگودا تۇراتىن ەلشىلەر مەن ديپلوماتتار كورمەدەگى سۋرەتتەر مەن بەينە ەكراندى مۇقيات كوردى ءارى قايتىپ بارعاننان كەيىن ءوز ەلىنىڭ بۇقاراسىنا شينجياڭدا كورگەن ناقتى جاعدايلاردى باياندايتىندىقتارىن ءبىلدىردى.
كولۋمبيانىڭ جۇڭگودا تۇراتىن باس ەلشىسى لۋيس مىڭسارۋي كورمەنى كورگەننەن كەيىن كۇرسىنە بىلاي دەدى: ”كولۋمبيادا دا لاڭكەستىك ۋاقيعالار تۋىلعان، لاڭكەستىك، ۇشقارىلىق ادامزات قوعامىنىڭ ورتاق جاۋى، حالىقارالىق قوعام بىرگە سوققى بەرەتىن وبيەكتى، لاڭكەستىك پەن ۇشقارىلىققا قارسى تۇرۋ بۇكىل دۇنيە ءجۇزىنىڭ ورتاق ارەكەتى، قوعامنىڭ بەيبىتىشىلىگىن، ورنىقتىلىعىن قورعاۋ ءار ەلدىڭ ورتاق تىلەگى، ءار ەل قول ۇستاسىپ، لاڭكەستىك قۇقايىنا بىرگە سوققى بەرۋى جانە ونى الاستاۋى كەرەك“.
شينجياڭنىڭ كەدەيلىكتەن ارىلتۋدان قامال الۋ، كاسىپتىك شەبەرلىككە تاربيەلەۋ، باۋلۋ سياقتى قاتىستى مازمۇنداردى كورگەننەن كەيىن لۋيس مىڭسارۋي شينجياڭنىڭ وسى ءادىس - امالدارىنا جوعارى باعا بەردى. ول مىنالاردى ءبىلدىردى: شينجياڭ زورلىقتى كۇش لاڭكەستىك قىلمىستارىنا زاڭ بويىنشا قاتاڭ سوققى بەرۋمەن بىرگە، ساقتانۋ سيپاتتى لاڭكەستىككە قارسى تۇرۋ مەن ۇشقارىلىقتى الاستاۋدى قاينارىنان جونگە سالۋدى ورىستەتۋگە باسا ءمان بەرىپ، زورلىقتى كۇش لاڭكەستىك ارەكەتتەرىن تۋىلماي تۇرىپ جويىپ، حالىق تۇرمىسىن جاقسارتۋعا كۇش سالۋ، زاڭمەن جونگە سالۋ ۇگىت تاربيەسىن كۇشەيتۋ، كومەكتەسۋ - سۇيەمەلدەۋ تاربيەسىن جۇرگىزۋ سياقتى كوپ ءتۇرلى تاسىلدەر ارقىلى ازاماتتاردىڭ نەگىزگى ادامدىق ۇقىعىنىڭ لاڭكەستىكتىڭ جانە ۇشقارىلىقتىڭ زيانىنا ۇشىراماۋىنا ەڭ جوعارى شەكتە قامتاماسىز ەتتى.
”كورمەدەگى سۋرەتتەردى، بەينە ەكراندى جانە ناقتى زاتتاردى ەكسكۋرسيالاپ، مەن شينجياڭنىڭ ەڭ ناقتى جاعدايىن تىكە ءتۇيسىندىم، ءبىزدىڭ كورگەنىمىز ءىشىنارا باتىس اقپارات قۇرالدارىنىڭ ايتقانىمەن بۇكىلدەي باسقاشا ەكەن“، كۋبانىڭ جۇڭگودا تۇراتىن باس ەلشىسى كالوس ميگەر پەيليلا بىلاي دەدى: باتىستاعى ءىشىنارا اقپارات قۇرالدارى مەن مەملەكەتتەردىڭ شينجياڭعا بوگدە نيەتپەن شابۋىل جاساپ، جازعىرۋىنىڭ، ورىنسىز كۇيە جاعۋىنىڭ فاكت نەگىزى جوق. لاڭكەستىكتىڭ قاتەرى زور، ءارقانداي ەلدىڭ لاڭكەستىكتى كورسە دە كورمەسكە سالىنۋى مۇمكىن ەمەس، وعان قاتاڭ سوققى بەرۋ، ءوز ەلى حالقىنىڭ باس اماندىعى مەن مال - مۇلىك حاۋىپسىزدىگىن قورعاۋ ءار ەل ۇكىمەتتەرىنىڭ وتەۋگە ءتيىستى بورىشى.
كالوس ميگەر پەيليلا بىلاي دەدى: بىرنەشە ايدىڭ الدىندا، بىرلەسكەن مەملەكەتتەر ۇيىمىنىڭ ادامدىق ۇقىق القالار ماجىلىسىندە كۋبا نەشە 10داعان مەملەكەتتەرمەن بىرگە، شينجياڭ ماسەلەسىن ساياسيلاندىرماۋدى ۇندەپ، جۇڭگو ۇكىمەتىنىڭ لاڭكەستىككە قارسى تۇرۋ مەن ۇشقارىلىقتى الاستاۋدا جاساعان قۇلشىنىستارىن قولداپ، جۇڭگو ۇكىمەتىنىڭ شينجياڭدا ادامدىق ۇقىققا قۇرمەت ەتۋ جانە ونى قورعاۋ بەكىمى مەن ارەكەتىن القادى. ”بۇل رەتكى قيمىل اياقتاعاننان كەيىن، مەن وسى رەتكى ەكسكۋرسيادا كورگەن كورىكتى، ىنتىماقتى، جاراسىمدى شىنايى شينجياڭدى كوپشىلىككە بايانداپ بەرەمىن“ دەدى ول.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
