«مۇنان دا باقىتتى كۇندەر ءالى الدا!» (10 جىلدىق ەكى ءماجىلىس . ءسۇيىنىشتى ەستەمە)
شينحۋا اگەنتتىگىنىڭ تىلشىلەرى يۇي ۋىنجيڭ، سۇن چيڭچيڭ
2023.03.01 16:15 كەلۋ قاينارى : حالىق تورابى
حۋاڭحى وزەنىنىڭ سولتۇستىك جاعالاۋىنداعى شىعىس حىنان جازىعىندا نارت قىزىل شاپاق اجارلانىپ، ءبيداي اتىزى الىسقا سوزىلىپ جاتىر. حىنان ولكەسى پۋياڭ قالاسى چيڭزۋ قالاشىعى شيشينجۋاڭ قىستاعىندا قاتار - قاتار تىزىلگەن شاعىن عيماراتتار تازا، رەتتى كورىنەدى. قاقپاسىنا قىزىل شىراق ىلىنگەن اۋلا − پارتيا ياچەيكاسىنىڭ شۋجيى لي ليانچىڭنىڭ ءۇيى.
«ءتىلشى دوسىم، تەز ۇيگە كىرىڭىز! نەدەگەن ەرتە كەلگەنسىزدەر، تاڭ اتقاننان كەيىن ءبيدايدى كورەيىك». 70 نەشە جاستاعى لي ليانچىڭ ءبىزدى كۇلىمسىرەي قارسى الدى. ارىق دەنەلى ول ناعىز پۋياڭ اۋەنىمەن سويلەپ ءجۇر. ول بىزگە ىستىق سۋ قۇيىپ، مەيىرگە تولى سول رەتكى ەرەكشە كەشىرمەنى اڭگىمەلەدى.
2019 - جىلى 3 - ايدا 13 - كەزەكتى مەملەكەتتىك حالىق قۇرىلتايىنىڭ ۋاكىلى رەتىندە لي ليانچىڭ بەيجيڭگە بارىپ جينالىسقا قاتىناستى. باس شۋجي شي جينپيڭنىڭ حىنان ۋاكىلدەر ۇيىرمەسىنىڭ باياندامانى قاراۋىنا قاتىناساتىنىن، سونداي - اق ءوزىنىڭ لەبىز ءبىلدىرۋ ورايى بار ەكەنىن بىلگەندە لي ليانچىڭ قاتتى تەبىرەنىپ: «باس شۋجيگە جۇرەك ءسوزىمىزدى ايتامىز، سولاي بولسا دا، اۋىل - قىستاقتىڭ جاعدايىن انىق ايتا الۋ - الماۋدان الاڭداپ وتىرمىن» دەيدى.
سول كۇنى ۋاكىلدەر ۇيىرمەسى باياندامانى قاراعاندا 8 ۋاكىل ىلگەرىندى - كەيىندى لەبىز ءبىلدىردى، لي ليانچىڭ بەسىنشى بولىپ سوزگە شىقتى. ول باس شۋجيگە شارۋالاردىڭ 8 ارمانىن باياندادى.
«جۇڭگو شارۋالارىنىڭ 8 ارمانى بار. بالالاردى جاقىن ماڭنان جاقسى مەكتەپتە وقىتۋ، جاقسى شيپاحانادا ەمدەلۋ، سول جەردىڭ وزىندە جۇمىستانۋ، سىرتقا شىعىپ جۇمىس ىستەمەۋ، قىستاقتىڭ ەكولوگيالىق ورتاسىن جاقسارتۋ، اۋىل - قىستاقتى گۇلدەندىرۋ...»
قىستاق تۇرعىندارىنىڭ ارمانى ءجۇز ميلليونداعان شارۋانىڭ دا ارمانى ەدى. لي ليانچىڭ ءبىر – بىردەن جاندى سويلەدى، باس شۋجي ءبىر - بىرلەپ مۇقيات تىڭدادى.
«تولىق 6 مينۋت سويلەدىم، باس شۋجي ماعان كۇلىمسىرەي قاراپ تۇرىپ، ءسوزىمدى سابىرلىلىقپەن تىڭدادى». لي ليانچىڭ ەسكە الىپ بىلاي دەدى: «باستابىندا ساسقالاقتاپ قالدىم، كەيىن سويلەگەن سايىن كوسىلىپ، ابىرجىعانىمدى دا ۇمىتىپ كەتتىم».
باس شۋجي كۇلىمسىرەپ: «ءسىزدىڭ بۇگىنگى ايتقاندارىڭىز ءدال قالىڭ شارۋالاردىڭ باقىتتى تۇرمىسقا تالپىنۋ تالابى ەكەن... ءبىزدىڭ تۇپكى ماقساتىمىز حالىق ءۇشىن قىزمەت ىستەۋ، ونى حالىق بۇقاراسىنىڭ باقىتتى، تاماشا تۇرمىسقا تالپىنىسىن ارقاۋ ەتە وتىرىپ امالياتتان وتكىزۋ. ءبىزدىڭ وسى اماليات بارىسىمىز ءبىر قادام، ءبىر قادامنان جول باسىپ، كۇش جالعاۋ ارقىلى ىلگەرىلەيدى».
لي ليانچىڭ باس شۋجيدىڭ قارسىسىندا وتىردى، ارالارى نە ءبارى 4 - 5 مەتر بولىپ، باس شۋجيدىڭ ءسوزىن وتە شىنايى تىڭداپ، بويىن ەرەكشە كۇش كەرنەيدى.
«باياندامانى تالقىلاۋدان كەيىن باس شۋجي شي جينپيڭ بىزبەن ىقىلاستى تۇردە قول الىستى، تاعى مەنىڭ وتە جاندى سويلەگەنىمدى ايتتى». سول كورىنىستى ەسكە العاندا، لي ليانچىڭ تەبىرەنە بىلاي دەدى: «باس شۋجي لياڭجياحىدا قىستاق پارتيا ياچەيكاسىنىڭ شۋجيى بولعان، اۋىل - قىستاقتىڭ ىستەرىن ابدەن بىلەتىن. ول شارۋالارمەن ەتەنە بايلانىستا بولدى».
مەملەكەتتىك ەكى ءماجىلىس اياقتاپ اۋىلىنا قايتىپ كەلگەننەن كەيىن لي ليانچىڭ باس شۋجيدىڭ ءسوزىن اۋىلداستارعا تولىعىمەن جەتكىزدى. بۇل كوپشىلىكتى ايرىقشا شابىتتاندىردى: باس شۋجي اۋىل - قىستاققا وسىنشاما ءمان بەرىپ، شارۋالارعا وسىنشاما كوڭىل ءبولىپ وتىر، كوپشىلىك، بىرگە قايراتتانا ىستەسەك، تۇرمىسىمىز بارعان سايىن جاقسارا تۇسەدى!
وسى جىلداردا شيشينجۋاڭ قىستاعىنىڭ وزگەرىسى ەرەكشە زور بولدى. «ارمانىمىز شەتىنەن ورىندالۋدا». لي ليانچىڭ ساۋساعىن بۇگىپ بىزگە مىنالاردى ايتىپ بەرەدى:
ءبىلىم الۋ ارمانى، قىستاقتا بالالار باقشاسى، باستاۋىش مەكتەپ بار بولدى، توڭىرەكتەگى 1300 دەن استام وقۋشى وسىندا وقىپ جاتىر؛
سالاماتتىق ارمانى، بيىل قىستاقتا 500 دەن استام توسەك ورنى بار ەمحانا سالىنادى ءارى تاياۋدا پايدالانۋعا بەرىلەدى؛
جۇمىسقا ورنالاسۋ ارمانى، قىستاقتا قۇرىلعىلى اۋىل شارۋاشىلىعى، باعىمشىلىق جانە ونەركاسىپ كاسىپورىندارى جينالىپ، وسى قىستاقتان جانە توڭىرەكتەگى قىستاق تۇرعىندارىنان 2000 نان استام ادامدى جۇمىسقا ورنالاستىردى؛
قورشاعان ورتا ارمانى، جول ىركىلىسسىزدەندى، قۇستار سايراپ، گۇلدەر جاينادى، ءۇيدىڭ الدى - ارتى تازا، رەتتى بولىپ، جاسىلداندى، اۋىلداستاردىڭ كوڭىلى جادىرادى؛
...
لي ليانچىڭ 14 – كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى، قازىر بەيجيڭگە بارىپ ماجىلىسكە قاتىناسۋعا دايىندالۋدا. ول قۋانىشتى تۇردە بىزگە بيىلعى مەملەكەتتىك ەكى ماجىلىستە اۋىل - قىستاقتى كوركەيتۋگە ەڭ كوڭىل بولەتىنىن، «كوپشىلىكتىڭ بىرگە قۇلشىنىپ، اۋىل - قىستاقتى بارعان سايىن جاقسى قۇرىپ شىعۋىن ءۇمىت ەتەتىنىن» ايتتى.
كۇن شۇلەن شۇعىلاسىن شاشتى. جەرگىلىكتى ورىننىڭ جوعارى ولشەمدى اتىز قۇرىلىسىن جەدەلدەتىپ، كاسىپ سالاسىن دامىتۋعا نەگىز قالاپ جاتقانىن بىلگەننەن كەيىن ءبىز سىرتقا شىعىپ كورۋ ويىمىزدى ايتتىق.
كەڭ كوسىلگەن جاسىل اتىز ادامدارعا شەكسىز ءۇمىت باعىشتايدى. ارىق - توعان جاسالىپ بولعان، ماشينالى قۇدىققا دا ەلەكتر جەتكىزىلىپتى، جاڭا ءبيداي تۇقىمى سىناق رەتىندە ەگىلۋدە. «بۇل ءبيداي جاقسى ءوسىپ جاتىر!» لي ليانچىڭ جول – جونەكەي ءبيدايدىڭ ءوسۋ جاعدايىن بايقاپ كەلەدى. ءبيداي ءسوز بولسا، ونىڭ ايتارى تاۋسىلمايدى.
«ەندىگى جەردە قانداي ويلارىڭىز بار؟» دەپ سۇرادىق.
«ءبارى ورىندالىپ جاتىر!» لي ليانچىڭ كۇلىمسىرەگەن بەينەدە: «مەن الدىڭعى جولى باس شۋجيگە شارۋالاردىڭ ارمانىن ايتقان ەدىم، قازىر ءبىر - بىرلەپ ىسكە اسىپ بولدى. كەلەسى قادامدا اۋىلداستاردى باستاپ ءتىپتى دە قۇلشىنا ىستەيمىز، مۇنان دا باقىتتى كۇندەر ءالى الدا!» دەدى.
(شينحۋا اگەنتتىگى، 2 - ايدىڭ 28 – كۇنى، جىڭجوۋ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
