2 تاراۋ ادام ىستەتەتىن ورىنداردىڭ ىستىقتان ساقتانۋ، تەمپەراتۋرانى تومەندەتۋ قىزمەتىن كۇشەيتۋدى ورنالاستىردى
2023.06.21 15:46 كەلۋ قاينارى : حالىق تورابى
تاياۋدا ءتىلشىنىڭ مەملەكەتتىك دەنساۋلىق ساقتاۋ، سالاماتتىق كوميتەتىنەن ۇعىسۋىنشا، جوعارى تەمپەراتۋرادا جۇمىس ىستەۋ جانە جوعارى تەمپەراتۋرالى اۋا رايىندا جۇمىس ىستەۋدى قورعاۋدى كۇشەيتىپ، كاسىپتىك ىستىق ءوتۋ وقيعالارىنىڭ تۋىلۋىنان ءونىمدى ساقتانۋ ءۇشىن، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك اۋرۋدى تىزگىندەۋ مەكەمەسى تاياۋدا «2023 - جىلعى ادام ىستەتۋشى ورىنداردىڭ ىستىقتان ساقتانۋ، تەمپەراتۋرانى تومەندەتۋ قىزمەتىن ويداعىداي ىستەۋ جونىندەگى ۇقتىرۋدى» باسىپ تاراتىپ، ءتۇيىندى كاسىپ سالالارى، ءتۇيىندى قىزمەت ورىندارى جانە ادامدار شوعىرىنىڭ ىستىقتان ساقتانۋ، تەمپەراتۋرانى تومەندەتۋ قىزمەتىن ورنالاستىردى.
ۇقتىرۋدا مىنالار اتاپ كورسەتىلدى: قازىر بۇكىل ەلدىڭ جەر – جەرى جاز ماۋسىمىنداعى جوعارى تەمپەراتۋرالى مەزگىلگە ءوتتى. سوڭعى جىلداردان بەرى، جازدا جوعارى تەمپەراتۋرادا جۇمىس ىستەۋ جانە جوعارى تەمپەراتۋرالى اۋا رايىندا جۇمىس ىستەۋ سەبەبىنەن ەڭبەكشىلەردىڭ ىستىق ءوتىپ ءولۋ ۋاقيعاسى تۋىلىپ، ەڭبەكشىلەردىڭ دەنساۋلىعى مەن باس اماندىعىنا اۋىر قاتەر ءتوندىردى. ءار دارەجەلى دەنساۋلىق ساقتاۋ، سالاماتتىق اكىمشىلىك تاراۋلارى مەن اۋرۋدى تىزگىندەۋدى باسقارۋشى تاراۋلار قىزمەت جاۋاپكەرشىلىگىن ونان ارى ايقىنداپ، ۇيىمدىق باسشىلىقتى كۇشەيتىپ، جۇيەلى جوسپارلاپ، ورنالاستىرىپ، ادام ىستەتۋشى ورىنداردىڭ ىستىقتان ساقتانۋ، تەمپەراتۋرانى تومەندەتۋ قىزمەتى مەن ءتۇرلى كاسىپتىك اۋرۋلاردان ساقتانۋ قىزمەتىن سايكەستى ىلگەرىلەتۋى كەرەك.
ۇقتىرۋدا مىنالار باسا دارىپتەلدى: قاتىستى جاقتار ادام كۇشى بايلىعى جانە قوعامدىق قامتاماسىزداندىرۋ، ونەركاسىپ جانە ينفورماتسيالاندىرۋ، ەكولوگيالىق ورتا، تۇرعىن ءۇي، قالا - اۋىل قۇرىلىسى، قاتىناس - تاسىمال سياقتى تاراۋلارمەن جانە جۇمىسشى ۇيىمدارىمەن ىرىقتى تۇردە بايلانىس جاساۋدى، سايكەسۋدى كۇشەيتىپ، تىعىز سەلبەسىپ، قۇرىلىس جۇرگىزۋ، مەتال قورىتۋ، قۇيۋ، تاسىمال (اشىق جەردە تيەۋ – ءتۇسىرۋ)، ورتا تازالىعى، جەدەل جەتكىزۋ سياقتى كاسىپ سالالارى، سونداي - اق پەش الدىندا جۇمىس ىستەيتىن جۇمىسشىلار، اشىق جەردە تيەۋ - ءتۇسىرۋ قىزمەتكەرلەرى، ورتانى قورعاۋ قىزمەتكەرلەرى، جەدەل جەتكىزۋشىلەر سياقتى جۇمىس ورىندارى مەن ادامداردىڭ ىستىقتان ساقتانۋ، تەمپەراتۋرانى تومەندەتۋ قىزمەتىن سايكەسە كۇشەيتىپ، قىزمەتتەگى ىرىقتىلىقتى جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
