- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اشكەرەلەۋ حاتىن بىلاي جازساڭىز ءونىمدى بولادى
2016.07.20 15:46 كەلۋ قاينارى : حالىق تورابى
مالىمەتكە قاراعاندا، 2015 – جىلى بۇكىل شينجياڭدا ءتارتىپ تەكسەرۋ تاراۋلارى بۇقارادان كەلگەن 23799 اشكەرەلەۋ حاتىن تاپسىرىپ العان، دەمەك، اتالعان تاراۋلار كۇنىنە 95 دانا اشكەرەلەۋ حاتىن تاپسىرىپ العان، بۇلاردىڭ %20 ~ %25ى تولىمسىز اشكەرەلەۋ حاتى ەسەپتەلىپ، ءونىمى بولمايدى. اشكەرەلەۋ حاتىن قالاي جازعاندا ءتارتىپ تەكسەرۋ تاراۋلارىنىڭ كوزىنە شالىنادى؟ نەلىكتەن عالامتوردا اشكەرەلەۋ حاتىن جازۋدى قۇپتامايمىز؟
قانداي اشكەرەلەۋ حاتى تولىمسىز ەسەپتەلەدى؟
ءبىرىنشىدەن، ءتارتىپ تەكسەرۋ تاراۋلارىنىڭ ءبىرجاقتىلى ەتۋ كولەمىنە جاتپايتىن ىستەر تۋرالى اشكەرەلەۋ حاتى. ءتارتىپ تەكسەرۋ تاراۋلارى تاپسىرىپ العان كەيبىر حاتتاردىڭ باسىنا «قۇرمەتتى سوت باستىعى» دەپ جازاتىندار بار، حاتتىڭ مازمۇنى دا ءادىليالىق دەلو تۋرالى جازىلعان بولىپ شىعادى؛ كەيبىرەۋلەر ءتارتىپ تەكسەرۋ تاراۋىنىڭ باسقارمايتىن ءىسى جوق دەپ ويلاپ، قوجالىق باسقارۋ قاراجاتىن الباتى الۋ تۋرالى اشكەرەلەۋدى دە ءتارتىپ تەكسەرۋ تاراۋىنا جولدايدى، اتىزدىق جەرىنە جول ءتۇسىپ، ونىڭ تولەمىن الا الماعاندار، كاسىپورىن رەفورمالانعاننان كەيىن زەينەتكەرلىك قامسىزداندىرۋىن الا الماعاندار ... شىنتۋايتىندا، جەكەلىك داۋ – داماي، زاڭسىز قارجى توپتاۋ، ءۇي الۋ جانە قوجالىق ىستەر تۋرالى داۋ – داماي، شيپاحانا مەن ناۋقاس اراسىنداعى داۋ – داماي، جەردى وتكىزىپ الۋ مەن كوشىرۋ، ورتانى قورعاۋ، ەڭبەكاقى جايلى داۋ – داماي، ەڭبەكاقى مەن زاتتىق يگىلىك، ەڭبەك قامتاماسىزداندىرۋى، كاسىپورىن رەفورماسى، الباتى اقى الۋ، الباتى ايىپ سالۋ قاتارلى ماسەلەلەردە، ەگەر كادرلاردىڭ پارتيا ءتارتىبى مەن اكىمشىلىك تارتىپكە قايشىلىق جاساۋ ماسەلەسى بايقالماسا، وندا بۇل ىستەردىڭ بارلىعى ءتارتىپ تەكسەرۋ تاراۋىنىڭ ءبىرجاقتىلى ەتۋ كولەمىندە جاتپايدى.
ەكىنشى، ناقتى مازمۇنى كۇڭگىرت جازىلعان اشكەرەلەۋ حاتتارى. كەيبىر حاتتاردا اشۋمەن ايتىلعان سوزدەردەن باسقا، ىلىككە الارلىق ەشقانداي دەرەك جوق، بۇل كوپتەگەن تولىمسىز اشكەرەلەۋ حاتتارىنىڭ ورتاق ەرەكشەلىگى. مىسالى: «پالەنباي باستىقتىڭ جوعارى دارەجەلى مەيمانسارايعا كىرىپ بارا جاتقانىن كوردىم، ۇكىمەت اقشاسىمەن جەپ – ءىشىپ جۇرگەن بولۋى مۇمكىن» دەپ جازادى دا، «قايدا بارىپ ءىشىپ – جەگەنىن»، «كىمدەرمەن بارعانىن»، «قاي ۋاقىتتا بارعانىن» ايتپايدى. «پالەنباي پارتيالى كادردىڭ وتباسىنداعىلار استا – توك تۇتىنادى، بالا – شاعاسى شەتەلدە وقىپ جاتىر، وسىنشالىق اقشانىڭ قايدان كەلگەنى بەلگىسىز»؛ «پالەنباي شىرىكتەسكەن، كەلىپ تەكسەرسەڭدەر بىلەسىڭدەر»... دەگەن سياقتى اشكەرەلەۋ حاتتارىنىڭ بارلىعى ءونىمسىز اشكەرەلەۋ حاتتارى ەسەپتەلەدى.
قايتا – قايتا جولداعاننان، ءبىر رەت جولداپ ناتيجەسىن كۇتكەنىڭىز ابزال
كەيبىرەۋلەر اشكەرەلەۋ حاتىن ءبىر رەت جولداسام، ءتارتىپ تەكسەرۋ تاراۋلارى قىزمەتكەرلەرىنىڭ كوزىنە شالىنباي قالاما دەپ، قايتا – قايتا جولدايدى.
تاپسىرىپ العان ءاربىر حاتتاردى قىزمەتكەرلەر مۇقيات كورىپ، قاتىستى ساياساتتىق بەلگىلەمەلەرگە نەگىزدەلە وتىرىپ، «ءبىرجاقتىلى ەتۋگە بولاتىندارى» مەن «ءبىرجاقتىلى ەتە المايتىندارىن» ءبولىپ شىعادى ءارى بەلگىلەمەدەگى تالاپتار بويىنشا تۇرگە ءبولىپ ءبىرجاقتىلى ەتەدى، كەلگەن حاتتى «باسىپ قوياتىن» جايت بولمايدى. ءتارتىپ تەكسەرۋ تاراۋىنىڭ ءبىرجاقتىلى ەتۋ كولەمىنە جاتاتىن، فاكتىلەرى تولىق، ءجىپ ۇشى ايقىن جازىلعان اشكەرەلەۋ حاتىنان بىرەۋىن جازساڭىز جەتكىلىكتى.
عالامتوردا اشكەرەلەۋ حاتىن جازۋ حاۋىپتى
عالامتوردىڭ تارالۋ كولەمى كەڭ، ىقپالى زور، ءىشىنارا اشكەرەلەۋشىلەر تالقى تورابى قاتارلى توراپتاردا اشكەرەلەۋدى ۇناتادى، ءبىراق، ەگەردە اشكەرەلەۋ مازمۇنى جالعان بولىپ شىقسا، اشكەرەلەۋشىگە ءتيىمسىز ىقپال جاسايدى، قاتىستى زاڭدارعا نەگىزدەلگەندە، اشكەرەلەۋشى سوتقا بەرىلۋى مۇمكىن، عالامتوردا اشكەرەلەۋ بارىسىندا جەكەلىك ينفورماتسياڭىز دا اشكەرەلەنۋى، قارسى جاقتىڭ ءوش الۋى دا مۇمكىن.
اشكەرەلەۋ حاتىن قالاي جازۋ كەرەك؟
اشكەرەلەۋ ماتەريالىندا قاتىستى ادامنىڭ تارتىپكە قايشىلىق جاساۋ ءىسى انىق، تاپتەشتەي جازىلسا، اشكەرەلەۋ قۇنى جوعارى بولادى. ناقتاپ ايتقاندا، بىرىنشىدەن، شىندىقتى ءىس جۇزىنەن ىزدەۋ، قيۋادان قيىستىرماۋ كەرەك. ەكىنشىدەن، مازمۇنى ناقتى بولۋى، بارىنشا ناقتى مازمۇندار جازىلۋى كەرەك، مىسالى: ۋاقىتى، ورنى، قىزمەت ورنى، اشكەرەلەيتىن ادام، نەگىزگى بارىسى قاتارلىلار انىق جازىلۋى كەرەك. ءۇشىنشى، قىسقا دا نۇسقا بولۋى كەرەك، باستالار تۇسىندا اشكەرەلەيتىن ادامنىڭ اتى – ءجونى، مىندەتى، قىزمەت ورنى قاتارلى ينفورماتسيالار انىق جازىلۋى، ۋاقىتىنان تارتىپ ورنى، ادامداردىڭ بايلانىسى، ناقتى بارىسى، ساندى مالىمەتتەر، قىزمەت مىندەتىنىڭ ىقپالى، ۇكىمەت ىسىنە جانە جەكەلىك ىسىنە جاتاتىن تۇستارى قاتارلى جاقتاردا تارتىپكە قايشىلىق جاساعانى انىق بولۋى كەرەك. ادام جانە زاتتىق ايعاقتاردىڭ ورنى جانە حاباردار ادامداردىڭ اتى – ءجونى، تۇراعىنىڭ ءادىرىسى، جاسى، سالاۋاتى جانە حات – شەكتەر قاتارلى ماتەريالدار، نەگىزگى ءجىپ ۇشتارى انىق جازىلۋى كەرەك، قاتىستى تاراۋلاردىڭ دەر كەزىندە بايلانىس جاساۋى مەن تەكسەرۋىنە قولايلى بولۋ ءۇشىن، حات جولداۋشىنىڭ تەلەفون ءنومىرى مەن ءادىرىسىن جازىپ قويۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
