شي جينپيڭ حەنري كەسەنگردىڭ قايتىس بولۋىنا بايلانىستى امەريكانىڭ زۇڭتۇڭى بايدەنگە كوڭىل ايتۋ تەلەگرامماسىن جولدادى
2023.12.01 15:24 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 30 - كۇنى، بەيجيڭ. 11 - ايدىڭ 30 - كۇنى مەملەكەت ءتوراعاسى شي جينپيڭ امەريكانىڭ بۇرىنعى مەملەكەت ىستەر حاتشىسى حەنري كەسەنگردىڭ قايتىس بولۋىنا بايلانىستى امەريكانىڭ زۇڭتۇڭى بايدەنگە كوڭىل ايتۋ تەلەگرامماسىن جولدادى. شي جينپيڭ جۇڭگو ۇكىمەتى مەن حالقى اتىنان، سونداي - اق ءوز اتىنان حەنري كەسەنگر دوكتوردىڭ قايتىس بولۋىنا قايعىلى ازا ءبىلدىردى، ونىڭ وتباسىنداعىلاردان شىنايى حال سۇرادى.
شي جينپيڭ كوڭىل ايتۋ تەلەگرامماسىندا مىنالاردى ءبىلدىردى: حەنري كەسەنگر دوكتور − دۇنيە جۇزىنە ايگىلى ستراتەگ، سونداي - اق جۇڭگو حالقىنىڭ كونە دوسى جانە جاقسى دوسى. جارتى عاسىردىڭ الدىندا ول كورنەكتى ستراتەگيالىق كورەگەندىكپەن جۇڭگو - امەريكا قارىم - قاتىناسىن قالىپقا تۇسىرۋگە تاريحي ۇلەس قوسىپ، ەكى ەلگە باقىت جاراتۋمەن بىرگە، دۇنيە ءجۇزىن دە وزگەرتتى. ول جۇڭگو - امەريكا قارىم - قاتىناسىنىڭ دامۋىن ىلگەرىلەتۋدى، ەكى ەل حالىقتارىنىڭ دوستىعىن كۇشەيتۋدى ومىرلىك تالپىنىسى ەتتى. كەسەنگردىڭ ەسىمى جۇڭگو - امەريكا قارىم - قاتىناسىمەن ماڭگى بايلانىسىپ جاتادى. كەسەنگر دوكتوردى جۇڭگو حالقى ماڭگى ۇمىتپايدى جانە ساعىنا ەسكە الادى. جۇڭگو جاق امەريكا جاقپەن بىرگە جۇڭگو - امەريكا حالىقتارىنىڭ دوستىق ىستەرىن جالعاستىرىپ، جۇڭگو - امەريكا قارىم - قاتىناسىنىڭ اقاۋسىز، ورنىقتى دامۋىن ىلگەرىلەتىپ، ەكى ەل حالىقتارىن باقىتقا كەنەلتىپ، دۇنيە ءجۇزىنىڭ بەيبىتشىلىگى مەن دامۋىنا ءتيىستى ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved