HPV ۆاكسيناسى مەملەكەتتىڭ يممۋنيتەت جونىندەگى جوباسىنا ەنگىزىلە مە؟ مەملەكەتتىك دەنساۋلىق ساقتاۋ – سالاماتتىق كوميتەتى جاۋاپ قايتاردى 

9 – ايدىڭ 2 – كۇنى، مەملەكەتتىك دەنساۋلىق ساقتاۋ – سالاماتتىق كوميتەتىنىڭ تورابى 14 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ ۋاكىلدەرىنىڭ لايىقتى جاستاعى ايەلدەرگە جاتىر موينى راگىنىڭ ۆاكسيناسىن تەگىن ەگۋدى ىلگەرىلەتۋ جونىندەگى ۇسىنىسىنا قايتارعان جاۋابىندا مىنالاردى اتاپ كورسەتكەن: 2024 – جىلى مەملەكەتتىك دەنساۋلىق ساقتاۋ – سالاماتتىق كوميتەتى الەۋمەتتىك بايلىق قاينارىن بەلسەندى سايكەستىرىپ، سىچۋان ولكەسىنىڭ لياڭشان وبلىسى مەن يۇننان ولكەسىنىڭ ليجياڭ قالاسىندا جاتىر موينى راگىنان ساقتانۋ – ەمدەۋدى تۇيىندە سىناق ەتۋ نىسانىن اتقارىپ، نىسانداعى وڭىرلەردەگى لايىقتى جاستاعى قىز بالالارعا HPV ۆاكسيناسىن تەگىن ەگۋگە قولداۋ كورسەتكەن. الدا HPV ۆاكسيناسى مەملەكەتتىڭ يممۋنيتەت جونىندەگى جوباسىنا ەنگىزىلە مە، جوق پا دەگەن ماسەلە جونىندە، قاجەتسىنۋ مەن ۆاكسينانىڭ وزىندىك حاۋىپسىزدىگى، ونىمدىلىگى، قولجەتىمدىلىگى قاتارلىلارمەن ۇشتاستىرا وتىرىپ، تولىق دالەلدەۋ نەگىزىندە زەرتتەپ تۇراقتاندىرىلادى.

جاۋاپتا ايتىلۋىنشا، قازىر جياڭسۋ، جىجياڭ، فۋجيان، جياڭشي، شاندۇڭ، حۋبەي، گۋاڭدۇڭ، حاينان، چۇڭچيڭ، شيزاڭ قاتارلى 10 ولكە مەن جىڭجوۋ، چىڭدۋ، وردوس، شىجياجۋاڭ قاتارلى قالالار HPV ۆاكسيناسىن ۇكىمەتتىڭ حالىققا ءتيىمدى ءىس ىستەۋ نىساندارى قاتارىنا ەنگىزىپ، قازىنالىق قاراجات ارقىلى قىزمەت كورسەتۋ اقىسىن تولەۋ، سان بەلگىلەپ قوسىمشا قاراجات بەرۋ جانە ەمدەۋدى قامسىزداندىرۋ ەسەبىنەن كوتەرۋ تاسىلدەرى بويىنشا، لايىقتى جاستاعى قىز بالالارعا وتاندىق HPV ۆاكسيناسىن ەكتىرگەن.

كەلۋ قاينارى: حالىق تورابى