ج ك پ 20 - كەزەكتى ورتالىق كوميتەتىنىڭ ەكىنشى جالپى ءماجىلىسى بەيجيڭدە وتكىزىلدى
ورتالىق كوميتەتتىڭ ساياسي بيۋروسى جالپى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى
2023.03.01 16:12 كەلۋ قاينارى : حالىق تورابى
 |
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى 2023 - جىلى 2 - ايدىڭ 26 - كۇنىنەن 28 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
جالپى ءماجىلىس شي جينپيڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، ورتالىق كوميتەت ساياسي بيۋروسىنىڭ پارتيا ءىشى - سىرتىنان كەڭ كولەمدە پىكىر الۋ، قايتا - قايتا اقىلداسۋ نەگىزىندە العا قويعان 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە كورسەتىلەتىن مەملەكەت قۇرىلىمدارى باسشىلارى كانديداتتارىنىڭ ۇسىنىس ەسىمدىگى جانە ساياسي كەڭەس مەملەكەتتىك 14 - كەزەكتى كوميتەتىنىڭ 1 - ماجىلىسىنە كورسەتىلەتىن مەملەكەتتىك ساياسي كەڭەس باسشىلارى كانديداتتارىنىڭ ۇسىنىس ەسىمدىگىن قاراپ ماقۇلدادى، وسى ەكى ۇسىنىس ەسىمدىگىن جەكە - جەكە 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىنا جانە ساياسي كەڭەس مەملەكەتتىك 14 - كەزەكتى كوميتەتى 1 - ءماجىلىسىنىڭ ءتوراعالار القاسىنا ۇسىنۋدى ۇيعاردى. كەڭ كولەمدە پىكىر الۋ نەگىزىندە ورتاعا قويىلعان «پارتيا مەن مەملەكەتتىڭ قۇرىلىم رەفورماسى جوباسىن» قاراپ ماقۇلدادى. شي جينپيڭ «پارتيا مەن مەملەكەت قۇرىلىمدارى رەفورماسىنىڭ جوباسى» جونىندە جالپى ماجىلىسكە تۇسىنىك جاسادى. جالپى ءماجىلىس «پارتيا مەن مەملەكەت قۇرىلىمدارى رەفورماسى جوباسىنىڭ» ءبىر ءبولىم مازمۇنىن زاڭدىق ءتارتىپ بويىنشا 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا ۇسىنۋعا ماقۇل بولدى
جالپى ءماجىلىس مىناعان ۇندەدى: بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، «ءۇش سوزسىزدىكتى» ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان تايماي، جاڭالىق اشىپ، قايراتتانا العا ۇمتىلىپ، قايسارلىقپەن كۇرەسىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى جەبەپ، پارتيانىڭ 20 - قۇرىلتايىندا بەلگىلەنگەن نسانالى مىندەتتەردى ىسكە اسىرۋ ءۇشىن كۇرەس جۇرگىزەيىك
شينحۋا اگەنتتىگى، 2 – ايدىڭ 28 – كۇنى، بەيجيڭ. جۇڭگو كوممۋنيستىك پارتياسى 20 - كەزەكتى ورتالىق كوميتەتى ەكىنشى جالپى ءماجىلىسىنىڭ مازمۇنداماسى
(2023 - جىلى 2 - ايدىڭ 28 - كۇنى جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ماجىلىسىندە ماقۇلداندى)
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى 2023 - جىلى 2 - ايدىڭ 26 - كۇنىنەن 28 - كۇنىنە دەيىن بەيجيڭدە وتكىزىلدى.
بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 203 ادام، ورتالىق كوميتەتتىڭ كانديدات مۇشەلەرىنەن 170 ادام قاتىناستى. ورتالىق ءتارتىپ تەكسەرۋ كوميتەتى شۋجيىنىڭ ورىنباسارلارى مەن قاتىستى تاراۋلارداعى جاۋاپتى جولداستار ماجىلىسكە سىرتتاي قاتىناستى.
جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
جالپى ءماجىلىس شي جينپيڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، ورتالىق كوميتەت ساياسي بيۋروسىنىڭ پارتيا ءىشى - سىرتىنان كەڭ كولەمدە پىكىر الۋ، قايتا - قايتا اقىلداسۋ نەگىزىندە العا قويعان 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە كورسەتىلەتىن مەملەكەت قۇرىلىمدارى باسشىلارى كانديداتتارىنىڭ ۇسىنىس ەسىمدىگى جانە ساياسي كەڭەس مەملەكەتتىك 14 - كەزەكتى كوميتەتىنىڭ 1 - ماجىلىسىنە كورسەتىلەتىن مەملەكەتتىك ساياسي كەڭەس باسشىلارى كانديداتتارىنىڭ ۇسىنىس ەسىمدىگىن قاراپ ماقۇلدادى، وسى ەكى ۇسىنىس ەسىمدىگىن جەكە - جەكە 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىنا جانە ساياسي كەڭەس مەملەكەتتىك 14 - كەزەكتى كوميتەتى 1 - ءماجىلىسىنىڭ ءتوراعالار القاسىنا ۇسىنۋدى ۇيعاردى. كەڭ كولەمدە پىكىر الۋ نەگىزىندە ورتاعا قويىلعان «پارتيا مەن مەملەكەتتىڭ قۇرىلىم رەفورماسى جوباسىن» قاراپ ماقۇلدادى. شي جينپيڭ «پارتيا مەن مەملەكەت قۇرىلىمدارى رەفورماسىنىڭ جوباسى» جونىندە جالپى ماجىلىسكە تۇسىنىك جاسادى. جالپى ءماجىلىس «پارتيا مەن مەملەكەت قۇرىلىمدارى رەفورماسى جوباسىنىڭ» ءبىر ءبولىم مازمۇنىن زاڭدىق ءتارتىپ بويىنشا 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا ۇسىنۋعا ماقۇل بولدى.
جالپى ءماجىلىس ورتالىق كوميتەت ساياسي بيۋروسىنىڭ پارتيا 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىنەن بەرگى قىزمەتتەرىن تولىق تۇراقتاندىردى. ءبىر اۋىزدان بىلاي دەپ قارادى: قاتاڭ دا كۇردەلى حالىقارالىق ورتا جانە ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا ورتالىق كوميتەتتىڭ ساياسي بيۋروسى پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ءبىرىنشى جالپى ءماجىلىسىنىڭ رۋحىن جاپپاي دايەكتىلەندىرىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، ەل ءىشى جانە حالىقارا سىندى ەكى جالپى جاعدايدى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، پارتيانىڭ 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن كوتەرىپ، جياڭ زىمين جولداسقا سالتاناتپەن ازا ءبىلدىرىپ، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ كەزەك اۋىستىرۋىنا دايىندالۋ قىزمەتىن ويداعىداي ىستەپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شارالارىن يكەمدى ساپالىلاندىرىپ جانە رەتتەپ، ەكونوميكانىڭ ورنىقتى قالپىنا كەلۋىن، ساپالى دامۋدى جەبەۋدى كۇش سالا ىلگەرىلەتىپ، سوتسياليستىك دەموكراتيالىق زاڭمەن باسقارۋ قۇرىلىسى مەن ۇگىت، يدەيا، مادەنيەت قىزمەتىن تىڭعىلىقتى ىلگەرىلەتىپ، حالىق تۇرمىسىن شىنايى قامتاماسىز ەتىپ جانە جاقسارتىپ، مەملەكەتتىڭ حاۋىپسىزدىگى مەن قوعام ورنىقتىلىعىن باتىل قورعاپ، جۇڭگوشا ءىرى ەل ديپلوماتياسىنىڭ جاڭا ساپارىن باستاپ، پارتيانى جاپپاي قاتاڭ باسقارۋدى اناعۇرلىم تەرەڭدەتتى، ءتۇرلى قىزمەتتەردە تىڭ قادام تاستالدى.
جالپى ءماجىلىس مىنالاردى دارىپتەدى: 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى مەن ساياسي كەڭەس 14 - كەزەكتى مەملەكەتتىك كوميتەتىنىڭ 1 - ءماجىلىسىن ويداعىداي اشۋ بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ونان ارى جۇمىلدىرۋ جونىنەن كەلەلى ماڭىز الادى.
جالپى ءماجىلىس بىلاي دەپ قارادى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا مەن مەملەكەتتىڭ قۇرىلىم رەفورماسىن تەرەڭدەتۋدى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى ماڭىزدى مىندەت ەتىپ، پارتيانىڭ جاپپاي باسشىلىعىندا تاباندى بولۋ، حالىقتى وزەك ەتۋدە تاباندى بولۋ، ساپالىلاندىرۋدا، سايكەستىرۋدە، جوعارى ءونىمدى بولۋدا تاباندى بولۋ، مەملەكەتتى جاپپاي زاڭمەن باسقارۋدا تاباندى بولۋ پرينسيبى بويىنشا، پارتيا مەن مەملەكەتتىڭ قۇرىلىم رەفورماسىن تەرەڭدەتىپ، پارتيا مەن مەملەكەت قۇرىلىمدارىنىڭ فۋنكتسياسىن جۇيەلى، تۇتاس تۇلعالىق قايتا قۇرۋدى جۇزەگە اسىرىپ، پارتيا مەن مەملەكەت ىستەرىندە تاريحي تابىسقا قول جەتكىزۋگە، تاريحي وزگەرىس تۋدىرۋعا پارمەندى كەپىلدىك ازىرلەدى، سونداي - اق پارتيا مەن مەملەكەتتىڭ قۇرىلىم رەفورماسىن ۇزدىكسىز تەرەڭدەتۋگە قۇندى تاجىريبەلەر توپتادى.
جالپى ءماجىلىس مىنالاردى اتاپ كورسەتتى: پارتيانىڭ 20 - قۇرىلتايىندا قۇرىلىم رەفورماسىن تەرەڭدەتۋ جونىندە ماڭىزدى ورنالاستىرۋ جاسالدى، بۇل جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە كەلەلى دە تەرەڭ مانگە يە. ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋدى باسشىلىق، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى باعدار ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىندا تاباندى بولىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدىڭ تالابىنا ۇيلەسىپ، جاڭا دامۋ جاعدايىن قالىپتاستىرۋدىڭ، ساپالى دامۋدى ىلگەرىلەتۋدىڭ قاجەتىنە ۇيلەسىپ، ماسەلەنى نىشان ەتۋدەن جازباي، پارتيا ورتالىق كوميتەتىنىڭ قۇرىلىمىن، مەملەكەتتىك حالىق قۇرىلتايىنىڭ قۇرىلىمىن، مەملەكەتتىك كەڭەستىڭ قۇرىلىمىن، مەملەكەتتىك ساياسي كەڭەستىڭ قۇرىلىمىن ءبىر تۇتاس جوسپارلاپ، ورتالىق پەن جەرگىلىكتى ورىنداردى ءبىر تۇتاس جوسپارلاپ، ءتۇيىندى سالالارداعى قۇرىلىم رەفورماسىن تەرەڭدەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىق ەتۋىنىڭ قۇرىلىمدىق ورنالاستىرۋ جاعىندا اناعۇرلىم عىلمي، فۋنكتسيالىق ورنالاستىرۋ جاعىندا اناعۇرلىم ساپالى، ءتۇزىلىس، مەحانيزم جاعىندا اناعۇرلىم كەمەلدى، اينالىمدى باسقارۋ جاعىندا اناعۇرلىم ءونىمدى بولۋىن ىلگەرىلەتۋ كەرەك.
جالپى ءماجىلىس مىنالاردى دارىپتەدى: وڭىرلەر، تاراۋلار پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان پارتيا مەن مەملەكەت قۇرىلىمدارى رەفورماسىنىڭ ماڭىزدىلىعى مەن كوكەيتەستىلىگىن جەتە تانىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىم - ورنالاستىرۋلارىمەن سانالى تۇردە بىرلىككە كەلتىرىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ بەدەلى مەن قاتاڭدىعىن باتىل قورعاپ، رەفورما سەنىمى مەن بەكىمىن نىعايتىپ، ۇيىمدىق باسشىلىقتى كۇشەيتىپ، قۇرىلىم رەفورماسى مىندەتىن قاز - قالپىندا ناقتاپ تياناقتاندىرۋى كەرەك.
جالپى ءماجىلىس بىلاي دەپ قارادى: پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ − قازىرگى جانە بۇدان بىلايعى ءبىر مەزگىلدەگى بۇكىل پارتيانىڭ ماڭداي الدى ساياسي مىندەتى، ۇيرەنۋ، ۇگىتتەۋ، دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتۋ كەرەك. دانەكەرلەردى مولايتىپ، تاسىلدە جاڭالىق جاراتىپ، پارتيا 20 - قۇرىلتايىنىڭ رۋحىن حالىق بۇقاراسى ۇناتاتىن فورمامەن ورگاندارعا، كاسىپورىن، ءىسورىندارعا، قالا - اۋىل، الەۋمەتتىك اۋماقتارعا، مەكتەپتەرگە، اسكەري كازارمالارعا، ءتۇرلى جاڭا ەكونوميكالىق ۇيىمدار مەن جاڭا قوعامدىق ۇيىمدارعا، توراپ بەكەتتەرىنە ەنگىزىپ، پارتيا 20 - قۇرىلتايىنىڭ رۋحىن جۇرت جۇرەگىنە شىنايى ۇيالاتۋ كەرەك. باسشى كادرلار جاپپاي ۇيرەنۋدە، جاپپاي يگەرۋدە، جاپپاي تياناقتاندىرۋدا ۇزدىكسىز ۇلگى بولىپ، جاڭا داۋىردەگى 10 جىلدىق ۇلى وزگەرىستىڭ كەلەلى ءمانىن جەتە تانىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، مەتودولوگياسىن جانە وعان سىڭىرىلگەن مايدان، كوزقاراس، ادىستەردى قانىق يگەرىپ، جاڭا ءداۋىردىڭ جاڭا جورىعىندا پارتيا مەن مەملەكەت ىستەرىن دامىتۋدىڭ نىسانالى مىندەتتەرىن، ستراتەگيالىق ورنالاستىرۋلارىن، كەلەلى شارالارىن جالپى تۇلعالىق جاقتان يگەرىپ، ءوز رايونىنىڭ، ءوز تاراۋىنىڭ ناقتى امالياتىمەن تىعىز ۇشتاستىرىپ، دايەكتى تياناقتاندىرۋدىڭ ناقتى جوباسىن، ناقتى شارالارىن ويداعىداي جاساپ، تىڭعىلىقتى اتقارىپ، پارتيا 20 - قۇرىلتايىنىڭ رۋحىن شىنايى تياناقتاندىرۋى كەرەك.
جالپى ءماجىلىس مىنالاردى دارىپتەدى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، دۇنيە ءجۇزى جاڭا اۋمالى - توكپەلى وزگەرىس كەزەڭىنە قادام تاستادى، ەلىمىزدىڭ دامۋى ستراتەگيالىق وراي جانە حاۋىپ - قاتەر، سىن - سايىس قاتار كەلگەن، تۇراقسىز، بولجاۋ قيىن بولعان فاكتورلار قاباتتاسقان مەزگىلگە ءوتتى، اساۋ تولقىننىڭ، ءتىپتى، سۇراپىل داۋىلدىڭ كەلەلى سىنىنا توتەپ بەرۋگە ءسوزسىز ساقاداي ساي تۇرۋ كەرەك. ەلىمىزدىڭ رەفورماسى، دامۋى، ورنىقتىلىعى ءالى دە كوپتەگەن قات - قابات قايشىلىققا ءدوپ كەلۋدە، سۇرانىستىڭ ازايۋى، قامداۋدىڭ سوققىسى، مەجەنىڭ السىرەۋى سياقتى ءۇش ءتۇرلى قىسىم ءالى دە ءبىرشاما زور، ەكونوميكانى قالپىنا كەلتىرۋدىڭ نەگىزى ءالى دە بەرىك ەمەس، مەجەدەگىدەن تىس ءتۇرلى فاكتورلار كەز كەلگەن ۋاقىتتا تۋىلۋى مۇمكىن. بۇكىل پارتياداعى جولداستار، ءسوز جوق، سەنىمدى بەكەمدەپ، ستراتەگيالىق سەرگەكتىكتى ساقتاپ، كۇرەسشەڭدىك رۋحتى ساۋلەلەندىرىپ، «ءۇشتى اناعۇرلىم ويداعىداي ءبىر تۇتاس جوسپارلاۋدى» ورىنداپ، بيىلعى ءتۇرلى نىسانالى مىندەتتەردى قۇلشىنا جۇزەگە اسىرۋلارى كەرەك. جاڭا دامۋ تانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ جۇلگەسىن جەدەل قالىپتاستىرىپ، ساپالى دامۋدى كۇش سالا ىلگەرىلەتۋ كەرەك. پارتيا ورتالىق كوميتەتىنىڭ جاڭا كەزەڭدەگى ىندەتتەن ساقتانۋ - تىزگىندەۋ جونىندەگى شەشىم - ورنالاستىرۋلارىن مۇقيات دايەكتى اتقارىپ، «B تۇردەگى جۇقپالى اۋرۋلاردى B ءتۇر بويىنشا باسقارۋداعى» ءتۇرلى شارالاردى ويداعىداي تياناقتاندىرۋ كەرەك. ىشكى سۇرانىستى بارىنشا كەڭەيتىپ، كاسىپ تىزبەگى مەن قامداۋ تىزبەگىنىڭ سەرپىنىن جانە حاۋىپسىزدىك دەڭگەيىن شىنايى جوعارىلاتىپ، بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن اناعۇرلىم ساپالىلاندىرىپ، كەلەلى ەكونوميكا - فينانس حاۋىپ - قاتەرىنەن ءونىمدى تۇردە ساقتانىپ جانە شەشىپ، جۇيەلىك حاۋىپ - قاتەر بولعىزباۋدىڭ تومەنگى شەگىن ساقتاۋ كەرەك. حالىق تۇرمىسىن قامتاماسىز ەتۋ جانە جاقسارتۋ قىزمەتتەرىن بارىنشا كۇشەيتىپ، جۇمىستاندىرۋدى الدىمەن ويلاستىرۋ ساياساتىن تياناقتاندىرىپ، قيىنشىلىعى بار بۇقارانىڭ نەگىزگى تۇرمىسىن ويداعىداي قامتاماسىز ەتىپ، قوعامدىق قامتاماسىزداندىرۋ تورابىن بەكەمدەپ، ەمدەۋ - دەنساۋلىق ساقتاۋ، اسىرەسە، قالا - اۋىل نەگىزگى ساتىلارىنىڭ ەمدەۋ - دەنساۋلىق ساقتاۋ الەۋمەتتىك قىزمەت وتەۋىندەگى ولقىلىقتاردى تولىقتاپ، تۋىتتى قولداۋ ساياسات جۇيەسىن كەمەلدەندىرۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، كولەمدى قايتا كەدەيلەنۋدەن ساقتانۋ كەرەك.
جالپى ءماجىلىس مىنالاردى اتاپ كورسەتتى: رەفورما جاساپ، ەسىك اشۋدى تاباندىلىقپەن جۇرگىزىپ، جاپپاي سوتسياليستىك وسىزاماندانعان مەملەكەت قۇرۋ نىساناسىن وزەك ەتىپ، ستراتەگيالىق، جاسامپازدىق جانە جەتەكشىلىك سيپات العان رەفورما شارالارىن ورتاعا قويىپ، رەفورمانىڭ جۇيەلى، شوعىرلى، سايكەستى، جوعارى ءونىمدى بولۋىن كۇشەيتىپ، ماڭىزدى سالالار مەن شەشۋشى بۋىنداردا تىڭ ناتيجەلەرگە قول جەتكىزۋ كەرەك. سوتسياليستىك نەگىزگى ەكونوميكالىق تۇزىمدە تاباندى بولىپ جانە ونى كەمەلدەندىرىپ، جۇڭگوشا وسىزامانعى كاسىپورىن ءتۇزىمىن كەمەلدەندىرىپ، وسىزامانعى فينانستى باقىلاۋ - باسقارۋدى كۇشەيتىپ جانە كەمەلدەندىرىپ، سىرتقا ەسىكتى جوعارى دەڭگەيدە اشىق ۇستاۋ اياق الىسىن تەزدەتىپ، ءار سالاداعى رەفورمانى ءبىر تۇتاس ويداعىداي جوسپارلاۋ كەرەك. رەفورمانى تياناقتاندىرۋ مەحانيزمىن كەمەلدەندىرۋگە باسا ءمان بەرىپ، رەفورما شارالارىنىڭ تياناقتانۋىن جەبەپ، سوتسياليستىك وسىزامانداندىرۋ قۇرىلىسىنىڭ قوزعاۋشى كۇشى مەن ومىرشەڭدىك كۇشىن ۇزدىكسىز تاسقىنداتىپ، ەلىمىزدىڭ ءتۇزىم ابزالدىعىن مەملەكەتتى باسقارۋ ونىمدىلىگىنە ءتىپتى دە ويداعىداي اينالدىرۋ كەرەك.
جالپى ءماجىلىس مىنالاردى دارىپتەدى: پارتيا 20 - قۇرىلتايىنىڭ پارتيا قۇرىلىسى جونىندەگى ستراتەگيالىق ورنالاستىرۋىن ىشكەرىلەي دايەكتى تياناقتاندىرىپ، ۇلكەن پارتيانىڭ وزىندىك قيىن ماسەلەلەرىن شەشۋدىڭ سەرگەكتىگى مەن تاباندىلىعىن قاي - قاشان دا ساقتاپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، پارتيانىڭ ءار جاقتاعى قۇرىلىسىن تىڭعىلىقتى ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي دامىتۋ كەرەك. بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىپتىق تاربيەسىن ىشكەرىلەي ورىستەتىپ، عىلمي جوسپارلاپ، دەن قويا ۇيىمداستىرىپ، نازاريالىق ۇيرەنۋ مەن قولدانۋدى كۇشەيتىپ، ناقتى ونىمدىلىككە قول جەتكىزۋ كەرەك. كەزەك اۋىستىرعاننان كەيىنگى باسشىلىق القانىڭ يدەيالىق - ساياسي قۇرىلىسىن مىقتى يگەرىپ، دەموكراتيالىق ورتالىقتاندىرۋ ءتۇزىمىن قاتاڭ اتقارىپ، ستيلى پاك، سالتى دۇرىس ساياسي ەكولوگيا قالىپتاستىرىپ، ىنتىماقتاسا سەلبەسەتىن، جاۋاپكەرلىكتى باتىلدىقپەن ارقالايتىن، جۇمىستى تىندىرىمدى ىستەپ ناتيجە شىعاراتىن جاندى جاعداي قالىپتاستىرۋ كەرەك. قاتاڭ اۋەنمەن ستيلدى دۇرىستاپ، ءتارتىپتى قاتاڭداستىرا تۇسۋدە تاباندى بولىپ، «ءتورت ءتۇرلى بۇرىس ستيلدى» تۇزەتۋدى ۇزدىكسىز تەرەڭدەتىپ، تەكسەرۋ - زەرتتەۋ ستيلىن بارىنشا جالپىلاستىرىپ، شىندىققا جۇگىنىپ، ناقتى ءىس ىستەۋ، مىقتى يگەرىپ، شىنايى ىستەۋ ستيلىن بارىنشا ساۋلەلەندىرىپ، تاريح پەن حالىقتىڭ سىنىنان وتە الاتىن ناقتى ناتيجەلەردى شىنايى جاراتۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، شىرىكتەسۋگە قارسى تۇرۋ كۇرەسىنىڭ ۇزاققا سوزىلاتىن قامال الۋ شايقاسىندا باتىل جەڭىسكە جەتۋ كەرەك.
جالپى ءماجىلىس مىناعان ۇندەدى: بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، «ءۇش سوزسىزدىكتى» ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان تايماي، جاڭالىق اشىپ، قايراتتانا العا ۇمتىلىپ، قايسارلىقپەن كۇرەسىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى جەبەپ، پارتيانىڭ 20 - قۇرىلتايىندا بەلگىلەنگەن نسانالى مىندەتتەردى ىسكە اسىرۋ ءۇشىن كۇرەس جۇرگىزەيىك.
كەلۋ قاينارى: حالىق تورابى
 |
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى 2023 - جىلى 2 - ايدىڭ 26 - كۇنىنەن 28 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ ساياسي بيۋروسى جالپى ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
