مەملەكەتتىك قونىس اۋدارۋدى باسقارۋ مەكەمەسى: قياق كۇرىش مەرەكەسى كەزىندە شەكارادان كىرىپ – شىعاتىن جولاۋشىلاردىڭ ”شاعىن ورلەۋى“ بولادى
2023.06.21 15:38 كەلۋ قاينارى : حالىق تورابى
مەملەكەتتىك قونىس اۋدارۋدى باسقارۋ مەكەمەسىنىڭ تالداۋ جاساۋىنا قاراعاندا، مەجەمەن 2023 ـ جىلعى قياق كۇرىش مەرەكەسى كەزىندە بۇكىل ەلدەگى شەكارا وتكەلدەرى شەكارادان كىرىپ ـ شىعاتىن جولاۋشىلاردىڭ ”شاعىن ورلەۋىن“ قارسى الادى، شەكارادان كىرىپ ـ شىعاتىن ادام سانىنىڭ ەڭ جوعارى شەگى كۇنىنە ءبىر ميلليون 400 مىڭ ادام ـ رەتتەن اسىپ، كۇندىك ورتاشا مولشەرى ءبىر ميلليون 280 مىڭ ادام ـ رەتكە جەتىپ، بىلتىرعى قياق كۇرىش مەرەكەسىنەن 2.2 ەسە ارتادى، بۇل 2019 ـ جىلعى قياق كۇرىش مەرەكەسىنىڭ %63 ى.
مەجەمەن جولاۋشىلاردىڭ جوعارى ورلەۋى 6 – ايدىڭ 22 – كۇنى، 6 – ايدىڭ 23 – كۇنى بولادى. حالىقارالىق اۋەجايلاردىڭ، پورتتاردىڭ شەكارادان كىرىپ ـ شىققان جولاۋشى سانى ورنىقتى قالپىنا كەلدى، بەيجيڭ استانا اۋەجايى، شاڭحاي پۋدۇڭ اۋەجايى، گۋاڭجوۋ باييۇن اۋەجايى كۇنىنە ورتا ەسەپپەن 28 مىڭ، 51 مىڭ، 23 مىڭ ادام – رەت جونەلتەدى. شياڭگاڭ، اۋمىنمەن ىرگەلەس قۇرلىق شەكارا وتكەلىنەن كىرىپ - شىعاتىن جولاۋشى سانى ۇزدىكسىز ارتىپ، جۋحايدىڭ گۇڭبەي وتكەلىندە كۇنىنە ورتا ەسەپپەن 320 مىڭ ادام – رەتكە جەتەدى، شىنجىننىڭ لوحۋ، فۋتيان مەترو وتكەلىندە جەكە - جەكە 178 مىڭ، 152 مىڭ ادام - رەتكە جەتەتىندىگى مەجەلەنىپ وتىر.
كەزەكتە، مەملەكەتتىك قونىس اۋدارۋدى باسقارۋ مەكەمەسى قياق كۇرىش مەرەكەسى كەزىندە وتكەلدىڭ شەكارادان كىرىپ - شىعۋىن قامتاماسىزداندىرۋ قىزمەتىن بار كۇشپەن ويداعىداي ىستەۋ جونىندە ارناۋلى ورنالاستىرۋ جاساپ، بۇكىل ەلدەگى شەكارا تەكسەرۋ ورگاندارىنان ءوز وتكەلدەرىنىڭ شەكارادان كىرىپ - شىعۋ جاعدايىن دەر كەزىندە جاريالاپ، قالىڭ بۇقارانىڭ ءجۇرىس - تۇرىسىنا پايدالانۋ ماتەريالدارىن ازىرلەۋدى تالاپ ەتتى. جەتكىلىكتى ساقشى كۇشىن ازىرلەپ، ارنانى تولىق اشىپ، قىزمەت وتەۋدى عىلىمي ۇيىمداستىرىپ، جۇڭگو ازاماتتارىنىڭ شەكارادان كىرىپ ـ شىعۋى 30 مينۋتتان اسپاۋىنا كەپىلدىك ەتىپ، شەكارا وتكەلى اينالىمىنىڭ حاۋىپسىز، ءتارتىپتى بولۋىنا كەپىلدىك ەتۋ كەرەك.
مەملەكەتتىك قونىس اۋدارۋدى باسقارۋ مەكەمەسى شەكارادان كىرىپ - شىعاتىن قالىڭ جولاۋشىلارعا ساپارعا شىعۋدان بۇرىن وتكەلدەگى جولاۋشى اعىنىنىڭ وزگەرىسى مەن جاعدايىنا دەر كەزىندە نازار اۋدارىپ، شەكارادان كىرىپ - شىعۋ كۋالىگىنىڭ كۇشكە يە بولعان - بولماعانىن مۇقيات تەكسەرىپ، بارعان جەردىڭ حاۋىپسىزدىك جاعدايىن، شەكارادان كىرۋ ساياساتىن الدىن الا ۇعىسىپ، ساپارىن ۇيلەسىمدى ورنالاستىرىپ، دەنساۋلىق ساقتاۋعا كوڭىل ءبولۋدى ەسكەرتتى. كەدەننەن ءوتۋ بارىسىندا قيىنشىلىققا تاپ بولعانداردىڭ مەملەكەتتىك قونىس اۋدارۋدى باسقارۋ مەكەمەسىنىڭ 12367 قىزمەت وتەۋ ىستىق لەنياسىنا نەمەسە ناق مايدانداعى شەكارا تەكسەرۋ حالىق ساقشىلارىنان كومەك سۇراۋىنا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
