لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ ماجىلىسىنە سىرتتاي قاتىناسقان ۋاكىلدەرمەن اڭگىمەلەسكەندە مىنانى دارىپتەدى
ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، مىندەتتى زاڭ بويىنشا اتقارىپ، حالىقتىڭ مۇددەسىنە، ەركىنە ادالدىقپەن ۋاكىلدىك ەتۋ كەرەك
2021.10.21 17:01 كەلۋ قاينارى : حالىق تورابى
«حالىق گازەتى»، 10 – ايدىڭ 20 – كۇنى، بەيجيڭ (ءتىلشى ۋاڭ بيشۋە). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 10 - ايدىڭ 20 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ 50 نەشە ۋاكىلىمەن اڭگىمە وتكىزىپ، پىكىر اۋىستىردى. ول مىنالاردى دارىپتەدى: ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، مۇقيات دايەكتىلەندىرىپ، تياناقتاندىرىپ، حالىق قۇرىلتايى ۋاكىلدەرىنىڭ مىندەتىن وسكەلەڭ جاۋاپكەرلىك سەزىممەن، بورىشتىلىق سەزىممەن اتقارۋ كەرەك.
اڭگىمە ماجىلىسىندە ۋاكىلدەر باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋمەن جانە مىندەت اتقارۋ امالياتىمەن ۇشتاستىرىپ، ۇيرەنۋ اسەرلەرىمەن ءبولىسىپ، ۇسىنىس - پىكىر بەردى. كوپشىلىكتىڭ ءسوزىن تىڭداعاننان كەيىن، لي جانشۋ بىلاي دەدى: باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزى − ماركسيزمدىك اقيقات كۇشىنە تولى باعدارلامالىق قۇجات، ول اسا كۇشتى نازاريالىق، ساياسي، يدەيالىق سيپاتقا يە. قازىر جانە بۇدان بىلايعى ءبىر مەزگىلدە ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋ، ءتۇسىنۋ، مۇقيات دايەكتىلەندىرۋ، تياناقتاندىرۋ − مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ كەلەلى ساياسي مىندەتى، سونداي - اق ءار دارەجەلى حالىق قۇرىلتايى ۋاكىلدەرىنىڭ كەلەلى ساياسي مىندەتى.
لي جانشۋ بىلاي دەپ اتاپ كورسەتتى: حالىق قۇرىلتايى ۋاكىلدەرى − مەملەكەتتىڭ بيلىك ورگاندارىنىڭ قۇرامىنداعىلار، ولار كەلەلى ساياسي جاۋاپكەرلىك، قوعامدىق جاۋاپكەرلىك، زاڭدىق جاۋاپكەرلىك ارقالاپ وتىر. باس شۋجيدىڭ تاپسىرماسى بويىنشا، پارتياعا، حالىققا، نەگىزگى زاڭعا، زاڭدارعا ادال بولىپ، ساياسي تۇرعىدا بەرىك تۇرىپ، ساياسي جاۋاپكەرلىكتى اتقارىپ، ساياسيدا اڭعارلى ادام بولىپ، نەگىزگى زاڭ مەن زاڭدارداعى بەلگىلەمەلەر بويىنشا مىندەتىن اتقارىپ، جاۋاپكەرلىگىن ادا ەتىپ، حالىقتىڭ مۇددەسى مەن ەركىنە ادالدىقپەن ۋاكىلدىك ەتىپ، حالىقتىڭ باقىلاۋىن قابىلداپ، حالىق ءۇشىن قىزمەت ىستەۋى كەرەك. جوعارى ولشەمدە، قاتاڭ تالاپتا تاباندى بولىپ، حالىق قۇرىلتايى ۋاكىلدەرىنىڭ تاماشا وبرازىن بارىنشا قاستەرلەپ، سانالىلىقپەن ورناتىپ، ءوز قىزمەت ورنىندا جانە مىندەت اتقارۋ قيمىلىندا جاۋاپكەرلىك ارقالاپ، جاۋاپكەرلىكتى ادا ەتىپ، ەڭبەك ءسىڭىرىپ، ۇلەس قوسىپ، پارتيا مەن حالىقتىڭ سەنىمى مەن ماڭىزدى تاپسىرماسىن ورىنداۋ كەرەك. ءار دارەجەلى حالىق قۇرىلتايى تۇراقتى كوميتەتتەرى ۋاكىلدەردىڭ قىزمەت قابىلەتى قۇرىلىسىن كۇشەيتىپ، ۋاكىلدەردىڭ مىندەتىن زاڭ بويىنشا اناعۇرلىم ويداعىداي اتقارۋىن قولداپ جانە قامتاماسىز ەتىپ، ءار دارەجەلى حالىق قۇرىلتايى ۋاكىلدەرىنىڭ رولىن ساۋلەلەندىرۋدى حالىقتىڭ قوجا بولۋىنىڭ ماڭىزدى بەينەسىنە اينالدىرۋ كەرەك.
لي جانشۋ مىنالاردى اتاپ كورسەتتى: حالىق بۇقاراسىمەن بايلانىستى كۇشەيتۋ − نەگىزگى زاڭ مەن زاڭداردا حالىق قۇرىلتايى ۋاكىلدەرىنە جۇكتەلگەن ماڭىزدى مىندەت، مىندەتىن زاڭ بويىنشا اتقارۋدىڭ ماڭىزدى نەگىزى، سونداي - اق جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى مازمۇنى. حالىقتان كەلۋ، حالىققا تامىر تارتۋ سىندى ەرەكشەلىكتى، ابزالدىقتى تولىق ساۋلەلەندىرىپ، وزەكتى ارقاۋ ەتۋدە، جالپى جاعدايعا قىزمەت وتەۋدە، ءتۇيىندى كورنەكتىلەندىرۋدە تاباندى بولىپ، نازاردى پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا شوعىرلاندىرىپ، نازاردى حالىق بۇقاراسىنىڭ ارمان - تىلەگىنە شوعىرلاندىرىپ، حالىق بۇقاراسىمەن بايلانىس جاساۋدىڭ مازمۇنى مەن فورماسىن بايىتىپ، بۇقارامەن اناعۇرلىم ەتەنە بولىپ، حالىقتىڭ جاعدايىن تەكسەرىپ، حالىقتىڭ اقىل - پاراساتىن شوعىرلاندىرۋمەن بىرگە، حالىقتىڭ باقىلاۋىن سانالىلىقپەن قابىلداپ، پارتيا مەن مەملەكەتتىڭ حالىق بۇقاراسىمەن تىعىز بايلانىس ورناتۋىنداعى كوپىر، دانەكەر بولۋ كەرەك.
لي جانشۋ مىنالاردى دارىپتەدى: ەلىمىزدىڭ حالىق قۇرىلتايى ۋاكىلدەرى جەر – جەرگە تارالعان، ءار سالادا قىزمەت ىستەيدى، ءارى حالىق اتىنان مەملەكەت ىستەرىن باسقارۋعا قاتىناسادى، ءارى ءوز قىزمەت ورىندارىندا ۇلگىلىك، باستاماشىلدىق رول اتقارادى. حالىق قۇرىلتايى ۋاكىلدەرىنىڭ مىندەت وتەپ، ۇقىق جۇرگىزۋىندە اسا كۇشتى زاڭدىق سيپات، ۇيىمدىق سيپات، تارتىپتىك سيپات بار، وي - سانانى سەرگەك ۇستاپ، ۋاكىلدەردىڭ رولىن، قىزمەت جاۋاپكەرلىگىن، بورىشىن جانە بيلىك جۇرگىزۋ ءتاسىلىن دۇرىس تانىپ، ۋاكىلدەردىڭ سالاۋاتى جونىندەگى تانىمنان اۋىتقىماي، ارقالاعان قىزمەت جاۋاپكەرلىگى ورنىنان اۋىتقماي، مىندەت وتەپ، ۇقىق جۇرگىزۋ كولەمىنەن اۋىتقىماي، حالىق بەرگەن ۇقىقتى حالىق ءۇشىن قىزمەت وتەۋگە پايدالانۋعا شىنايى كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن ءماجىلىستى باسقاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
