حالىق ىستەرى كاسىپتىك داشۋەسى قۇرىلدى، بيىل كۇزدە تۇڭعىش كەزەكتى ۇيلەنۋگە قاتىستى كاسىپتىڭ تولىق كۋرس وقۋشىسىن قابىلدايدى

حالىق تورابىنىڭ 9 – ايدىڭ 7 – كۇنى بەيجيڭنەن بەرگەن حابارى. 9 - ايدىڭ 6 - كۇنى ەلىمىزدىڭ حالىق ىستەرى وقۋ - اعارتۋ سالاسىنداعى تۇڭعىش تولىق كۋرس جوعارى مەكتەبى — حالىق ىستەرى كاسىپتىك داشۋەسى بەيجيڭدە قۇرىلدى. كۇزگى وقۋ ماۋسىمىنان باستاپ، بۇل مەكتەپتىڭ وسىدان بۇرىن جاپپاي جۇرت نازارىن اۋدارعان ۇيلەنۋگە قىزمەت وتەۋ جانە باسقارۋ كاسىبى تۇڭعىش كەزەكتى تولىق كۋرس وقۋشىسىن قابىلدادى، بۇل ەلىمىزدەگى تۇڭعىش ۇيلەنۋگە قاتىستى كاسىپ.

بيىل 5 ـ ايدا وقۋ ـ اعارتۋ مينيسترلىگى بەيجيڭ قوعامدىق باسقارۋ كاسىپتىك شۋەيۋانىن نەگىز ەتىپ، حالىق ىستەرى مينيسترلىگىنىڭ وقۋ ـ اعارتۋ، عىلىمي زەرتتەۋ بايلىعىن بىرىكتىرىپ، حالىق ىستەرى كاسىپتىك داشۋەسىن قۇرۋدى بەكىتكەن. بۇل مەكتەپ زەردەلى دەنساۋلىق ساقتاۋ، قارتتاردى كۇتىمدەۋدى باسقارۋ، كۇتىمدەۋ، قوعامدىق قىزمەت، وسى زامانعى جەرلەۋ ىستەرىن باسقارۋ سياقتى 25 ارناۋلى كاسىپتى اشادى.

حالىق ىستەرى كاسىپتىك داشۋەسىنىڭ وسىدان بۇرىن جاريالاعان «ەمتيحان تاپسىرۋ باعدارناماسىنا (2024)» ساي، تۇڭعىش توپتا اقىل - پاراساتتىق دەنساۋلىق ساقتاۋ، زەينەتكەرلىك باسقارۋ، قوعامدىق قىزمەت، ساۋىقتىرۋ كومەكشى جابدىقتارى تەحنيكاسى، وسى زامانعى جەرلەۋ ىستەرىن باسقارۋ، ۇيلەنۋگە قىزمەت وتەۋ جانە باسقارۋ قاتارلى 5 كاسىپتىك تولىق كۋرس كاسىبى قۇرىلدى، بيىل 26 ولكەدەن (اۆتونوميالى رايون، توتە قاراستى قالا) 500 وقۋشى قابىلدادى.

ۇعىسۋعا قاراعاندا، حالىق ىستەرى كاسىپتىك داشۋەسىندە قازىر بەيجيڭ داشيڭ جانە حىبەي يانجياۋ 2 مەكتەپ رايونى بار، جەر كولەمى 858.32 مۋ، ولكە، مينيسترلىك دارەجەلى 12 ءتۇيىندى تاجىريبەحاناسى، 3 حالىق ىستەرى مينيسترلىگىنىڭ تەحنيكالىق ۇستاز قىزمەت كەڭسەسى، 160 تان استام كاسىپتىك پراكتيكا ءۇيى، سونداي ـ اق مەكتەپ پەن كاسىپورىن ىشكەرىلەي سەلبەسكەن 300 دەن استام مەكتەپ سىرتىنداعى ناقتى جاتتىعۋ بازاسى بار.

كەلۋ قاينارى: حالىق تورابى