شي جينپيڭ جۇڭگو ـ افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ اشىلۋ سالتىنا قاتىناستى ءارى ءسوز سويلەدى

9 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو ـ افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ اشىلۋ سالتىنا قاتىناستى ءارى «وسىزامانداندىرۋدى قول ۇستاسا ىلگەرىلەتىپ، تاعدىرلاس ورتاق تۇلعا قۇرايىق» دەگەن تاقىرىپتا ارقاۋ ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

9 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو ـ افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى. سۋرەتتە: اشىلۋ سالتىنان بۇرىن شي جينپيڭ باسشىلار ماجىلىسىنە قاتىناسقان سىرت جاق باسشىلارىمەن توپتىق سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

«حالىق گازەتى»، 9 - ايدىڭ 5 - كۇنى، بەيجيڭ (تىلشىلەر ۋاڭ يۋان، ۋاڭ دي). 9 - ايدىڭ 5 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو ـ افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى. شي جينپيڭ بىلاي دەپ جاريالادى: جۇڭگو افريكاداعى ديپلوماتيالىق قارىم - قاتىناس ورناتقان بارلىق ەلمەن ەكى جاقتى قارىم - قاتىناستى ستراتەگيالىق قارىم - قاتىناس دەڭگەيىنە كوتەرەدى، جۇڭگو - افريكا قارىم - قاتىناسىنىڭ جالپى تۇلعالىق دەڭگەيىن جاڭا داۋىردەگى بارلىق جاعدايدا بىردەي جۇڭگو - افريكا تاعدىرلاس ورتاق تۇلعاسى دەڭگەيىنە كوتەرەدى، جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋىندەگى 10 ءىرى سەرىكتەستىك ارەكەتىن اتقارادى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى.

التىن كۇز شۋاعىنا شومعان بەيجيڭنىڭ اسپانى شايداي اشىق. تيان - انمىن الاڭى مەن چاڭ - ان كوشەسىنىڭ ەكى جاعىندا بەس جۇلدىزدى نارت قىزىل تۋ مەن افريكاداعى 53 مەملەكەتتىڭ جانە افريكا ەلدەرى وداعىنىڭ تۋى ءوزارا ءسان قوسا جەلبىرەپ تۇر.

شي جينپيڭ باسشىلار ماجىلىسىنە قاتىناسقان افريكاداعى 51 ەلدىڭ مەملەكەت باسشىلارىمەن، ۇكىمەت باسشىلارىمەن، 2 زۇڭتۇڭ ۋاكىلىمەن، افريكا وداعى كوميتەتىنىڭ توراعاسىمەن جانە بىرلەسكەن مەملەكەتتەر ۇيىمىنىڭ باس حاتشىسىمەن توپتىق سۋرەتكە ءتۇستى.

«بەيبىتشىلىك − تاعدىرلاس ورتاق تۇلعا» اتتى مۋزىكا جانە شاتىرلاي كوتەرىلگەن قول شاپالاق ءۇنى ىشىندە شي جينپيڭ سىرت باسشىلارىمەن بىرگە ءماجىلىس زالىنا كىرىپ، ءتوراعالار مىنبەسىنەن ورىن الدى.

شي جينپيڭ «وسىزامانداندىرۋدى قول ۇستاسا ىلگەرىلەتىپ، تاعدىرلاس ورتاق تۇلعا قۇرايىق» دەگەن تاقىرىپتا ارقاۋ ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 3 – بەتىنەن وقي الاسىزدار).

شي جينپيڭ ەڭ اۋەلى جۇڭگو ۇكىمەتى مەن جۇڭگو حالقى اتىنان باسشىلار ماجىلىسىنە قاتىناسقان شەتەلدىك سيلى قوناقتاردى ىستىق ىقىلاسپەن قارسى الاتىندىعىن ءبىلدىردى.

شي جينپيڭ بىلاي دەپ اتاپ كورسەتتى: وسىناۋ مول ءونىم ماۋسىمىندا جاڭا - كونە دوستارمەن بەيجيڭدە باس قوسىپ، جاڭا داۋىردەگى جۇڭگو - افريكا دوستىق سەلبەستىگىنىڭ ۇلى جوسپارىن بىرگە اقىلداسقانىما وتە قۋانىشتىمىن. جۇڭگو - افريكا دوستىعى ۋاقىت پەن كەڭىستىكتەن، اسقار تاۋ - شالقار تەڭىزدەردەن اتتاپ ءوتىپ، ۇرپاقتان - ۇرپاققا جالعاسىپ كەلەدى. جۇڭگو - افريكا سەلبەستىك تالقى مىنبەرى قۇرىلعان 24 جىلدان بەرى، اسىرەسە، جاڭا ءداۋىر باستالعاننان بەرى، جۇڭگو مەن افريكا اعا - باۋىر، اپەكە - سىڭلىلەردەي شىنايى، ادال بولۋ ۇستانىمى بويىنشا، دۇنيە ءجۇزىنىڭ عاسىرلىق وزگەرىسى بارىسىندا تىزە قوسا شايقاس جاساپ، قول ۇستاسا العا باسىپ، ءبىر - ءبىرىنىڭ ورىندى ۇقىق - مۇددەسىن باتىل قورعادى؛ ەكونوميكانىڭ جاھاندانۋ ۇلى تولقىنىندا شىڭدالىپ، قوماقتى ناتيجە ارقىلى جۇڭگو مەن افريكاداعى ءجۇز ميلليونداعان بۇقاراعا يگىلىك جەتكىزدى؛ اۋىر اپات، اۋىر ىندەت جاعدايىندا، جاپادا بىرگە بولىپ، بىرگە كۇرەس جۇرگىزىپ، جۇڭگو - افريكا دوستىعىنىڭ اسەرلى اڭگىمەلەرىن جازدى؛ باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ، حالىقارالىق قارىم – قاتىناستىڭ جاڭاشا ۇلگىسىن ورناتتى. 70 جىلعا جۋىق جاپالى قۇلشىنىس ارقىلى جۇڭگو - افريكا قارىم - قاتىناسى تاريحتاعى ەڭ جاقسى مەزگىلگە ءوتتى. بولاشاقتى بەتكە العاندا، جۇڭگو جاق جۇڭگونىڭ افريكاداعى ديپلوماتيالىق قارىم - قاتىناس ورناتقان بارلىق ەلمەن ەكى جاقتى قارىم - قاتىناسىن ستراتەگيالىق قارىم - قاتىناس دەڭگەيىنە كوتەرۋدى، جۇڭگو - افريكا قارىم - قاتىناسىنىڭ جالپى تۇلعالىق دەڭگەيىن جاڭا داۋىردەگى بارلىق جاعدايدا بىردەي جۇڭگو - افريكا تاعدىرلاس ورتاق تۇلعاسى دەڭگەيىنە كوتەرۋدى ۇسىنىس ەتەدى.

شي جينپيڭ بىلاي دەپ اتاپ كورسەتتى: وسىزامانداندىرۋدى جۇزەگە اسىرۋ — دۇنيە جۇزىندەگى ءار ەلدىڭ تارتىپ الۋعا بولمايتىن ۇقىعى. جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن تاباندىلىقپەن جاپپاي ىلگەرىلەتۋدە. افريكا دا افريكا ەلدەرى وداعىنىڭ «2063 - جىلعا دەيىنگى كەڭەستىك تارتىبىندە» جوبالانعان وسىزامانداندىرۋ نىساناسىنا قاراي نىق قاداممەن العا باسۋدا. جۇڭگو مەن افريكانىڭ وسىزامانداندىرۋ ارمانىن بىرگە جۇزەگە اسىرۋى، ءسوز جوق، دۇنيە ءجۇزىنىڭ وڭتۇستىگىن وسىزامانداندىرۋ ورلەۋىن كوتەرىپ، ادامزاتتىڭ تاعدىرلاس ورتاق تۇلعاسىن قۇرۋ شىت جاڭا داستانىن جازادى.

شي جينپيڭ مىنالاردى العا قويدى: جۇڭگو مەن افريكا ”التىنى وسىزامانداندىرۋدى“ قول ۇستاسا ىلگەرىلەتۋى كەرەك.

− ءادىل، ۇيلەسىمدى وسىزامانداندىرۋدى قول ۇستاسا ىلگەرىلەتۋ كەرك. مەملەكەتتىڭ وسىزاماندانۋ قۇرىلىسىن ىلگەرىلەتۋدە ءارى وسىزاماندانۋدىڭ جالپى زاڭدىلىعىنا بويسۇنۋ، ءارى ءوز ەلىنىڭ ءىس جۇزىندىگىنە ۇيلەسۋ كەرەك. جۇڭگو جاق افريكا جاقپەن ەل باسقارۋ تاجىريبەلەرىن اۋىستىرۋدى كۇشەيتىپ، ءار ەلدىڭ ءوز ەلىنىڭ مەملەكەت جاعدايىنا ۇيلەسەتىن وسىزامانداندىرۋ جولىن قاراستىرۋىنا قولداۋ كورسەتىپ، ءار ەلدىڭ ۇقىعىنىڭ بارابار، ورايىنىڭ بارابار بولۋىنا شىنايى كەپىلدىك ەتۋدى قالايدى.

− ەسىك اشىپ، ورتاق يگىلىكتەنەتىن وسىزامانداندىرۋدى قول ۇستاسا ىلگەرىلەتۋ كەرەك. ءوزارا ءتيىمدى سەلبەستىك − ءار ەلدىڭ ۇزاق بولاشاعى مەن ءتۇبىرلى مۇددەسىنە ۇيلەسەتىن داڭعىل جول. جۇڭگو جاق افريكا جاقپەن ونەركاسىپ، اۋىل شارۋاشىلىعى، نەگىزدىك قۇرىلعى، ساۋدا، قارجى قوسۋ سياقتى سالالارداعى سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋ ۇلگىسىن ورناتۋدى، دۇنيە جۇزىلىك دامۋ باستاماسىن تياناقتاندىرۋ ۇلگىسىن بىرگە تۇلعالاۋدى قالايدى.

− حالىقتى بارىنەن جوعارى قوياتىن وسىزامانداندىرۋدى قول ۇستاسا ىلگەرىلەتۋ كەرەك. ادامنىڭ ەركىن، جان - جاقتى دامۋىن جۇزەگە اسىرۋ − وسىزاماندانۋدىڭ ەڭ سوڭعى نىساناسى. جۇڭگو جاق افريكا جاقپەن دارىندىلار تاربيەلەۋ، كەدەيلىكتى ازايتۋ، جۇمىستاندىرۋ سياقتى سالالارداعى سەلبەستىكتى بەلسەنە ورىستەتىپ، حالىقتىڭ وسىزاماندانۋ بارىسىنداعى تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتىپ، وسىزاماندانۋدان جالپى حالىقتى يگىلىكتەندىرۋدى بىرگە كۇش سالا ىلگەرىلەتۋدى قالايدى.

− كوپ نەگىزدى، سيىسىمدى وسىزامانداندىرۋدى قول ۇستاسا ىلگەرىلەتۋ كەرەك. زاتتىق وركەنيەت پەن رۋحاني وركەنيەتتىڭ سايكەستى دامۋىن جۇزەگە اسىرۋ − وسىزاماندانۋدىڭ وسكەلەڭ تالپىنىسى. جۇڭگو جاق افريكا جاقپەن گۋمانيتارلىق اۋىس - كۇيىستى جيىلەتىپ، تۇرلىشە وركەنيەتتەردىڭ ءوزارا قۇرمەت ەتۋىن، سيىسىمدى بولۋىن دارىپتەپ، دۇنيە جۇزىلىك وركەنيەت باستاماسىنىڭ اناعۇرلىم مول جەمىس بەرۋىن بىرگە كۇش سالا ىلگەرىلەتۋدى قالايدى.

− ەكولوگيامەن جاراسىمدى بولاتىن وسىزامانداندىرۋدى قول ۇستاسا ىلگەرىلەتۋ كەرەك. جاسىل دامۋ − جاڭا داۋىردەگى وسىزامانداندىرۋدىڭ ايقىن بەلگىسى. جۇڭگو جاق افريكا جاقتىڭ ”جاسىل ارتۋ قوزعالتقىشىن“ قالىپتاستىرۋىنا كومەكتەسىپ، ەنەرگيانىڭ قول جەتىمدى بولۋىنداعى پارىقتى مۇمكىندىگىنشە ازايتىپ، ورتاق، ءبىراق پارىقتى بولۋ سىندى جاۋاپكەرشىلىك پرينسيبىنە تاباندى بولىپ، دۇنيە ءجۇزىنىڭ جاسىل، تومەن كومىرتەكتى دامۋعا بۇرىلىس جاساۋىن بىرگە كۇش سالا ىلگەرىلەتۋدى قالايدى.

− بەيبىت، حاۋىپسىز وسىزامانداندىرۋدى قول ۇستاسا ىلگەرىلەتۋ كەرەك. وسىزامانداندىرۋ بەيبىت، ورنىقتى دامۋ ورتاسىنان ايرىلا المايدى. جۇڭگو جاق افريكانىڭ بەيبىتشىلىكتى، ورنىقتىلىقتى دەربەس قورعاۋ قابىلەتىن جوعارىلاتۋىنا كومەكتەسۋدى، دۇنيە جۇزىلىك حاۋىپسىزدىك باستاماسىنىڭ افريكادا الدىمەن تياناقتانۋىن ىلگەرىلەتۋدى، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن جەبەپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن افريكا دۇنيە جۇزىندەگى جالپى حالىق سانىنىڭ ۇشتەن ءبىرىن ۇستايدى، جۇڭگو مەن افريكانىڭ وسىزاماندانۋى بولماسا، دۇنيە ءجۇزىنىڭ وسىزاماندانۋى دا بولماق ەمەس. الداعى 3 جىلدا جۇڭگو جاق افريكا جاقپەن جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋىندەگى 10 ءىرى سەرىكتەستىك ارەكەتىن قول ۇستاسا ىلگەرىلەتىپ، جۇڭگو - افريكا سەلبەستىگىن تەرەڭدەتىپ، دۇنيە ءجۇزىنىڭ وڭتۇستىگىن وسىزامانداندىرۋعا جەتەكشىلىك ەتۋدى قالايدى.

ءبىرىنشى، وركەنيەتتە ءوزارا ۇلگى الۋ سەرىكتەستىك ارەكەتى. جۇڭگو افريكامەن ەل باسقارۋ تاجىريبەلەرىن اۋىستىرۋ تۇعىرىن قۇرىپ، جۇڭگو مەن افريكانىڭ دامۋ ءبىلىم تورابىن جانە 25 جۇڭگو - افريكا زەرتتەۋ ورتالىعىن قۇرىپ، افريكاداعى ساياسي پارتيا قايراتكەرلەرىنەن 1000 ادامدى جۇڭگوعا كەلىپ اۋىس - كۇيىس جاساۋعا ۇسىنىس ەتۋدى قالايدى.

ەكىنشى، ساۋدانى گۇلدەندىرۋ سەرىكتەستىك ارەكەتى. جۇڭگو جاق ىرىقتىلىقپەن ءوز الدىنا بازاردى اشىق ۇستاۋدى كەڭەيتۋدى قالايدى، افريكاداعى 33 مەملەكەتتى قامتىعان جۇڭگومەن ديپلوماتيالىق قارىم - قاتىناس ورناتقان دامۋى ەڭ باياۋ ەلدەردىڭ بارلىعىنا سالىق تۇرىندەگى بارلىق ونىمنەن ەشقانداي كەدەن سالىعىن الماۋ مامىلەسىن جاساۋدى ۇيعاردى، وسىلايشا جۇڭگونىڭ ءىرى بازارىنىڭ افريكاداعى ەلدەر جونىنەن ۇلكەن ورايعا اينالۋىن ىلگەرىلەتەدى. افريكانىڭ اۋىل شارۋاشىلىق ونىمدەرىنىڭ بازارعا كىرۋىنە رۇقسات ەتۋ كولەمى كەڭەيتىپ، ەلەكتروندىق ساۋدا سياقتى سالالارداعى سەلبەستىكتى تەرەڭدەتىپ، ”جۇڭگو - افريكا ساپانى جوعارىلاتۋ جوسپارىن“ اتقارادى. جۇڭگو جاق افريكا جاقپەن ەكونوميكالىق سەرىكتەستىك قارىم - قاتىناستى بىرگە كۇش سالا دامىتۋ جونىندەگى جۇلگەلىك كەلىسىمگە كەڭەسىپ قول قويىپ، جۇڭگو مەن افريكانىڭ ساۋداعا قارجى قوسۋىن ۇزاق ۋاقىت، ورنىقتى، بولجامدى تۇزىمدىك كەپىلمەن قامداۋدى قالايدى.

ءۇشىنشى، كاسىپ سالاسى تىزبەگىنىڭ سەلبەستىك سەرىكتەستىك ارەكەتى. جۇڭگو جاق افريكا جاقپەن كاسىپ سالاسى سەلبەستىگىنىڭ ارتۋ شەڭبەرىن قالىپتاستىرىپ، جۇڭگو - افريكا ەكونوميكا - ساۋداسىنىڭ تەرەڭ قاتپارلى سەلبەستىگىندە الدىمەن اتقارىلاتىن رايوندى كۇش سالا قۇرىپ، ”افريكاداعى ورتا، شاعىن كاسىپورىنداردى دەمەۋ جوسپارىن“ باستاپ اتقارۋدى قالايدى. جۇڭگو - افريكا سيفرلى تەحنيكا سەلبەستىك ورتالىعىن بىرگە قۇرىپ، 20 سيفرلى ۇلگى كورسەتۋ نىسانىن قۇرادى.

ءتورتىنشى، ۇلاستىرۋ - تۇتاستىرۋ سەرىكتەستىك ارەكەتى. جۇڭگو جاق افريكادا نەگىزدىك قۇرىلعىلاردى ۇلاستىرۋ – تۇتاستىرۋ بويىنشا 30 نىساندى اتقارىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قول ۇستاسا ىلگەرىلەتىپ، جۇڭگو مەن افريكانىڭ قۇرلىق - تەڭىزدە بىرلەسىپ ارەكەتتەنەتىن، سايكەسە داميتىن ۇلاستىرۋ - تۇتاستىرۋ تورىن قالىپتاستىرۋدى قالايدى. افريكا ۇلى قۇرلىعىنىڭ ەركىن ساۋدا رايونى قۇرىلىسىنا كومەكتەسىپ، زات اينالىمى مەن فينانس سەلبەستىگىن تەرەڭدەتىپ، افريكانىڭ ءوڭىر اتتاپ دامۋىنا دەم بەرەدى.

بەسىنشى، دامۋ سەلبەستىك سەرىكتەستىك ارەكەتى. جۇڭگو جاق افريكا جاقپەن بىرگە دۇنيە جۇزىلىك دامۋ باستاماسى جۇلگەسىندە سەلبەستىكتى تەرەڭدەتۋ بىرلەسكەن مالىمدەمەسىن جاريالاپ، 1000 ”شاعىن دا كوركەم“ حالىق تۇرمىسى نىسانىن اتقارۋدى قالايدى. جۇڭگو - دۇنيە بانكەسىنىڭ سەرىكتەستىك قارىم - قاتىناس قورىنا قارجى قوسادى. 2026 - جىلعى جاستار وليمپيادا سپورت جارىسى مەن 2027 - جىلعى افريكا فۋتبول ساۋىتى جارىسىن وتكىزۋگە قولداۋ كورسەتىپ، دامۋ جەتىستىكتەرىنەن جۇڭگو - افريكا حالىقتارىن اناعۇرلىم ويداعىداي يگىلىكتەندىرۋدى جەبەيدى.

التىنشى، دەنساۋلىق ساقتاۋ، سالاماتتىق سەرىكتەستىك ارەكەتى. جۇڭگو جاق افريكا جاقپەن جۇڭگو - افريكا شيپاحانا وداعىن، بىرلەسكەن مەديتسينا ورتالىعىن بىرگە قۇرۋدى قالايدى. افريكاعا 2000 ەمدەۋ قىزمەتكەرىن جىبەرىپ، 20 ەمدەۋ، دەنساۋلىق ساقتاۋ جانە بەزگەككە توتەپ بەرۋ نىسانىن اتقارىپ، جۇڭگو كاسىپورىندارىنىڭ ءدارى - دارمەك وندىرىسىنە قارجى قوسۋىن ىلگەرىلەتىپ، افريكا تاپ بولعان جۇقپالى اۋرۋلارعا ۇزدىكسىز شاماسىنىڭ كەلىسىنشە كومەك كورسەتەدى. افريكا اۋرۋدى تىزگىندەۋ ورتالىعى قۇرىلىسىن قولداپ، افريكاداعى ءار ەلدىڭ الەۋمەتتىك دەنساۋلىق ساقتاۋ قابىلەتىن جوعارىلاتۋىنا دەم بەرەدى.

جەتىنشى، اۋىل شارۋاشىلىعىن گۇلدەندىرۋ ارقىلى حالىققا تيىمدىلىك جاساۋ سەرىكتەستىك ارەكەتى. جۇڭگو جاق افريكاعا ءبىر ميلليارد يۋاندىق قۇنعا يە استىقتى شۇعىل كومەككە بەرىپ، 100 مىڭ مۋ اۋىل شارۋاشىلىعىن ولشەمدەندىرۋدەن ۇلگى كورسەتۋ رايونىن قۇرىپ، اۋىل شارۋاشىلىعى ماماندارىنان 500 ادامدى جىبەرىپ، جۇڭگو - افريكا اۋىل شارۋاشىلىق عىلىم - تەحنيكاسىندا جاڭالىق جاراتۋ وداعىن قۇرادى. 500 الەۋمەتتىك يگىلىك نىسانىن اتقارادى. جۇڭگو - افريكا كاسىپورىندارىن ”قوس باعىتتا“ قارجى قوسۋعا، يگىلىك جاراتۋعا شابىتتاندىرىپ، افريكاعا كەمىندە ءبىر ميلليون جۇمىس ورنىن ازىرلەيدى.

سەگىزىنشى، گۋمانيتارلىق اۋىس - كۇيىس سەرىكتەستىك ارەكەتى. جۇڭگو جاق افريكا جاقپەن بىرگە ”بولاشاق افريكا كاسىپتىك وقۋ - اعارتۋى“ جوسپارىن ىشكەرىلەي اتقارىپ، ينجەنەريا تەحنيكالىق شۋەيۋانىن بىرگە قۇرىپ، 10 ”لۋبان شەبەرحاناسىن“ اشۋدى قالايدى. افريكاداعى ايەلدەر جانە جاستار قاۋىمىنا ءتۇيىندى تۇردە باعىتتاپ، ءبىلىم تولىقتاۋعا 60 مىڭ سان بەرەدى. جۇڭگو - افريكا ”مادەنيەت جىبەك جولى“ جوسپارى مەن ”راديو - تەلەۆيزيا كورىلىم، تىڭدالىم سالاسىندا جاڭالىق جاراتۋ سەلبەستىك جوسپارىن“ بىرگە اتقارادى. 2026 - جىلدى ”جۇڭگو - افريكا گۋمانيتارلىق اۋىس - كۇيىس جىلى“ ەتىپ تۇراقتاندىرادى.

توعىزىنشى، جاسىل دامۋ سەرىكتەستىك ارەكەتى. جۇڭگو افريكادا 30 تازا ەنەرگيا نىسانىن اتقارىپ، اۋا رايىنان ەرتە باستان مالىمەت بەرۋ كاسىپتىك تۇعىرىن قۇرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ جانە ورگانيزمدەردىڭ الۋان تۇرلىلىگىن قورعاۋ سەلبەستىگىن ورىستەتۋدى قالايدى. جۇڭگو - افريكا يادرو تەحنيكاسىنان بەيبىت پايدالانۋ تالقى مىنبەرىن قۇرىپ، جاساندى سەرىك ارقىلى الىستان مەڭگەرۋ، اي شارىن جانە شالعاي كەڭىستىكتى بارلاۋ سەلبەستىگىن ورىستەتىپ، افريكانىڭ جاسىل دامۋدى جۇزەگە اسىرۋىنا دەم بەرەدى.

ونىنشى، حاۋىپسىزدىكتى بىرگە قۇرۋ سەرىكتەستىك ارەكەتى. جۇڭگو جاق افريكا جاقپەن دۇنيە جۇزىلىك حاۋىپسىزدىك باستاماسىن تياناقتاندىراتىن سەرىكتەستىك قارىم - قاتىناس ورناتىپ، افريكا جاققا ارميا دارىندىلارىنان 6000 ادامدى جانە ساقشى ىستەرى سالاسىنان زاڭ اتقارۋشى 1000 قىزمەتكەردى تاربيەلەپ بەرۋدى، 500 جاس وفيتسەردى جۇڭگودا ساپاردا بولۋعا ۇسىنىس ەتۋدى قالايدى. جۇڭگو - افريكا ارميالارىنىڭ بىرلەسىپ مانەۆر وتكىزىپ، بىرلەسىپ شارلاۋ جۇرگىزىپ، ”افريكانىڭ مينا قاتەرىنەن ساقتانۋىنا دەم بەرۋ ارەكەتىن“ اتقارىپ، قىزمەتكەرلەر مەن نىسانداردىڭ حاۋىپسىزدىگىن بىرگە قورعايدى.

”ون ءىرى سەرىكتەستىك ارەكەتىنىڭ“ اتقارىلۋىن ىلگەرىلەتۋ ءۇشىن، جۇڭگو ۇكىمەتى جۇڭگو مەن افريكانىڭ ءار قايسى سالاسىنداعى ناقتى سەلبەستىگىن پارمەندى قولدايدى.

شي جينپيڭ سوڭىندا بىلاي دەپ باسا دارىپتەدى: جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە جۇيەلى ورنالاستىرۋ جاسالدى. بۇل جۇڭگونى ونان ارى تەرەڭدەي وزگەرتەدى، سونداي - اق افريكا ەلدەرىنە، جۇڭگو مەن افريكانىڭ وسىزامانداندىرۋ ارمانىنا بىرگە ۇمتىلۋىنا جاڭا وراي ازىرلەپ، جاڭا قوزعاۋشى كۇش ۇستەيدى. افريكادا ”ساپارلاستار − ناعىز جولداستار“ دەگەن ماقال بار. وسىزامانداندىرۋ جولىندا بىردە - بىرەۋىن قاعىس قالدىرۋعا، ءبىر ەلدى دە قاتاردان قالدىرۋعا بولمايدى. ءبىز 2 ميلليارد 800 ميلليوننان استام جۇڭگو - افريكا حالقىنىڭ كۇش - قۋاتىن ۇيىستىرىپ، وسىزامانداندىرۋ ساپارىندا قول ۇستاسا العا باسىپ، جۇڭگو مەن افريكانىڭ وسىزاماندانۋى ارقىلى دۇنيە ءجۇزىنىڭ وڭتۇستىگىنىڭ وسىزاماندانۋىنا دەم بەرىپ، ادامزاتتىڭ دامۋ تاريحىنداعى شىت جاڭا كارتينانى بىرگە كەستەلەپ، دۇنيە ءجۇزىنىڭ بەيبىتشىلىك، حاۋىپسىزدىك، كوركەيۋ، العا باسۋ سىندى نۇرلى بولاشاققا بەت الۋىن بىرگە كۇش سالا ىلگەرىلەيىك!

جۇڭگو - افريكا سەلبەستىك تالقى مىنبەرىنىڭ ورتاق ءتوراعا ەلى سەنەگالدىڭ زۇڭتۇڭى فايە، افريكا ەلدەرى وداعىنا كەزەكتى ءتوراعا ەل ماۆريتانيانىڭ زۇڭتۇڭى عازۆاني، افريكا قوسالقى ءوڭىرىنىڭ ۋاكىلى وڭتۇستىك افريكانىڭ زۇڭتۇڭى رامافوسا، كونگونىڭ (براززاۆيل) زۇڭتۇڭى ساسوۋ، نيگەريانىڭ زۇڭتۇڭى تينۋبۋ، تانزانيانىڭ زۇڭتۇڭى حاسان، باسشىلار ءماجىلىسىنىڭ ۇسىنىس ەتىلگەن سيلى قوناعى، بىرلەسكەن مەملەكەتتەر ۇيىمىنىڭ باس حاتشىسى گۋتەررەس، افريكا ەلدەرى وداعى كوميتەتىنىڭ ءتوراعاسى پاكي اشىلۋ سالتىندا ءسوز سويلەدى.

افريكا جاقتىڭ باسشىلارى جۇڭگونىڭ وسى رەتكى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىن باسقارىپ وتكىزگەندىگىنە العىس ايتتى، افريكا مەن جۇڭگونىڭ تەرەڭ ءداستۇرلى دوستىعىن، سونداي - اق جۇڭگو - افريكا سەلبەستىك تالقى مىنبەرى قۇرىلعاننان بەرى، اسىرەسە، 2018 - جىلعى بەيجيڭ باسشىلار ماجىلىسىنەن بەرى قول جەتكەن بەلسەندى تابىستاردى جوعارى باعالادى، ءتوراعا شي جينپيڭ العا قويعان جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋددەگى ”10 ءىرى سەرىكتەستىك ارەكەتىن“ ايرىقشا القادى. ولار مىنالاردى ءبىلدىردى: جۇڭگو - افريكا سەلبەستىك تالقى مىنبەرى افريكا - جۇڭگو سەرىكتەستىك قارىم - قاتىناسىنىڭ دامۋىن جەبەيتىن ءونىمدى تۇعىر عانا ەمەس، وڭتۇستىك - وڭتۇستىك سەلبەستىگىنە جەتەكشىلىك ەتەتىن شۇعىلالى ۇلگىگە اينالدى. تالقى مىنبەرى دوستىق، قۇرمەت ەتۋ جانە ءوزارا پايدا جەتكىزىپ ورتاق يگىلىككە كەنەلۋدى نەگىز ەتتى، جۇڭگو افريكامەن سەلبەستىككە ەشقانداي ساياسي قوسىمشا شارت قويماي، افريكا ەلدەرىنىڭ ۇلاستىرۋ - تۇتاستىرۋىن جانە ەكونوميكالىق - قوعامدىق دامۋىن بارىنشا جەبەدى. قازىرگى كۇردەلى دە اۋمالى - توكپەلى حالىقارالىق جاعدايدا جۇڭگومەن سەلبەستىكتى تەرەڭدەتۋ افريكا ەلدەرىنىڭ حاۋىپسىزدىكتى، ورنىقتىلىقتى جانە باياندى دامۋدى جۇزەگە اسىرۋ ۇمىتىنە اينالدى. افريكا مەن جۇڭگونىڭ تانىمى جۋىق. افريكا جاق ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسىن قۇرۋ ماڭىزدى تانىمىن جانە ”ءبىر بەلدەۋ، ءبىر جولدى“ بىرگە قۇرۋ باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن ايرىقشا القايدى ءارى بۇكىلدەي قولدايدى، جۇڭگو جاقپەن بىرگە بۇكىل ادامزاتتىڭ ورتاق قۇندىلىعىن دارىپتەۋدى، ءار ەلدىڭ ءوز ەلىنىڭ جاعدايىنا ۇيلەسەتىن وسىزاماندانۋ جولىن قاراستىرۋىن قولدايدى. افريكا جاق ءبىر جۇڭگو ساياساتىن باتىل اتقارادى، جۇڭگو ۇكىمەتىنىڭ مەملەكەتتىڭ تۇتاستىعىن جۇزەگە اسىرۋ ءۇشىن جاساعان بارلىق قۇلشىنىسىن باتىل قولدايدى، سىرتقى كۇشتەردىڭ تايۋان، ادامدىق ۇقىق سياقتى ماسەلەلەردەن پايدالانىپ جۇڭگونىڭ ىشكى ىسىنە كيلىگۋىنە باتىل قارسى تۇرادى. افريكا جاق جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ ءساتتى اشىلعاندىعىن قۇتتىقتايدى، جۇڭگونىڭ رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋىنىڭ افريكا ەلدەرىن قامتىعان دۇنيە جۇزىندەگى ءار ەلگە اناعۇرلىم كوپ دامۋ ورايىن اكەلەتىندىگىنە سەنەدى. افريكا جاق جۇڭگو جاقپەن بىرگە بەيبىت قاتار تۇرۋ بەس پرينسيبىن جانە جۇڭگو - افريكا دوستىق سەلبەستىك رۋحىن ۇزدىكسىز ۇستانىپ، وسى رەتكى باسشىلار ءماجىلىسىنىڭ جەتىستىكتەرىن بەلسەنە تياناقتاندىرىپ، ونەركاسىپتەنۋدى جانە اۋىل شارۋاشىلىعىن وسىزامانداندىرۋدى قول ۇستاسا ىلگەرىلەتىپ، جاڭا داۋىردەگى بارلىق جاعدايدا بىردەي افريكا - جۇڭگو تاعدىرلاس ورتاق تۇلعاسىن قۇرىپ، بەيبىتشىلىكتىڭ، حاۋىپسىزدىكتىڭ، كوركەيۋدىڭ، العا باسۋدىڭ نۇرلى بولاشاعىنا بىرگە قادام تاستاۋدى قالايدى.

باسشىلار ءماجىلىسى «جاڭا داۋىردەگى بارلىق جاعدايدا بىردەي جۇڭگو - افريكا تاعدىرلاس ورتاق تۇلعاسىن بىرگە قۇرۋ بەيجيڭ جارناماسىن»، «جۇڭگو - افريكا سەلبەستىك تالقى مىنبەرى − بەيجيڭ ارەكەت جوسپارىن (2025 - جىلدان 2027 - جىلعا دەيىن)» ماقۇلدادى.

جۇڭگو - افريكا سەلبەستىك تالقى مىنبەرى افريكا جاق مۇشە ەلدەرىنىڭ مەملەكەت باسشىلارى، ۇكىمەت باسشىلارى، ۋاكىلدەر ۇيىرمەسىنىڭ باستىقتارى، سونداي - اق حالىقارالىق جانە وڭىرلىك ۇيىمداردىڭ جاۋاپتىلارى قاتارلى جۇڭگولىق، شەتەلدىك ءار سالا قايراتكەرلەرى بولىپ 3200 دەن استام ادام اشىلۋ سالتىنا قاتىناستى.

يىن لي، لي شۋلەي، حى ليفىڭ، ۋاڭ شياۋحۇڭ قاتارلىلار قاتىناستى.

ۋاڭ ي اشىلۋ سالتىن باسقاردى.

جۇڭگو - افريكا سەلبەستىك تالقى مىنبەرى 2000 - جىلى قۇرىلعان، قازىر جۇڭگو، جۇڭگومەن ديپلوماتيالىق قارىم - قاتىناس ورناتقان افريكاداعى 53 مەملەكەت جانە افريكا ەلدەرى وداعى كوميتەتىنە مۇشە ەلدەر بولىپ جيىنى 55 مۇشەسى بار. وسى رەتكى باسشىلار ءماجىلىسىنىڭ تاقىرىبى ”وسىزامانداندىرۋدى قول ۇستاسا ىلگەرىلەتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن بىرگە قۇرۋ“ بولدى. اشىلۋ سالتىنان كەيىن ەل باسقارۋ، ونەركاسىپتەندىرۋ جانە اۋىل شارۋاشىلىعىن وسىزامانداندىرۋ، بەيبىتشىلىك، حاۋىپسىزدىك جانە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سىندى 4 مايدان جوعارى دارەجەلىلەر ءماجىلىسى وتكىزىلەدى.

كەلۋ قاينارى: حالىق تورابى