فينانستى دامىتۋدىڭ جۇڭگوشا جولىمەن بۇلجىماي جۇرەيىك
− ورتالىقتىڭ فينانس قىزمەتى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2023.11.02 16:31 كەلۋ قاينارى : حالىق تورابى
فينانس − حالىق شارۋاشىلىعىنىڭ قان تامىرى، مەملەكەتتىڭ وزەكتى باسەكەلىك قۋاتىنىڭ ماڭىزدى قۇرامداس بولەگى. 10 - ايدىڭ 30 – كۇنىنەن 31 – كۇنىنە دەيىن ورتالىقتىڭ فينانس قىزمەتى ءماجىلىسى بەيجيڭدە وتكىزىلدى. باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەپ، پارتيانىڭ 18 - قۇرىلتايىنان بەرگى فينانس قىزمەتىن قورىتىندىلاپ، فينانستىڭ ساپالى دامۋى ءدوپ كەلگەن جاعدايعا تالداۋ جاساپ، قازىرگى جانە بۇدان بىلايعى ءبىر مەزگىلدەگى فينانس قىزمەتىن ورنالاستىردى. باس شۋجي شي جينپيڭنىڭ ماڭىزدى ءسوزى بيىكتە تۇرىپ، يدەياسى تەرەڭ، مازمۇنى باي بولىپ، فينانس ىستەرىنىڭ دامۋىنداعى ءبىرقىدىرۋ كەلەلى نازاريالىق جانە امالياتتىق ماسەلەلەرگە عىلمي جاۋاپ بەردى، بۇل − شي جينپيڭ ەكونوميكا يدەياسىنىڭ ماڭىزدى قۇرامداس بولىگى، ماركسيزمدىك ساياسي ەكونوميكانىڭ فينانس ماسەلەسى جونىندەگى ماڭىزدى جاڭالىق اشۋ جەتىستىگى، جاڭا ءداۋىردىڭ جاڭا جورىعىندا فينانستىڭ ساپالى دامۋىن ىلگەرىلەتۋگە ءتۇبىرلى تياناق جانە ارەكەت باعدارناماسىن ازىرلەدى.
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ستراتەگيالىق جالپى جاعدايدى شىعار ءتۇيىن ەتىپ، فينانس قىزمەتىنە جاپپاي باسشىلىقتى جانە ءبىر تۇتاس جوسپارلاۋدى كۇشەيتىپ، فينانس ىستەرىنىڭ دامۋىن ىلگەرىلەتۋدە تىڭ دا كەلەلى تابىستارعا قول جەتكىزدى. فينانس ەكونوميكانىڭ ورنىقتى، اقاۋسىز دامۋىن جەبەۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قولداۋ كورسەتۋ، حالىق بۇقاراسىنىڭ فينانستىق قىزمەت وتەۋ قاجەتىن قاناعاتتاندىرۋ سياقتى جاقتاردا ماڭىزدى تىرەكتىك رول اتقارىپ، فينانس حاۋىپ - قاتەرىنەن ساقتانۋ جانە ونى شەشۋدەن قامال الۋ شايقاسىندا ماڭىزدى كەزەڭدىك تابىسقا قول جەتكىزىپ، فينانس رەفورماسىن تەرەڭدەتىپ، ەسىك اشۋدى تەرەڭدەتۋدە ماڭىزدى ىلگەرىلەۋشىلىككە قول جەتكىزىپ، فينانس كاسىبىنىڭ جالپىلىق قۋاتىن كورنەكتى كۇشەيتتى. قازىر ەلىمىزدىڭ بانكە سالاسىنىڭ مال - مۇلىك كولەمى دۇنيە ءجۇزى بويىنشا ءبىرىنشى ورىندا تۇرادى، جارنا بەلەتى، زايوم، قامسىزداندىرۋ كولەمى دۇنيە ءجۇزى بويىنشا ەكىنشى ورىندا تۇرادى، شەتەل اقشاسى زاپاسى كولەمى دۇنيە ءجۇزى بويىنشا ءبىرىنشى ورىندا تۇرادى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، فينانس جۇيەسى ەكونوميكالىق، قوعامدىق دامۋدىڭ جالپى جاعدايىنا پارمەندى تىرەك بولىپ، دەر كەزىندە جاپپاي دوڭگەلەك داۋلەتتى قوعام قۇرۋعا، ءبىرىنشى 100 جىلدىق كۇرەس نىساناسىن جۇزەگە اسىرۋعا ماڭىزدى ۇلەس قوستى. ەلىمىز فينانسىنىڭ رەفورماسى مەن دامۋىندا تىڭ دا كەلەلى تابىستارعا قول جەتكىزىلۋىنىڭ نەگىزى باس شۋجي شي جينپيڭنىڭ جول باستاپ، جەتەكشىلىك ەتۋىنەن، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنەن بولدى.
بەتالىس جولدى، جول تاعدىردى بەلگىلەيدى. فينانس قىزمەتىنە باسشىلىق ەتۋ امالياتى بارىسىندا، شي جينپيڭ جولداستى ۇيىتقى ەتكەن پارتيا ورتالىق كوميتەتى ماركسيزمدىك فينانس نازارياسىن زامانىمىزداعى جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرىپ، جاڭا داۋىردەگى فينانستىڭ دامۋ زاڭدىلىعىن قۇلشىنا يگەرىپ، ەلىمىزدىڭ فينانس ىستەرىنىڭ امالياتتا، نازاريادا، تۇزىمدە جاڭالىق اشۋىن ۇزدىكسىز ىلگەرىلەتىپ، جۇڭگوشا فينانستى دامىتۋ جولىن قۇلشىنا اشتى. ماڭىزدى امالياتتىق جەتىستىكتەرگە، نازاريالىق جەتىستىكتەرگە قول جەتكىزدى. ورتالىقتىڭ وسى رەتكى فينانس قىزمەتى ماجىلىسىندە ” پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىندا، ءسوز جوق، تاباندى بولۋ، حالىقتى وزەك ەتكەن قۇن بەتالىسىندا تاباندى بولۋ، فينانستىڭ ناقتى تۇلعالىق ەكونوميكاعا قىزمەت وتەۋىن ءتۇبىرلى باس ماقسات ەتۋدە تاباندى بولۋ، حاۋىپ - قاتەردەن ساقتانۋدى، تىزگىندەۋدى فينانس قىزمەتىنىڭ ماڭگىلىك تاقىرىبى ەتۋدە تاباندى بولۋ، فينانستىڭ جاڭالىق اشا دامۋىن بازارلاندىرىلعان، زاڭمەن باسقارىلاتىن ارنادا ىلگەرىلەتۋدە تاباندى بولۋ، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدە تاباندى بولۋ، فينانستىڭ اشىقتىعى مەن حاۋىپسىزدىگىن ءبىر تۇتاس جوسپارلاۋدا تاباندى بولۋ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولۋ كەرەك“ دەپ وسكەلەڭ جيناقتاۋ جاسادى. وسى ”سەگىزدە تاباندى بولۋ“ پارتيامىزدىڭ فينانستىڭ ءمانى مەن دامۋ زاڭدىلىعى جونىندەگى تانىمىنىڭ ونان ارى تەرەڭدەۋى بولىپ تابىلادى، ونى، ءسوز جوق، مۇقيات ۇيرەنىپ، ءتۇسىنىپ، باتىل دايەكتىلەندىرۋ، تياناقتاندىرۋ كەرەك.
فينانس جاندانسا، ەكونوميكا جاندانادى؛ فينانس ورنىقتى بولسا، ەكونوميكا ورنىقتى بولادى. شي جينپيڭ جولداستى ۇيىتقى ەتكەن پارتيا ورتالىق كوميتەتى زامانىمىزداعى جۇڭگونىڭ ءىس جۇزىندىگىن تياناق ەتىپ، قۇلشىنا اشقان جۇڭگوشا فينانستى دامىتۋ جولى وڭاي - وسپاق قولعا كەلگەن جوق. اماليات مىنانى تولىق دالەلدەدى: بۇل − بۇرىنعىلار ىستەپ كورمەگەن جاڭالىق اشۋ جولى، بۇل ءارى وسى زامانعى فينانس دامۋىنىڭ وبيەكتيۆ زاڭدىلىعىنا بويسۇندى، ءارى جۇڭگونىڭ مەملەكەت جاعدايىنا ۇيلەسەتىن ايقىن ەرەكشەلىككە يە بولىپ، فينانس قىزمەتىنە قالاي قاراۋ، قالاي ىستەۋ كەرەك دەگەندى ايقىندادى، دۇنيەگە كوزقاراس تا، ءادىس نازارياسى دا قامتىلىپ، ديالەكتيكالىق بىرلىككە كەلگەن ورگانيكالىق تۇتاس تۇلعا قالىپتاستىردى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا، ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ”ءتورت تانىمدى“ ۇزدىكسىز كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋى“ ورىنداپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن جوعارىلاتىپ، فينانستىڭ دامۋ زاڭدىلىعىن، فينانس قىزمەتىنىڭ ساياسي سيپاتىن، حالىقتىق سيپاتىن تەرەڭ يگەرىپ، جۇڭگوشا فينانستى دامىتۋ جولىمەن بۇلجىماي ءجۇرۋىمىز كەرەك.
پارتيانىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ ۇلى جوباسىن جاساپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن ايقىنداپ، ساپالى دامۋدى كۇش سالا ىلگەرىلەتۋ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ سياقتىلاردى ارقاۋ ەتە وتىرىپ كەلەلى ورنالاستىرۋ جاسادى. ەكونوميكانىڭ ورنىقتى، اقاۋسىز دامۋىن ساقتاۋدا، ءسوز جوق، فينانستى ويداعىداي جۇرگىزۋ كەرەك. فينانستىڭ ەكونوميكالىق دامۋ مەن قوعامدىق ومىردەگى ماڭىزدى ورنى مەن رولىن، ءسوز جوق، جەتە تانىپ، فينانستىڭ ساپالى دامۋى ارقىلى مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋى ۇلى ىسىنە دەم بەرۋ كەرەك. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، فينانستا قۇدىرەتتى ەل قۇرۋدى جەدەلدەتىپ، فينانستى باقىلاۋ - باسقارۋدى جاپپاي كۇشەيتىپ، فينانس ءتۇزىلىسىن كەمەلدەندىرىپ، فينانستىق قىزمەت وتەۋدى ساپالىلاندىرىپ، حاۋىپ - قاتەردەن ساقتانىپ جانە ونى شەشىپ، جۇڭگوشا فينانستى دامىتۋ جولىمەن بۇلجىماي ءجۇرىپ، ەلىمىز فينانسىنىڭ ساپالى دامۋىن ىلگەرىلەتۋ كەرەك. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى تىرەك ازىرلەۋ كەرەك. جەر - جەر، تاراۋلار، اسىرەسە، فينانس جۇيەسى نىسانانى باعدار ەتۋدە، ماسەلەنى باعدار ەتۋدە تاباندى بولىپ، پارتيانىڭ فينانس قىزمەتىنە باسشىلىعىن جاپپاي كۇشەيتىپ، ءتۇيىندى قىزمەتتەردى تىڭعىلىقتى ىستەپ، قىزمەت ورنالاستىرۋلارىنىڭ ناقتاپ تياناقتانۋىنا كەپىلدىك ەتۋ كەرەك.
مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسى ادامدى العا باسۋعا جەبەيدى، فينانستىڭ دامۋى جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا سايادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، ”مەملەكەتتىڭ زور ءىسىن“ كوكەيدە ساقتاپ، بورىشتى، جاۋاپكەرلىكتى كۇشەيتىپ، قايراتتانا العا ۇمتىلىپ، شىندىققا جۇگىنىپ، ناقتى ءىس ىستەپ، جۇڭگوشا فينانستى دامىتۋ جولىمەن ءجۇرىپ، فينانستىڭ ساپالى دامۋىن تىڭعىلىقتى ىلگەرىلەتىپ، فينانستا قۇدىرەتتى ەل قۇرۋدى جەدەلدەتىپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋى ۇلى ىسىنە تىڭ دا اناعۇرلىم زور ۇلەس قوسايىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
