لي چياڭ يسپانيانىڭ باس ءۋازىرى سانچەسپەن كەڭەس وتكىزدى

9– ايدىڭ 9 – كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

شينحۋا اگەنتتىگى، 9 – ايدىڭ 9 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 9 – ايدىڭ 9 – كۇنى تۇستەن بۇرىن بەيجيڭدەگى حالىق سارايىندا جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن كەڭەس وتكىزدى.

لي چياڭ مىنانى ءبىلدىردى: جۇڭگو جاق جۇڭگو - يسپانيا قارىم - قاتىناسىنىڭ دامۋىنا ايرىقشا ءمان بەرەدى. ءتوراعا شي جينپيڭ باس ءۋازىر مىرزامەن كەڭەس وتكىزىپ، ەكى جاقتى قارىم - قاتىناستاعى كەلەلى ستراتەگيالىق ماسەلەلەر جونىندە ىشكەرىلەي پىكىر اۋىستىرادى. كەلەر جىل _ جۇڭگو مەن يسپانيانىڭ جاپپاي ستراتەگيالىق سەرىكتەستىك قارىم - قاتىناس ورناتقاندىعىنىڭ 20 جىلدىعى، جۇڭگو جاق يسپانيامەن بىرگە وسىنى وراي ەتىپ، ەكى ەل باسشىلارىنىڭ ماڭىزدى ورتاق تانىمىن تياناقتاندىرىپ، ساياسي ءوزارا سەنىمدىلىكتى ۇزدىكسىز بەكەمدەپ، ستراتەگيالىق تۇراقتىلىققا يە ەكى جاقتى قارىم - قاتىناستى بىرگە ورناتىپ، نازاردى دامۋ ستراتەگياسىنىڭ جوعارى دەڭگەيدە ۇشتاسۋىنا جانە ارتۋدىڭ قوزعاۋشى كۇشىنىڭ تەرەڭ قاتپارلى توعىسۋىنا شوعىرلاندىرىپ، ەكى ەلدىڭ ءوزارا ءتيىمدى سەلبەستىگىنىڭ اناعۇرلىم كوپ ناقتى ناتيجەگە قول جەتكىزۋىن ىلگەرىلەتۋدى قالايدى.

لي چياڭ بىلاي دەپ اتاپ كورسەتتى: جۇڭگو جاق يسپانيامەن قوس باعىتتا ەسىك اشۋدى كەڭەيتىپ، شەكارا اتتاعان ەلەكتروندى ساۋدانى جانە قولايلى زات اينالىمىن دامىتۋعا شابىتتاندىرىپ، ”ي - ۋ - مادريد“ جۇڭگو - ەۆروپا كەزەكشى پويەزىن ويداعىداي جۇرگىزىپ، ەكى ەلدىڭ ساۋدا، قارجى قوسۋ سەلبەستىگىنىڭ ساپالىلانا دامۋىن ىلگەرىلەتۋدى قالايدى. جۇڭگو جاق يسپانيا سياقتى شەتەلدەردىڭ كاسىپورىندارىنىڭ جۇڭگوعا كەلىپ قارجى قوسۋىنا اناعۇرلىم كوپ قولايلىلىق تۋدىرادى، يسپانيانىڭ جۇڭگو كاسىپورىندارىنىڭ يسپانياعا بارىپ قارجى قوسۋىنا ءادىل، حاۋىپسىز، كەمسىتپەيتىن، مەجەلەۋگە بولاتىن تيجارات - ساۋدا ورتاسىن ازىرلەۋىن ءۇمىت ەتەدى. جۇڭگو جاق يسپانيامەن بىرگە نازاردى جاسىل بولۋعا، جاڭالىق اشۋعا شوعىرلاندىرىپ، اركىمنىڭ ءوز دامۋ تيبىندە بۇرىلىس جاساۋ قاجەتىن كوزدەپ، جاڭا ەنەرگيا، ەنەرگيا ۇنەمدەپ، قورشاعان ورتانى قورعاۋ، سيفرلى ەكونوميكا، عارىش سياقتى سالالارداعى سەلبەستىكتى كۇشەيتۋدى قالايدى. ەكى جاق مادەنيەت، دەنە تاربيە، وقۋ ـ اعارتۋ سياقتى گۋمانيتارلىق اۋىس ـ كۇيىستى تەرەڭدەتىپ، مادەنيەت ورتالىعى سياقتى سەلبەستىك نىساندارىن بىرگە ويداعىداي جۇرگىزۋى كەرەك. قازىر قورعانىمپازدىق، سىڭار جاقتىلىق باس كوتەرىپ، دۇنيە ءجۇزى ەكونوميكاسى ءدوپ كەلىپ وتىرعان حاۋىپ - قاتەر، سىن - سايىس كوبەيۋدە. جۇڭگونىڭ ەلەكترلى اۆتوموبيل ءوندىرۋ قۋاتى اسىپ قالدى دەگەن ايتىلىمنىڭ ەشقانداي نەگىزى جوق. جۇڭگو جاق يسپانيامەن اشىق سەلبەستىك جاساۋعا تاباندى بولىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قول ۇستاسا قورعاپ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاپ، اشىق دۇنيە ءجۇزى ەكونوميكاسىن بىرگە قۇرۋدى قالايدى. يسپانيانىڭ جۇڭگو ـ ەۆروپا سەلبەستىگىن جەبەۋدە سىندارلى رول اتقارۋىن ءۇمىت ەتەمىن.

سانچەس مىنانى ءبىلدىردى: يسپانيا جۇڭگومەن قارىم - قاتىناستى دامىتۋعا ايرىقشا ءمان بەرەدى، ەكى ەلدىڭ ءار جىكتەگىلەرىنىڭ بارىس - كەلىسىن ونان ارى جيىلەتىپ، يسپانيا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ مازمۇنىن بايىتىپ، ءتۇسىنۋ جانە سەلبەسۋ رۋحىن ۇستانىپ، تىلدەسۋ مەن قارىم - قاتىناستى كۇشەيتىپ، ساياسي ءوزارا سەنىمدىلىكتى بەكەمدەپ، ەكى جاقتىڭ ەكونوميكا - ساۋدا، قارجى قوسۋ، جاسىل ەكونوميكا سياقتى سالالارداعى ناقتى ىستەر سەلبەستىگىن كەڭەيتىپ، مادەنيەت، وقۋ - اعارتۋ، عىلىم - تەحنيكا سياقتى سالالارداعى اۋىس - كۇيىستى كۇشەيتىپ، ەكى ەل حالقىنىڭ ءوزارا ءتۇسىنىسۋى مەن دوستىعىن تەرەڭدەتۋدى ءۇمىت ەتەدى. ەۆروپا وداعى مەن جۇڭگونىڭ سەلبەستىك كەڭىستىگى كەڭ، يسپانيا ەۆروپا وداعىنىڭ جۇڭگومەن بارابار، ءوزارا ءتيىمدى كەڭەس وتكىزىپ، سەلبەستىك جاساپ، كوپ جاقتى ساۋدا ءتۇزىلىسىن قورعاپ، سىن - سايىسقا تىزە قوسا توتەپ بەرۋىن قولدايدى.

كەڭەستەن كەيىن ەكى ەل باسشىلارى ەكونوميكا، مادەنيەت، وقۋ - اعارتۋ، عىلىم - تەحنيكا سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويۋعا كۋا بولدى.

كەڭەستەن بۇرىن لي چياڭ حالىق سارايىنىڭ سولتۇستىك زالىندا سانچەستى قارسى الۋ سالتىن وتكىزدى.

ۋ جىڭلۇڭ جوعارىداعى قيمىلدارعا قاتىناستى.