الدىڭعى 10 ايدا شينجياڭدا ”بانكە - سالىق ىقپالداستىعى“ بويىنشا بەرىلگەن قارىز 20 ميلليارد يۋاننان استى
2023.12.01 14:32 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى كاڭ حاۋيان 11 - ايدىڭ 29 - كۇنى ۇرىمجىدەن حابارلايدى. بيىل الدىڭعى 10 ايدا ”بانكە - سالىق ىقپالداستىعى“ ارقىلى شينجياڭنىڭ سالىق ىستەرى تاراۋلارى جيىنى 60 مىڭ ورتا، شاعىن، ۇساق كاسىپورىنداردىڭ 78 مىڭ قارىز جۇمىسىن ءبىتىردى، قارىز سوماسى 20 ميلليارد 11 ميلليون يۋان بولدى.
”بانكە - سالىق ىقپالداستىعى“ − سالىق ىستەرى تاراۋلارى، فينانستى باقىلاۋ - باسقارۋ تاراۋلارى جانە بانكە كاسىبىنىڭ فينانس قۇرىلىمدارى سەلبەسىپ، كاسىپورىنداردىڭ سالىق تاپسىرۋ سەنىمدىلىگىن قارجى قۇراۋ سەنىمدىلىگىنە اينالدىرۋىنا كومەكتەسىپ، كاسىپورىنداردىڭ قارجى قۇراۋى قيىن بولۋ ماسەلەسىن باسەيتۋ بولىپ تابىلادى. شينجياڭ سالىق ىستەرى مەكەمەسى سالىق تاپسىرۋ بويىنشا قىزمەت وتەۋ باسقارماسىنىڭ ورىنباسار باستىعى ۋاڭ ۋي بىلاي دەپ تانىستىردى: ”بانكە - سالىق ىقپالداستىعى“ ۋادەسىندە تۇرعان كاسىپورىنداردىڭ كەپىل قويمايتىن، كەپىلدىك بەرۋدى قاجەت ەتپەيتىن سەنىمدىلىك قارىزىنا قول جەتكىزۋىنە كومەكتەسىپ، ورتا، شاعىن، ۇساق كاسىپورىنداردىڭ قارجى قۇراۋى قيىن بولۋ ماسەلەسىن دالمە - ءدال شەشەدى.
”سالىق ىستەرى تاراۋلارى ساياسات جەتكىزىپ، تيىمدىلىك جەتكىزىپ قانا قويماي، ءبىزدىڭ قارىز ءوتىنىش ەتۋىمىزگە دانەكەر بولىپ كومەكتەسىپ، سەرىكتەستىكتىڭ قارجى قىسىمىن ءونىمدى باسەيتتى“، - دەدى شينجياڭ فۋجىباۋ تىڭايتقىش كاسىبى عىلىم - تەحنيكا شەكتى سەرىكتەستىگىنىڭ جاۋاپتىسى سۋ حۇڭ. تاماشا سالىق تاپسىرۋ سەنىمدىلىگىنىڭ ارقاسىندا، بيىل وسى سەرىكتەستىك 10 ميلليون يۋاندىق سەنىمدىلىك قارىزىنا قول جەتكىزدى.
”ءبىز جيىنى 4 ميلليون 600 مىڭ يۋاننان استام قارىزعا قول جەتكىزدىك، بۇل سەرىكتەستىكتىڭ ءوندىرىس جابدىقتارىن ساتىپ الۋىنا، ءوندىرىس كولەمىن كەڭەيتۋىنە قارجى قامتاماسىزدىعىن ازىرلەدى، سونداي - اق دامۋ سەنىمىمىزدى اناعۇرلىم بەكەمدەي ءتۇستى“. اقسۋ قالاسى جۇڭچىڭ جاڭا ماتەريال عىلىم - تەحنيكا شەكتى جاۋاپكەرشىلىك سەرىكتەستىگىنىڭ جاۋاپتىسى جاڭ مىڭياۋ بىلاي دەدى: شيكىزات، تاسىمال، ادام كۇشى وزىندىك قۇنىنىڭ ورلەۋى سياقتى فاكتورلاردىڭ ىقپالىنا ۇشىراعاندىقتان، سەرىكتەستىكتىڭ جىلجىمالى قارجىسى قىسىلتاياڭ بولدى. جەرگىلىكتى سالىق ىستەرى تاراۋلارى سەرىكتەستىكتىڭ سالىق تاپسىرۋ سەنىمدىلىگىن قارجى قۇراۋ سەنىمدىلىگىنە اينالدىرۋىنا جول كورسەتىپ، سەرىكتەستىكتىڭ سەنىمدىلىك قارىزىن ءوتىنىش ەتۋىنە كومەكتەسىپ، قيىنشىلىقتان ارىلتتى.
شىحىزى قالا رايونى سالىق ىستەرى مەكەمەسى پارتكومىنىڭ شۋجيى، مەكەمە باستىعى جاۋ پىڭچىڭ مىنانى ءبىلدىردى: وسى مەكەمە حالىقتىق جانە شاعىن، ۇساق كاسىپورىنداردىڭ قارىز ارناسىن كەڭەيتۋىنە، قارىز ءوتىنىش ەتۋ بارىسىن قاراپايىمداستىرۋىنا، سەنىمدىلىككە يە بولۋ ءادىسىن بايىتۋىنا بەلسەنە كومەكتەسىپ، كاسىپورىنداردىڭ ”بانكە - سالىق ىقپالداستىعى“ ارقىلى سەنىمدىلىكپەن سالىق تاپسىرۋ اكەلگەن پايدادان يگىلىكتەنۋىنە مۇمكىندىك جاسادى.
2015 - جىلدان بەرى، شينجياڭنىڭ سالىق ىستەرى تاراۋلارى سالىق تاپسىرۋ سەنىمدىلىك ينفورماتسياسىنىڭ جالپىعا ءتيىمدى فينانىس جۇيەسى قۇرىلىسىنداعى ماڭىزدى رولىن ساۋلەلەندىرىپ، تۇتاس قوعامنىڭ سالىق تاپسىرۋ سەنىمدىلىگى سەنىمدىلىك جۇيەسى قۇرىلىسىن ۇزدىكسىز ىلگەرىلەتىپ، بيىل 10 - ايدىڭ سوڭىنا دەيىن جيىنى 340 مىڭ نەسيەنى ءبىتىردى، قارىز سوماسى 66 ميلليارد 20 ميلليون يۋانعا جەتتى.
”ءبىز ۇزدىكسىز حالىقتىق جانە شاعىن، ۇساق كاسىپورىندارعا قىزمەت وتەۋدى كۇش سالۋ ءتۇيىنى ەتىپ، ’كولەمدى كەڭەيتىپ، مولشەردى ارتتىرىپ، ساپانى جوعارىلاتىپ، حاۋىپ - قاتەردەن ساقتانۋدى‘ تياناق ەتىپ، ’بانكە - سالىق ىقپالداستىعى‘ سەلبەستىگىن ۇزدىكسىز تەرەڭدەتەمىز جانە كەڭەيتەمىز“، - دەدى ۋاڭ ۋي.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
