شينجياڭنان 3 جەر جالپىعا ءتيىمدى فينانستى دامىتۋ بويىنشا ۇلگى كورسەتۋ رايونى بولىپ تاڭدالدى
2023.12.01 14:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 11 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، قازىنا مينيسترلىگى تاياۋدا جاريالاعان 2023 - جىلعى ورتالىق قازىنا قولداۋ كورسەتەتىن جالپىعا ءتيىمدى فينانستى دامىتۋ بويىنشا ۇلگى كورسەتۋ رايونى تىزىمدىگىنە ءۇرىمجى قالاسى، اقسۋ ايماعى، قارامايلى قالاسىنىڭ قارامايلى رايونى تاڭدالعان، 3 جەر ورتالىق قازىنانىڭ جالپى 75 ميلليون يۋان سيلىق قوسىمشا قاراجاتىنا يە بولعان.
اۆتونوميالى رايوندىق قازىنا مەڭگەرمەسى فينانس قىزمەتى باسقارماسىنىڭ باستىعى پارحات احىمەت مىنالاردى ءبىلدىردى: ورتالىق قازىنا قولداۋ كورسەتەتىن جالپىعا ءتيىمدى فينانستى دامىتۋ بويىنشا ۇلگى كورسەتۋ رايونى ساياساتىنىڭ ماقساتى − الدىمەن اتقارىپ، الدىمەن سىناق جۇرگىزۋگە ىنتالاندىرۋ، قازىنالىق قولداۋ كورسەتەتىن جالپىعا ءتيىمدى فينانستى دامىتۋدىڭ ءونىمدى ۇلگىسىندە جاڭالىق اشىپ، جالپىعا ءتيىمدى فينانستىق قىزمەت وتەۋدىڭ كولەمىن كەڭەيتىپ، مولشەرىن ارتتىرۋعا شىنايى جەتەكشىلىك ەتۋ.
ۇعىسۋعا قاراعاندا، ورتالىق قازىنا جالپىعا ءتيىمدى فينانستى دامىتۋ بويىنشا ارناۋلى وتكەرمەلەپ تولەۋ ارقىلى سيلىق قوسىمشا قاراجاتىن ورنالاستىرىپ، ۇلگى كورسەتەتىن رايوننىڭ جالپىعا ءتيىمدى فينانستى دامىتۋىنا قولداۋ كورسەتەدى ەكەن. سيلىق قوسىمشا قاراجات ۇلگى كورسەتۋ رايونى ءبىر تۇتاس جوسپارلانىپ، شاعىن كاسىپورىندارعا قولداۋ كورسەتەتىن، اۋىل شارۋاشىلىعىنا قولداۋ كورسەتەتىن قارىز اقشا وسىمىنە، شاعىن كاسىپورىندارعا قولداۋ كورسەتەتىن، اۋىل شارۋاشىلىعىنا قولداۋ كورسەتەتىن قارىز اقشا حاۋىپ - قاتەرى تولەمى جانە ۇكىمەت سيپاتىنداعى قارجى قۇراۋعا كەپىل بولاتىن قۇرىلىمداردىڭ اۋىل شارۋاشىلىعىنا ساياتىن كاسىپتەردىڭ اقىسىن تومەندەتۋ سيلىق قوسىمشا قاراجاتى، كاپيتال قورىن تولىقتاۋ، حاۋىپ - قاتەر تولەمى سياقتى جاقتارىنا پايدالانىلادى.
ورتالىق قازىنا قولداۋ كورسەتەتىن جالپىعا ءتيىمدى فيانستى دامىتۋ بويىنشا ۇلگى كورسەتۋ رايونى سيلىق قوسىمشا قاراجاتى ساياساتتىق بەلگىلەمەسىنە نەگىزدەلىپ، بيىل 4 - ايدا اۆتونوميالى رايوندىق قازىنا مەڭگەرمەسى جۇڭگو حالىق بانكەسى شينجياڭ بولىمشە بانكەسىمەن، مەملەكەتتىك فينانستى باقىلاۋ - باسقارۋ باس مەكەمەسى شينجياڭ باقىلاۋ - باسقارۋ مەكەمەسىمەن، شينجياڭ جەرگىلىكتى فينانس باقىلاۋ - باسقارۋ مەكەمەسىمەن بىرگە باعالاۋ، تاڭداۋ ەرەجەسىن تۇراقتاندىرىپ، 2023 - جىلعى جالپىعا ءتيىمدى فينانستى دامىتۋ بويىنشا ۇلگى كورسەتۋ رايونىن باعالاۋ قىزمەتىن ورىندادى ءارى قازىنا مينيسترلىگىنە جولدادى.
جالپىعا ءتيىمدى فينانستى دامىتۋ بويىنشا ۇلگى كورسەتۋ رايونىن باعالاۋ، تاڭداۋ جالپىلىق تەكسەرۋى جالپىعا ءتيىمدى شاعىن، ۇساق كاسىپورىندار قارىز اقشا قالدىق سوماسى جانە سايكەس مەزگىلدەگى ارتۋ قارقىنى، جالپىعا ءتيىمدى تيپتەگى شارۋا وتباسىلارىنىڭ ءوندىرىس، تيجارات سيپاتىنداعى قارىز اقشا قالدىق سوماسى جانە سايكەس مەزگىلدەگى ارتۋ قارقىنى سياقتى 10 ءتۇرلى كورسەتكىشتى قامتيدى.
پارحات احمەت مىنالاردى ءبىلدىردى: وسى رەت جالپىعا ءتيىمدى فينانستى دامىتۋ بويىنشا ۇلگى كورسەتۋ رايونى بولىپ تاڭدالعان 3 جەر قازىنادان قولداۋ كورسەتەتىن جالپىعا ءتيىمدى فينانستى دامىتۋدىڭ ءونىمدى ۇلگىسىن بەلسەنە قاراستىرىپ، شينجياڭنىڭ جالپىعا ءتيىمدى فينانستى جوعارى ساپالى دامىتۋىنا كۇش ۇستەيدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
