جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 17 ـ كەزەكتى مۇگەدەكتەر وليمپياداسى جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى

جۇڭگو دەنە تاربيە ۋاكىلدەر ۇيىرمەسىنە:

17 - كەزەكتى جازعى مۇگەدەكتەر وليمپيادا سپورت جارىسىندا ەلىمىزدىڭ مۇگەدەك دەنەتاربيەشىلەرى قايسارلىقپەن سايىسىپ، ەرلىكپەن العا ۇمتىلىپ، ونەرلەرىن تولىق ايگىلەپ، 94 التىن مەدال، 76 كۇمىس مەدال، 50 قولا مەدال الىپ، جارىس ناتيجەسى مەن رۋحاني وركەنيەتتەن بىردەي مول تابىسقا قول جەتكىزىپ، وتان مەن حالىققا داڭق اپەردى. پارتيا ورتالىق كوميتەتى مەن مەملەكەتتىك كەڭەس سىزدەردى قىزۋ قۇتتىقتايدى جانە شىنايى حال سۇرايدى!

وسى كەزەكتى مۇگەدەكتەر وليمپيادا سپورت جارىسىندا سىزدەر پارتيا مەن حالىقتىڭ تاپسىرماسىن ەستە بەرىك ساقتاپ، ”بورىش يىعىمىزدا، كۇرەس جاساۋدا مەن بارمىن“ دەيتىن رۋحتى ساۋلەلەندىرىپ، اسقاق جىگەرمەن، قايتپاس ستيلمەن جانە تاماشا بەينەمەن ەلىمىزدىڭ مۇگەدەكتەر سپورت قيمىلىنىڭ جاڭا بيىگىن كورسەتىپ، جاڭا داۋىردەگى ەلىمىزدىڭ مۇگەدەكتەر ىستەرى دامۋىنىڭ جاڭا تابىستارىن ايگىلەدىڭىزدەر. سىزدەر جۇڭحۋا دەنە تاربيە رۋحى مەن مۇگەدەكتەر وليمپياداسى رۋحىن بارىنشا ساۋلەلەندىرىپ، ەڭ جوعارى شەككە سايىس جاريالاپ، ۇزدىك بولۋعا تالپىنىپ، سەنىمدى، ۇمىتكەر، اشىق، دوسجار بولىپ، بۇكىل دۇنيە جۇزىنە جۇڭگو رۋحى مەن جۇڭگو وبرازىن ايگىلەدىڭىزدەر. وتان مەن حالىق سىزدەرگە ماقتانىش جانە داڭق سەزىنەدى!

سىزدەردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مۇگەدەكتەر سپورتىنىڭ داڭقتى ءداستۇرىن ۇزدىكسىز ساۋلەلەندىرىپ، كۇش ۇستىنە كۇش قوسىپ، ەرلىكپەن تاماشا ناتيجە جاراتىپ، قالىڭ مۇگەدەكتەردى بەلسەندىلىكپەن ساۋىعىپ، دەنە شىنىقتىرىپ، اقىل - پاراساتىن تولىق ايگىلەپ، ءومىر ارمانىن جۇزەگە اسىرۋعا؛ بۇكىل قوعامدى وزىنە سەنىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ بارىسىندا باقىتتى، تاماشا تۇرمىستى بىرگە جاراتۋعا شابىتتاندىرۋلارىڭىزدى ءۇمىت ەتەمىز.

وتان مەن حالىق سىزدەردىڭ امان - ەسەن جەڭىسپەن ورالۋلارىڭىزدى كۇتەدى!

جۇڭگو كوممۋنيستىك پارتياسى ورتالىق كوميتەتى

مەملەكەتتىك كەڭەس

2024 – جىلى 9 - ايدىڭ 8 – كۇنى

(شينحۋا اگەنتتىگى، 9 - ايدىڭ 8 ـ كۇنى، بەيجيڭ)

كەلۋ قاينارى: حالىق تورابى