اكىمشىلىكتى ىقشامداپ، باجىنى ازايتىپ، قارجى قوسۋ ارناسىن كەڭەيتىپ، شەكتەمەلەردى بوساڭسىتتى
قازاقستان ءتۇرلى شارالار ارقىلى ورتاشا، شاعىن كاسىپورىندارعا قولداۋ كورسەتتى
حالىق گازەتىنىڭ قازاقستاندا تۇراتىن ءتىلشىسى جوۋ حانبو
2021.05.25 14:45 كەلۋ قاينارى : حالىق تورابى
قازاقستان زۇڭليى اسقار ماميننىڭ ۇكىمەت قىزمەتى جونىندەگى ماجىلىستە ايتۋىنشا، ۇكىمەت قازىر 2021 – جىلعى ەكونوميكانى جانداندىرۋ جوسپارىنا وزگەرىس ەنگىزۋدە، الدا ورتاشا، شاعىن كاسىپورىنداردى قولداۋ شارالارىنان 60 نەشە ءتۇرلى شارا اتقارىلادى، بۇل شارالار كاسىپورىنداردان الىناتىن باجىنى ازايتۋ، كەشىرىم ەتۋ، باجى تاپسىرۋ ءتارتىبىن ىقشامداۋ، قارجى قوسۋ ارناسىن كەڭەيتۋ، كاسىپورىنداردى ۇكىمەتتىڭ ساتىپ الۋ نىسانىنا قاتىناسۋعا شابىتتاندىرۋ، ساۋدالىق ارەكەتتەرگە قويىلاتىن شەكتەمەلەردى بوساڭسىتۋ قاتارلىلاردى قامتيدى. اسقار مامين مىنانى ءبىلدىردى: «ورتاشا، شاعىن كاسىپورىنداردى دامىتۋ — ەكونوميكانىڭ ورنىقتىلىعىنا كەپىلدىك ەتۋدەگى ماڭىزدى فاكتورلاردىڭ ءبىرى، ۇكىمەت ورتاشا، شاعىن كاسىپورىنداردىڭ دامۋىنا بارىنشا قولايلى شارت – جاعداي جاراتۋعا كۇش سالادى».
بىلتىردان بەرى، قازاقستان ۇكىمەتى ءبىرقىدىرۋ قولداۋ شارالارىن ورتاعا قويىپ، ورتاشا، شاعىن كاسىپورىنداردىڭ تىركەلۋ مولشەرىندە كورنەكتى ارتۋ بايقالعان. قازاقستاننىڭ ستراتەگيالىق جوبالاۋ جانە رەفورمالاۋ باسقارماسى جاريالاعان ساندى دەرەكتەرگە قاراعاندا، بيىل 2 – ايدىڭ 1 – كۇنىنە دەيىن، قازاقستان بويىنشا تىركەۋگە الىنعان زاڭدى تۇلعالاردىڭ سانى 462 مىڭ 900 بولىپ، سايكەستى مەزگىلدەگىدەن %3.3 ارتقان، مۇنىڭ كوپ ساندىسى جۇمىسشى - قىزمەتكەر سانى 100 ادامعا جەتپەيتىن شاعىن تيپتەگى كاسىپورىندار.
ىندەتتەن ساقتانۋ – تىزگىندەۋ مەزگىلىندە، قازاقستان ۇكىمەتى ورتاشا، شاعىن كاسىپورىندارعا بەلسەندى قولداۋ كورسەتكەن. قازاقستاننىڭ حالىق شارۋاشىلىعى مينيسترلىگىنىڭ مينيسترى ەرعاليەۆتىڭ تانىستىرۋىنشا، 2020 – جىلى 3 – ايدىڭ 15 – كۇنىنەن 2021 – جىلى 3 – ايدىڭ 15 – كۇنىنە دەيىن، قازاقستان ۇكىمەتى 9000 نان استام نىسانعا قارىز بەرىپ، قايتادان جاساقتاعان، جالپى سوماسى 475 ميلليارد تەڭگەگە (ءبىر ا ق ش دوللارى 427 تەڭگە) جەتكەن. بيىل ءبىرىنشى توقساندا، مەملەكەتتىڭ فينانستىق جاقتان تيىمدىلىك جاساۋ، قولداۋ كورسەتۋ ساياساتتارى بويىنشا 16 مىڭنان استام نىسانعا قارىز بەرىلگەن. ەرعاليەۆتىڭ ايتۋىنشا، الدا ۇكىمەتتىڭ ورتاشا، شاعىن كاسىپورىندارعا فينانستىق جاقتان قولداۋ كورسەتۋ تەبىنى ۇزدىكسىز ارتتىرىلادى. فينانستىق قولداۋ كورسەتۋ شارالارىنىڭ تياناقتاندىرىلۋىنا سايكەسۋ ءۇشىن، قازاقستان ۇكىمەتى قارىز بەرۋدى ماقۇلداۋ ءتارتىبىن ىقشامداپ، شارتقا ۇيلەسەتىن كاسىپورىنداردىڭ قارىز الۋ ىستەرىن بەكىتۋ ۋاقىتىن بۇرىنعى 21 قىزمەت كۇنىنەن 5 قىزمەت كۇنىنە قىسقارتادى.
باجى الۋ ساياساتىن رەتكە سالۋ — ورتا، شاعىن كاسىپورىنداردىڭ دامۋىن ىلگەرىلەتۋدەگى ماڭىزدى شارا. بىلتىر قازاقستان ۇكىمەتى باجى الۋ جاعىندا ءبىرقىدىرۋ ءتيىمدى ساياساتتاردى ورتاعا قويعان، مىسالى، بەلگىلەنگەن مەرزىم ىشىندە مال – مۇلىك باجىسىن كەشىرىم ەتۋ، جەكەشە تيجاراتشىلاردان تابىس باجىسىن الماۋ، اۋىل شارۋاشىلىعى ونىمدەرىن وندىرەتىن كاسىپورىنداردان اۋىل شارۋاشىلىعىنا پايدالاناتىن جەر باجىسىن الماۋ، باستى استىق ونىمدەرىنەن الىناتىن ارتقان قۇن باجىسىن تومەندەتۋ قاتارلىلار. بيىل قازاقستان ۇكىمەتى ورتاشا، شاعىن كاسىپورىنداردان الىناتىن باجىنى ازايتۋ – كەشىرىم ەتۋ تەبىنىن ۇزدىكسىز ارتتىرادى ءارى باقىلاۋ – باسقارۋ ساياساتتارىن بەلگىلەپ، ساۋدا ورتاسىن جاقسارتىپ، كاسىپورىنداردىڭ ومىرشەڭدىك قۋاتىن ونان ارى تاسقىنداتىپ، اناعۇرلىم مول قارجىنى باۋراۋعا كۇش سالادى.
قازاقستاننىڭ اتامەكەن كاسىپكەرلەر وداعىنىڭ القالار باستىعى مىرزاحىمەتوۆتىڭ ايتۋىنشا، ۇكىمەتتىڭ تىڭ قولداۋ شارالارى ساۋدا، اۋىل شارۋاشىلىعى، قاتىناس – تاسىمال، اس – سۋ جاعىنداعى قىزمەت وتەۋ قاتارلى ءتۇيىندى سالالارداعى ورتاشا، شاعىن كاسىپورىندارعا تيىمدىلىك جەتكىزىپ، كاسىپورىنداردىڭ ومىرشەڭدىك قۋاتىن تاسقىنداتۋعا، حالىق شارۋاشىلىعىنىڭ قالپىنا كەلۋى مەن ارتۋىن جەبەۋدە ماڭىزدى رول اتقارعان. (حالىق گازەتىنىڭ 5 – ايدىڭ 24 – كۇنى نۇر – سۇلتاننان بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
