5800 يۋاندىق تاقتاشا كومپيۋتەر ساتىپ الۋ جاعدايىنا قاراي كلاسقا بولگەن ءىس شىن با؟ ۇكىمەت جاق حابارلاندىرۋ جاريالادى
2022.07.06 14:50 كەلۋ قاينارى : حالىق تورابى
پۋ – ىر قالاسىنداعى جۇرتشىلىقتىڭ اڭىس ەتۋىنە قاراعاندا، سى – ماۋ رايونىنداعى ورتا مەكتەپ وقۋشىلاردىڭ تاقتاشا كومپيۋتەر ساتىپ الۋىن تالاپ ەتكەن، يۇننان ولكەسى مۇقيات تەكسەرۋدى ۇيىمداستىرعان، پۋ – ىر قالاسى مەكتەپتى بەلگىلەمەگە قايشى ارەكەتتى توقتاتىپ، جيناپ العان بارلىق قاراجاتتى قايتارۋعا بۇيىرعان
پۋ – ىر قالاسىنداعى جاڭ مىرزانىڭ مەملەكەتتىڭ كەڭەستىڭ «ينتەرنەت + باقىلاۋ» تەكشەسى ارقىلى اڭىس ەتۋىنشە، سى - ماۋ رايوندىق 4 – ورتا مەكتەپ تاقتاشا كومپيۋتەر ساتىپ العان – الماعانىنا نەگىزدەلىپ، وقۋشىلاردى پاراساتتى كلاس پەن ءداستۇرلى كلاسقا بولگەن، پاراساتتى كلاستىڭ وقۋشىلارىنان 5800 يۋانعا تاقتاشا كومپيۋتەر ساتىپ الۋدى تالاپ ەتكەن.
مەملەكەتتىك كەڭەستىڭ باقىلاۋ – تەكسەرۋ كەڭسەسى قاتىستى اڭىستى قابىلداعان سوڭ، العاشقى قادامدا انىقتاپ، قاتىستى جەرگىلىكتى ۇكىمەت ورنىنىڭ تەكسەرىپ ءبىرجاقتى ەتۋىنە دەر كەزىندە جوتكەپ بەرگەن.
يۇننان ولكەلىك ۇكىمەت مەملەكەتتىك كەڭەستىڭ باقىلاۋ – تەكسەرۋ كەڭسەسى جوتكەپ بەرگەن ماسەلەنىڭ ءجىپ ۇشىن قابىلداعان سوڭ، دەرەۋ تەكسەرۋ جۇرگىزگەن. تەكسەرۋ ناتيجەسىنە قاراعاندا، بۇقارا اڭىس ەتكەن ماسەلە شىن بولعان. 2020 – جىلى كۇزگى وقۋ ماۋسىمىنان باستاپ، يۇننان ولكەسى پۋ – ىر قالاسى سى - ماۋ رايوندىق 4 – ورتا مەكتەپ تاقتاشا كومپيۋتەر ساتىپ العان – الماعانىنا نەگىزدەلىپ، 7 – جىلدىققا جاڭا قابىلدانعان وقۋشىلاردى پاراساتتى كلاس پەن جاي كلاسقا بولگەن، 14 پاراساتتى كلاستاعى 719 وقۋشىدان 5800 يۋاندىق باعا ولشەمى بويىنشا تاقتاشا كومپيۋتەردى جانە وعان سايكەستى اسپاپتار مەن قىزمەت وتەۋ تۇرلەرىن ساتىپ الۋدى تالاپ ەتكەن.
تەكسەرگەن كەزگە دەيىن، 719 وقۋشىنىڭ ءاربىرى 3400 يۋان تاپسىرعان (تاقتاشا كومپيۋتەر، سايكەستى قۇرىلعىلار جانە ءبىرىنشى ماۋسىمداعى قىزمەت وتەۋ اقىسى قامتىلادى)، جيىنى 2 ميلليون 444 مىڭ 600 يۋان اقى جيناعان. جوعارىداعى ارەكەت وقۋ – اعارتۋ مينيسترلىگى قاتارلى بەس تاراۋ جاريالاعان «وقۋ – اعارتۋ سالاسىنداعى اقى الۋدى باسقارۋدى اناعۇرلىم كۇشەيتۋ جانە جۇيەگە ءتۇسىرۋ جونىندەگى پىكىردە» (وقۋلىق اقىسى [2020] 5 – ءنومىرلى) ايتىلعان «وقۋشىلار مەن اتا – انالاردى بەلگىلەنگەن قوسالقى جۇمساق بولشەكتەردى جانە ماتەريالداردى ساتىپ الۋعا ماجبۇرلەۋگە نەمەسە ولارعا وسىلاي ىستەۋدى يشارات ەتۋگە بولمايدى» دەگەن بەلگىلەمەگە جانە وقۋ – اعارتۋ مينيسترلىگى قاتارلى سەگىز تاراۋ جاريالاعان «وقۋ – اعارتۋ سالاسىنداعى جىلجىمالى ينتەرنەتتىك قولدانىلمالى باعدارلامالاردى ءتارتىپتى، اقاۋسىز دامىتۋعا جەتەكشىلىك ەتۋ جانە ونى جۇيەگە ءتۇسىرۋ جونىندەگى پىكىردە» (وقۋ – اعارتۋ تەحنيكاسى جونىندەگى قاتىناس قاعازى [2019] 55 – ءنومىرلى) ايتىلعان «وقۋ – اعارتۋ سالاسىندا پايدالاناتىن جىلجىمالى باعدارلامالاردى وقىتۋ، باسقارۋ جاعىنداعى قۇرال رەتىندە ءبىرتۇتاس پايدالانۋدى تالاپ ەتكەندە، وقۋشىلار مەن اتا – انالاردان ەشقانداي اقى الۋعا بولمايدى» دەگەن بەلگىلەمەگە قايشى كەلىپ، وقۋشىلاردىڭ وتباسىنىڭ اۋىرتپالىعىن ارتتىرعان.
پۋ – ىر قالاسىنداعى قاتىستى تاراۋلار بۇل مەكتەپتى بەلگىلەمەگە قايشى اقى الۋ ارەكەتىن دەرەۋ توقتاتۋعا، پاراساتتى كلاس پەن جاي كلاسقا ءبولۋدى كۇشىنەن قالدىرۋعا بۇيىرعان، مەكتەپتى 719 وقۋشىدان بەلگىلەمەگە قايشى جيناپ العان 2 ميلليون 444 مىڭ 600 يۋان قاراجاتتى قايتارۋعا ءارى تاقتاشا كومپيۋتەر، سايكەستى قۇرىلعىلار جانە وقىتۋ بايلىق قاينارىن جيناپ الىپ، ءبىرتۇتاس وقىتۋعا پايدالانۋعا قۋزاعان. سونىمەن بىرگە، سى - ماۋ رايوندىق وقۋ – اعارتۋ مەكەمەسى بۇكىل رايون بويىنشا وقۋ – اعارتۋ جۇيەسىندەگى ارناۋلى تاقىرىپتى ءماجىلىس اشىپ، 4 – ورتا مەكتەپتىڭ بەلگىلەمەگە قايشى ماسەلەسى جونىندە حابارلاندىرۋ جاريالاپ، سىن ايتقان، ءبىر ماسەلە ارقىلى باسقا ماسەلەلەردى بايقاپ، بەلگىلەمەگە قايشى تۇردە اقى الۋ ماسەلەسىن شوعىرلى تۇردە انىقتاۋ، جونگە سالۋ ارەكەتىن ورىستەتۋگە ورنالاستىرۋ جاساعان، باقىلاۋ – باسقارۋدى اناعۇرلىم كۇشەيتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
