الدىڭعى 9 ايدا سۋ يگىلىگى قۇرىلىسىنا قوسىلعان قارجى ءبىر تريلليون يۋاننان استى (جاڭا ساندى مالىمەت، جاڭا ءتۇيىن)
2023.11.02 16:41 كەلۋ قاينارى : حالىق تورابى
«حالىق گازەتى»، 11 - ايدىڭ 1 - كۇنى، بەيجيڭ (ءتىلشى لي شياۋچيڭ). ءتىلشىنىڭ تاياۋدا سۋ يگىلىگى مينيسترلىگىنەن ۇعىسۋىنشا، بيىل 1 - ايدان 9 - ايعا دەيىن سۋ يگىلىگى قۇرىلىسىنا ءبىر تريلليون 75 ميلليارد يۋان قارجى تياناقتانىپ، 860 ميلليارد 100 ميلليون يۋان قارجى قوسىلىپ، تاريحتاعى ۇقساس مەزگىلدەگى ەڭ جوعارى رەكورد جاراتىلعان. بۇكىل ەل بويىنشا جاڭادان جۇمىس باستاعان ءتۇرلى سۋ يگىلىگى نىساندارى 24 مىڭ 900 بولىپ، سايكەس مەزگىلدەگىدەن %12.9 ارتقان؛ جالپى قوسىلعان قارجى ءبىر تريلليون 150 ميلليارد يۋان بولىپ، سايكەس مەزگىلدەگىدەن %8.9 ارتقان.
سۋ يگىلىگى نىساندارىنىڭ جۇمىس باستاۋ مولشەرى ءبىرشاما زور دارەجەدە ارتتى. مۇنىڭ ىشىندە 35 كەلەلى سۋ يگىلىگى ينجەنەرياسى جۇمىس باستادى، وڭتۇستىكتىڭ سۋىن سولتۇستىككە جەتكىزۋ ورتا جەلىسى حىبەي شيۇڭ - ان بەل توعانىن سۋمەن قامداۋ، سولتۇستىك شىعاناق ايلانباسى ارقىلى گۋاڭشيدىڭ سۋ بايلىعىن ورنالاستىرۋ، جيلين سۋ تورابىنىڭ تىرەكتى ينجەنەرياسى، بەيجيڭ قالاسىنداعى ۋىنچاۋ وزەن سۋىن ازايتۋ، جونگە سالۋ سياقتى نىساندار جۇمىس باستادى، مەملەكەت، رايون جانە ولكە دارەجەلى سۋ تورابى ينجەنەرياسى جۇيەسى جەدەل قۇرىلدى.
سۋ يگىلىگى قۇرىلىسىنىڭ جۇمىسقا قابىلداۋ رولى اناعۇرلىم كورنەكتىلەندى. 1 - ايدان 9 - ايعا دەيىن سۋ يگىلىگى نىساندارىندا 2 ميلليون 212 مىڭ ادام جۇمىسقا قابىلدانىپ، سايكەس مەزگىلدەگىدەن %5.7 ارتقان؛ 41 ميلليارد 130 ميلليون يۋان ەڭبەكاقى تاراتىلىپ، سايكەس مەزگىلدەگىدەن %37.1 ارتقان.
سۋ يگىلىگى ينجەنەرياسى قۇرىلىسى جاپپاي تەزدەدى. وڭتۇستىكتىڭ سۋىن سولتۇستىككە جەتكىزۋ ورتا جەلىسىندەگى چاڭجياڭ وزەنى ارقىلى حانشۇي وزەنىن تولىقتاۋ، حۋايحى وزەنىنەن تەڭىزگە قۇياتىن سۋ جولىنىڭ 2 - مەرزىمدىك ينجەنەرياسى جەدەل اتقارىلىپ، داتىڭشيا سۋ يگىلىگى تورابى ينجەنەرياسىنىڭ نەگىزگى تۇلعالىق ينجەنەرياسى جاپپاي سالىنىپ بولدى، شانشي ولكەسىندەگى حانشۇي وزەنىنەن سۋ الىپ ۋەيحى وزەنىن تولىقتاۋ، گانسۋ ولكەسى تاۋحى وزەنى ارقىلى سۋمەن قامداۋدىڭ 2 - مەرزىمدىك ينجەنەرياسى، فۋجيان ولكەسى پيڭتان جانە مينجياڭ وزەنى ساعاسىنداعى سۋ بايلىعىن ورنالاستىرۋ ينجەنەرياسى بويىنشا سۋ جەتكىزىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
