شي جينپيڭ جولداستىڭ «وقۋ - اعارتۋ تۋرالى» اتتى كىتابى باسپادان شىعىپ تاراتىلدى

شينحۋا اگەنتتىگى، 9 – ايدىڭ 8 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان شي جينپيڭ جولداستىڭ «وقۋ - اعارتۋ تۋرالى» اتتى كىتابى تاياۋدا ورتالىق قۇجات باسپاسىندا باسىلىپ شىعىپ، بۇكىل ەلدە تاراتىلدى.

وسى ارناۋلى جيناققا شي جينپيڭ جولداستىڭ وقۋ - اعارتۋ جونىندەگى 47 ماڭىزدى شىعارماسى ەنگىزىلدى، مۇنىڭ ىشىندە ءبىر ءبولىم شىعارما تۇڭعىش رەت جاريالانىپ وتىر.

وقۋ - اعارتۋ − ۇلتتىڭ گۇلدەنۋىنىڭ، قوعامنىڭ العا باسۋىنىڭ ماڭىزدى ىرگە تاسى، بۇگىنگىلەر ەڭبەك ءسىڭىرىپ، جەمىسىن ۇرپاقتار كورەتىن يگىلىكتى ينجەنەريا. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى وقۋ - اعارتۋدى مەملەكەتتىڭ ۇلى جوسپارى، پارتيانىڭ ۇلى جوسپارى ەتۋگە تاباندى بولىپ، وقۋ - اعارتۋدى الدىمەن دامىتۋعا تاباندى بولىپ، وقۋ - اعارتۋدىڭ وسىزاماندانۋىن جەدەلدەتۋ، وقۋ - اعارتۋدا قۋاتتى ەل قۇرۋ كەلەلى شەشىمىن جاساپ، جاڭا داۋىردەگى وقۋ - اعارتۋ ىستەرىندە تاريحي تابىستارعا قول جەتكىزۋدى، جالپى جاعدايدا وزگەرىس تۋدىرۋدى ىلگەرىلەتتى. ەلىمىز دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن قۇرىپ، وقۋ - اعارتۋدى وسىزامانداندىرا دامىتۋ جالپى تۇلعالىق ورەسى دۇنيە جۇزىندەگى ورتاشا جوعارى دەڭگەيدەگى ەلدەردىڭ قاتارىنا ءوتتى. شي جينپيڭ جولداستىڭ وقۋ - اعارتۋدى ارقاۋ ەتە وتىرىپ جاريالاعان ءبىرسىپىرا ماڭىزدى بايىمداۋلارى ”قانداي ادام تاربيەلەۋ، ادامدى قالاي تاربيەلەۋ، كىم ءۇشىن تاربيەلەۋ“ سىندى ءتۇبىرلى ماسەلەگە عىلمي جاۋاپ بەرىپ، ەلىمىزدىڭ وقۋ - اعارتۋ ىستەرىنىڭ زاڭدىلىعى جونىندەگى تانىمدى تەرەڭدەتتى، جاڭا ءداۋىر، جاڭا جورىقتا حالىق رازى بولاتىن وقۋ - اعارتۋدى ويداعىداي جۇرگىزىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋدە، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن پارمەندى تىرەك ازىرلەۋدە توتەنشە ماڭىزدى جەتەكشىلىك مانگە يە.

كەلۋ قاينارى: حالىق تورابى