2 تاراۋ 270 ميلليون يۋان شۇعىل قارجى ءبولىپ، حاينان، گۋاڭدۇڭ قاتارلى جەرلەردىڭ تاسقىننان، تايفىڭ داۋىلىنا ساقتانۋ، شۇعىل جاعدايعا توتەپ بەرۋ، قاتەردەن اراشالاۋ، اپاتتان قۇتقارۋ قىزمەتىن ويداعىداي ىستەۋىنە ءتۇيىندى قولداۋ كورسەتتى

شينحۋا اگەنتتىگىنىڭ 9 – ايدىڭ 7 – كۇنى بەيجيڭنەن بەرگەن حابارى. ءتىلشىنىڭ 9 - ايدىڭ 7 - كۇنى قازىنا مينيسترلىگىنەن ۇعىسۋىنشا، ەرەكشە كۇشتى تايفىڭ داۋىلى ”موجە“ جانە سونان بولاتىن نوسەر، تاسقىن اپاتىنا قاراتا قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى سول كۇنى ورتالىقتىڭ جاراتىلىستىق اپاتتان قۇتقارۋ قارجىسىنان 270 ميلليون يۋاندى شۇعىل بوساتىپ، حاينان، گۋاڭدۇڭ، گۋاڭشي، يۇننان قاتارلى ولكە، اۆتونوميالى رايونداردىڭ تاسقىننان ساقتانۋ، تايفىڭ داۋىلىنان قورعانۋ، تاسقىنعا قارسى تۇرىپ اپاتتان قۇتقارۋ قىزمەتىن تۇيىندى قولدادى، مۇندا قارجىنى اپاتقا ۇشىراعان ادامداردى ىزدەۋ، كوشىرۋ، ورنالاستىرۋ، حاۋىپ - قاتەردى الاستاۋ، اپات كومەسكى قاتەرىن اداقتاۋ جانە شۇعىل جاعدايعا توتەپ بەرۋ، جونگە سالۋ، تۇرعىن ۇيلەردى جوندەپ قالپىنا كەلتىرۋ سياقتىلارعا جۇمساپ، ءولىم - ءجىتىمدى مۇمكىندىكتىڭ بارىنشا ازايتىپ، اپاتتىڭ ىقپالىن مۇمكىندىكتىڭ بارىنشا جەڭىلدەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەدى.

كەلۋ قاينارى: حالىق تورابى