شي جينپيڭ يراننىڭ زۇڭتۇڭى رۋحانيمەن تەلەفوندا سويلەستى
2021.05.25 16:42 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 24 - كۇنى يراننىڭ زۇڭتۇڭى رۋحانيمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن يران تار جول، تايعاق كەشۋلەردەن بىرگە ءوتىپ، ءبىر - بىرىنە قارايلاسىپ، جاڭا تيپتى ايدارشا ۆيرۋس وكپە قابىنۋى ىندەتىنە بىرلەسىپ سوققى بەرىپ، ناقتى سەلبەستىكتىڭ بەلسەندى جەتىستىكتەرگە قول جەتكىزۋىن ىلگەرىلەتتى. ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - ءبىرىن باتىل قولداپ، ەكى ەلدىڭ ستراتەگيالىق ءوزارا سەنىمدىلىگىن پارمەندى بەكەمدەپ، حالىقارالىق ادىلدىك پەن ادىلەتتىلىكتى باتىل قورعادى.
شي جينپيڭ بىلاي دەپ دارىپتەدى: بيىل − جۇڭگو مەن يراننىڭ ديپلوماتيالىق قاتىناس ورناتقانىنىڭ 50 جىلدىعى، ەكى ەل قاتىناسى بۇرىنعىعا مۇراگەر بولىپ، كەيىنگىگە جول اشۋ سىندى ماڭىزدى تاريحي كەزەڭدە تۇر. جۇڭگو جۇڭگو - يران قاتىناسىنا ايرىقشا ءمان بەرەدى، يرانمەن بىرگە ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ءار سالاداعى سەلبەستىكتى كۇشەيتىپ، جۇڭگو مەن يراننىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتۋدى قالايدى. جۇڭگو يراننىڭ مەملەكەتتىڭ يەلىك ۇقىعى مەن ۇلتتىڭ ار - نامىسىن قورعاۋىن ۇزدىكسىز باتىل قولدايدى، يراننىڭ ىندەتكە قارسى اتتانۋىنا شاماسىنىڭ كەلىسىنشە كومەك كورسەتىپ، يران حالقىنىڭ ىندەتتى جەڭۋىنە دەم بەرۋدى قالايدى. جۇڭگو يراننىڭ يران يادرو ماسەلەسى جونىندەگى جالپى بەتتىك كەلىسىم ماسەلەسىندەگى ورىندى تالابىن قولدايدى، يرانمەن سايكەسۋدى كۇشەيتىپ، ەكى جاقتىڭ ورتاق مۇددەسىن ويداعىداي قورعاۋدى قالايدى. جۇڭگو پالەستينا ماسەلەسىنىڭ ەرتەرەك ءادىل شەشىلۋىن جەبەۋدە ۇزدىكسىز سىندارلى رول اتقارادى، يرانمەن وڭىرلىك جانە حالىقارالىق ىستەر جونىندە پىكىرلەسۋدى، سەلبەسۋدى كۇشەيتىپ، ءوڭىردىڭ حاۋىپسىزدىگى مەن ورنىقتىلىعىن بىرگە جەبەۋدى قالايدى.
رۋحاني مىنانى ءبىلدىردى: جۇڭگو جاڭا تيپتى ايدارشا ۆيرۋس وكپە قابىنۋى ىندەتىن ءساتتى تىزگىندەدى، سونداي - اق يران قاتارلى ەلدەردىڭ ىندەتپەن كۇرەسۋىنە قاستەرلى قولداۋ كورسەتتى جانە كومەك بەردى، يران بۇعان شىن جۇرەكتەن العىس ايتادى. يران مەن جۇڭگو ديپلوماتيالىق قاتىناس ورناتقان 50 جىلدان بەرى ەكى ەل دوستىق سەلبەستىكتى جالعاستىردى. يران ءبىر جۇڭگو ساياساتىن باتىل اتقارادى، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن باتىل قولدايدى. يران جۇڭگومەن ستراتەگيالىق سەلبەستىكتى كۇشەيتىپ، ەكونوميكا - ساۋدا، ەنەرگيا سياقتى سالالارداعى ءوزارا ءتيىمدى سەلبەستىكتى كەڭەيتىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋدى قالايدى. تاياۋدا ەكى ەل قول قويعان جالپى بەتتىك سەلبەستىك جوسپارى ەكى جاقتىڭ بولاشاقتاعى ءوزارا ءتيىمدى سەلبەستىگىنە اناعۇرلىم كەڭ ءورىس اشتى. يران جاق جۇڭگو جاقتىڭ يران يادرو ماسەلەسى جالپى بەتتىك كەلىسىمىندە، سونداي - اق پالەستينا - يزرايل سياقتى وڭىرلىك ماسەلەلەردە ادىلدىك مايدانىندا تۇرعانىنا العىس ايتادى، جۇڭگومەن ۇزدىكسىز پىكىرلەسۋدى، سايكەسۋدى جيىلەتىپ، سىڭار جاقتىلىققا، زورەكەرلىككە قارسى تۇرىپ، ءوزىنىڭ ورىندى مۇددەسىن، ءوڭىردىڭ بەيبىتشىلىگى مەن حاۋىپسىزدىگىن قورعاۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
