ونەگە كورسەتىپ، ادام تاربيەلەۋ ءتۇبىرلى مىندەتىن مىقتاپ ارقاۋ ەتىپ، وقۋ - اعارتۋدا قۋاتتى ەل قۇرۋ ستراتەگيالىق نىساناسىنا قاراي نىق قادام تاستاۋ كەرەك

9 - ايدىڭ 9 - كۇنىنەن 10 - كۇنىنە دەيىن مەملەكەتتىك وقۋ - اعارتۋ ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ، پارتيا ورتالىق كوميتەتى اتىنان بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەسىن قۇتتىقتادى جانە ولاردان شىنايى حال سۇرادى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

9 - ايدىڭ 9 - كۇنى پارتيا مەن مەملەكەت باسشىلارىنان شي جينپيڭ، لي چياڭ، ساي چي، ديڭ شۋەشياڭ قاتارلىلار بەيجيڭدە 40 - رەتكى وقىتۋشىلار مەرەكەسىن قۇتتىقتاۋ جانە بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ قيمىلىنا قاتىناسقان ۋاكىلدەردى قابىلدادى.

سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

«حالىق گازەتى»، 9 - ايدىڭ 10 – كۇنى، بەيجيڭ (ءتىلشى جاۋ چىڭ). مەملەكەتتىك وقۋ - اعارتۋ ءماجىلىسى 9 - ايدىڭ 9 - كۇنىنەن 10 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: وقۋ - اعارتۋدا قۋاتتى ەل قۇرۋ − تاياۋ زاماننان بەرگى جۇڭحۋا ۇلتىنىڭ ارمانداعان تاماشا ارمانى، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋدىڭ جەتەكشى مىندەتى، بەرىك نەگىزى، ستراتەگيالىق تىرەگى، ءسوز جوق، بەلگىلەنگەن نىساناعا قاراي نىق قادام تاستاۋ كەرەك.

9 - ايدىڭ 10 - كۇنى − ەلىمىزدىڭ 40 - رەتكى وقىتۋشىلار مەرەكەسى. شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەسىن قۇتتىقتادى جانە ولاردان شىنايى حال سۇرادى.

لي چياڭ ءماجىلىستى باسقاردى. جاۋ لىجي، ۋاڭ حۋنيڭ، ساي چي، لي شي ماجىلىسكە قاتىناستى. ديڭ شۋەشياڭ قورىتىندى ءسوز سويلەدى.

شي جينپيڭ سوزىندە بىلاي دەپ اتاپ كورسەتتى: وقۋ - اعارتۋ − مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ نەگىزى. پارتيا 18 - قۇرىلتايىنان بەرى ءبىز وقۋ - اعارتۋدى مەملەكەتتىڭ ۇلى جوسپارى، پارتيانىڭ ۇلى جوسپارى ەتۋگە تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن ىشكەرىلەي اتقارۋ، وقۋ - اعارتۋدىڭ وسىزاماندانۋىن جەدەلدەتۋ سىندى كەلەلى شەشىم جاساپ، 2035 - جىلعا بارعاندا وقۋ - اعارتۋدا قۋاتتى ەل قۇرۋ كۇرەس نىساناسىن بەلگىلەپ، پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتىپ، وقۋ - اعارتۋ ءتۇزىلىس، مەحانيزمى رەفورماسىن ۇزدىكسىز ىلگەرىلەتىپ، جاڭا داۋىردەگى وقۋ - اعارتۋ ىستەرىندە تاريحي تابىستارعا قول جەتكىزۋدى، قۇرىلىمدىق وزگەرىس تۋىلۋدى ىلگەرىلەتىپ، وقۋ - اعارتۋدا قۋاتتى ەل بولۋ قۇرىلىسىندا نىق قادام تاستادىق.

شي جينپيڭ بىلاي دەپ باسا دارىپتەدى: ءبىز قۇراتىن وقۋ - اعارتۋدا قۋاتتى ەل − جۇڭگوشا سوتسياليستىك وقۋ - اعارتۋدا قۋاتتى ەل، قۇدىرەتتى يدەيالىق - ساياسي جەتەكشىلىك قۋاتىنا، دارىندىلاردىڭ باسەكەلىك قۋاتىنا، عىلىم - تەحنيكالىق تىرەك قۋاتىنا، حالىق تۇرمىسىن قامتاماسىز ەتۋ قۋاتىنا، قوعامدىق سايكەستىلىك قۋاتىنا، حالىقارالىق ىقپال كۇشىنە يە بولىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە پارمەندى تىرەك ازىرلەۋى كەرەك.

شي جينپيڭ بىلاي دەپ اتاپ كورسەتتى: وقۋ - اعارتۋدا قۋاتتى ەل قۇرۋ − كۇردەلى جۇيەلى ينجەنەريا، ءبىزدىڭ ونەگە كورسەتىپ ادام تاربيەلەۋ سىندى ءتۇبىرلى مىندەتتى مىقتاپ ارقاۋ ەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋعا نازار اۋدارىپ، سوتسياليستىك مەكتەپ باسقارۋ بەتالىسىنا تاباندى بولىپ، جۇيەلى كوزقاراسقا تاباندى بولۋىمىزدى جانە ونى قولدانۋىمىزدى قاجەت ەتەدى، مەملەكەت ستراتەگياسىنا تىرەك بولۋ مەن حالىق تۇرمىسىنىڭ قاجەتىن قاناعاتتاندىرۋ، ءبىلىم ۇيرەنۋ مەن جان - جاقتى دامۋ، دارىندىلاردى جەتىلدىرۋ مەن قوعامنىڭ قاجەتىن قاناعاتتاندىرۋ، جۇيەلى، ءتارتىپتى بولۋ مەن ومىرشەڭدىك كۇشكە دەم بەرۋ، جۇڭگونىڭ بايتاق دالاسىنا تامىر تارتۋ مەن حالىقارالىق تاجىريبەلەردەن ۇلگى الۋ سياقتى كەلەلى قاتىناستاردى دۇرىس شەشۋ كەرەك.

شي جينپيڭ بىلاي دەپ باسا دارىپتەدى: تاباندىلىقپەن جاڭا ءداۋىر جۇڭگوشا سوتسياليزم يدەياسىمەن رۋح سومداپ ادام تاربيەلەپ، جاڭا داۋىردە ونەگە كورسەتىپ ادام تاربيەلەۋ ينجەنەرياسىن اتقارۋ كەرەك. جاڭا داۋىردەگى مەكتەپتەردىڭ يدەيالىق - ساياسي تاربيەسىن ۇزدىكسىز كۇشەيتىپ جانە جاقسارتىپ، جاس، ورەن وقۋشىلاردى ماركسيزم سەنىمىن، جۇڭگوشا سوتسياليزم سەنىمىن، جۇڭحۋا ۇلتىنىڭ ۇلى گۇلدەنۋى سەنىمىن بەكەمدەپ، وتان ءۇمىتىن اقتاۋ، مەملەكەتتى قۇدىرەتتەندىرۋ ۇلى مۇراتىن ورناتىپ، جاۋاپكەرلىكتى باتىلدىقپەن ارقالايتىن كۇرەسكەرلەر بولۋعا تاربيەلەۋ، جەتەكتەۋ كەرەك. جاڭا داۋىردەگى ۇلى وزگەرىستەگى تابىستى مىسالداردان پايدالانۋعا باسا ءمان بەرىپ، قىزىل بايلىق ارقىلى ادام تاربيەلەۋ فۋنكتسياسىن تولىق ساۋلەلەندىرىپ، ناقتى ورتادا ادام تاربيەلەۋ مەن ينتەرنەتتە ادام تاربيەلەۋدىڭ كەڭىستىگى مەن شەبىن ۇزدىكسىز كەڭەيتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ تەبىنىن ارتتىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى جەبەۋ كەرەك.

شي جينپيڭ بىلاي دەپ اتاپ كورسەتتى: مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ءبىر تۇتاس جوسپارلاپ اتقارىپ، وقۋ - اعارتۋدىڭ دامۋىن، عىلىم - تەحنيكادا جاڭالىق اشۋدى، دارىندىلاردى باۋلۋدى ءبىر تۇتاس ىلگەرىلەتۋ كەرەك. عىلىم - تەحنيكانى دامىتۋدى، مەملەكەتتىڭ ستراتەگيالىق قاجەتىن جەتەكشى ەتىپ، جاڭالىق جاراتۋ قابىلەتىن جوعارىلاتۋدى كوزدە ۇستاپ، جوعارى دارەجەلى وقۋ - اعارتۋدىڭ ورنالاسۋىن ساپالىلاندىرىپ، جوعارى مەكتەپتەردىڭ پاندەردى ورنالاستىرۋ، رەتتەۋ مەحانيزمى مەن دارىندىلاردى تاربيەلەۋ ۇلگىسىن كەمەلدەندىرىپ، نەگىزدىك پاندەر، جاڭادان گۇلدەنگەن پاندەر، توعىسپالى پاندەر قۇرىلىسىن جانە ۇزدىك دارىندىلاردى جەتىلدىرۋدى كۇشەيتۋ كەرەك. مەكتەپ پەن كاسىپورىننىڭ عىلمي زەرتتەۋ سەلبەستىگىن كۇشەيتىپ، ءتىپتى دە كوپ عىلىم - تەحنيكا جەتىستىكتەرىن تەز ارادا رەال وندىرگىش كۇشكە اينالدىرۋ كەرەك. كاسىپتىك وقۋ - اعارتۋ جۇيەسىن ورناتىپ، ءىرى ەل شەبەرلەرىن، مايتالمان شەبەرلەردى، جوعارى ونەرلى دارىندىلاردى كۇش سالا جەتىلدىرۋ كەرەك.

شي جينپيڭ بىلاي دەپ باسا دارىپتەدى: حالىقتى وزەك ەتۋگە تاباندى بولىپ، وقۋ - اعارتۋ الەۋمەتتىك قىزمەت وتەۋىنىڭ جالپىعا تيىمدىلىگىن، قولجەتىمدىلىگىن، قولايلىلىعىن ۇزدىكسىز جوعارىلاتىپ، جالپى حالىقتى وقۋ - اعارتۋ رەفورماسىنىڭ، دامۋىنىڭ تابىستارىنان اناعۇرلىم كوپ، اناعۇرلىم ءادىل يگىلىكتەندىرۋ كەرەك. وڭىرلىك وقۋ - اعارتۋ بايلىعىن ورنالاستىرۋدى ساپالىلاندىرىپ، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتىپ، قالا مەن اۋىلدىڭ، وڭىرلەردىڭ، مەكتەپتەردىڭ، بۇقارالىق توپتاردىڭ پارقىن بىرتىندەپ ازايتۋ كەرەك. ”ەكىنى ازايتۋ“ جەتىستىگىن ۇزدىكسىز بەكەمدەپ، ساباقحانادا وقىتۋ دەڭگەيىن جاپپاي جوعارىلاتىپ، ساباقتان كەيىنگى قىزمەت وتەۋ ساپاسىن جوعارىلاتۋ كەرەك. مەملەكەتتىڭ وقۋ - اعارتۋدى سيفرلاندىرۋ ستراتەگياسىن ىشكەرىلەي اتقارىپ، ساپالى وقۋ - اعارتۋ بايلىعىنان يگىلىكتەنۋ كولەمىن كەڭەيتىپ، ومىرلىك ۇيرەنۋگە الەۋمەتتىك قىزمەت وتەۋ ورەسىن جوعارىلاتۋ كەرەك.

شي جينپيڭ بىلاي دەپ اتاپ كورسەتتى: اعارتۋشىلاردىڭ رۋحتى سومداۋداعى مىقتى ۇستاز بولۋى ارەكەتىن اتقارىپ، وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، وقىتۋشىلاردى باۋلۋ، كۋرستان وتكىزۋ ساپاسىن جوعارىلاتىپ، جاڭا داۋىردەگى جوعارى دەڭگەيلى وقىتۋشىلار قوسىنىن جەتىلدىرۋ كەرەك. وقىتۋشىلاردىڭ ساياسي ورنىن، قوعامدىق ورنىن، كاسىپتىك ورنىن جوعارىلاتىپ، وقىتۋشىلاردىڭ مامىلەسىن قامتاماسىزداندىرۋدى كۇشەيتىپ، وقىتۋشىلاردىڭ كاسىپتىك بەدەلى مەن زاڭدى ۇقىق - مۇددەسىن قورعاپ، وقىتۋشىلاردىڭ اسقاق قوعامدىق بەدەلدەن يگىلىكتەنۋىنە، وقىتۋشىلىقتىڭ قوعامنىڭ ەڭ قۇرمەتىنە بولەنەتىن كاسىپتەردىڭ بىرىنە اينالۋىنا مۇمكىندىك جاساۋ كەرەك.

شي جينپيڭ بىلاي دەپ باسا دارىپتەدى: وقۋ - اعارتۋدىڭ سىرتقا ەسىك اشۋىن ىشكەرىلەي ىلگەرىلەتىپ، ”ەنگىزۋ“ مەن ”شىعارۋدى“ ءبىر تۇتاس جوسپارلاپ، ەلىمىز وقۋ - اعارتۋىنىڭ حالىقاراداعى ىقپال كۇشىن، باسەكەلىك قۋاتىن جانە ءسوز بيلىگىن ۇزدىكسىز جوعارىلاتۋ كەرەك. حالىقارالىق عىلمي اۋىس - كۇيىس پەن وقۋ - اعارتۋ، عىلمي زەرتتەۋ سەلبەستىگىن كەڭەيتىپ، دۇنيە جۇزىلىك وقۋ - اعارتۋدى باسقارۋعا بەلسەنە ات سالىسىپ، دۇنيە جۇزىلىك وقۋ - اعارتۋ ىستەرىنىڭ دامۋىن ىلگەرىلەتۋگە اناعۇرلىم كوپ جۇڭگو كۇشىن قوسۋ كەرەك.

لي چياڭ ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى پارتيا مەن مەملەكەت ىستەرىنىڭ دامۋ جالپى جاعدايى سىندى ستراتەگيالىق تۇرعىدا تۇرىپ، جاڭا داۋىردەگى وقۋ - اعارتۋ ىستەرىندە قول جەتكەن تاريحي تابىستاردى، جارىققا شىققان قۇرىلىمدىق وزگەرىستەردى جان - جاقتى قورىتىندىلاپ، وقۋ - اعارتۋدا قۋاتتى ەل بولۋدىڭ عىلمي ءمانى مەن نەگىزگى جولىن جۇيەلى ءتۇسىندىرىپ، وقۋ - اعارتۋدا قۋاتتى ەل قۇرۋدا دۇرىس ءبىر جاقتى ەتۋگە ءتيىستى كەلەلى قاتىناستاردى تەرەڭ بايىمدادى، وقۋ - اعارتۋدا قۋاتتى ەل قۇرۋدى جاپپاي ىلگەرىلەتۋدىڭ ستراتەگيالىق مىندەتتەرى مەن كەلەلى شارالارىن جۇيەلى ورنالاستىردى. باس شۋجيدىڭ ماڭىزدى ءسوزى بيىكتە تۇرىپ الىستى بولجاعان، يدەياسى تەرەڭ، مازمۇنى باي، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، جاڭا ءداۋىر، جاڭا جورىقتا وقۋ - اعارتۋ قىزمەتىنە جەتەكشىلىك ەتەتىن تۇعىرنامالىق قۇجات، وقۋ - اعارتۋدا قۋاتتى ەل قۇرۋعا العا باسۋ بەتالىسىن كورسەتىپ، ءتۇبىرلى تياناق ازىرلەدى. ءبىز مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ناقتى ۇلەس قوسىپ، ناقتى شارا قولدانىپ، ناقتى ونىمدىلىككە ۇمتىلىپ، وقۋ - اعارتۋدا قۋاتتى ەل قۇرۋدىڭ شىت جاڭا داستانىن قۇلشىنا جازۋىمىز كەرەك.

ديڭ شۋەشياڭ قورىتىندى سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وقۋ - اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن مىقتاپ يگەرىپ، جۇڭگوشا سوتسياليستىك وقۋ - اعارتۋدى دامىتۋ جولىمەن بۇلجىماي ءجۇرۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەۋگە تاباندى بولىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋدىڭ شەشۋشى ساباعىن ويداعىداي سومداۋ كەرەك. وقۋ - اعارتۋ، عىلىم - تەحنيكا دارىندىلارىنىڭ ءبىر تۇلعالانىپ دامۋىن ىلگەرىلەتىپ، جوعارى مەكتەپتەردىڭ عىلىم - تەحنيكادا جاڭالىق اشۋ ءتۇزىلىس، مەحانيزمىن كەمەلدەندىرىپ، ۇزدىك جاڭالىق اشۋ دارىندىلارىن تاربيەلەۋدى كۇشەيتىپ، جۇڭگو ۇلگىسىندەگى وسىزامانداندىرۋعا تىرەك بولۋدىڭ، جەتەكشىلىك ەتۋدىڭ ماڭىزدى فۋنكتسياسىن ويداعىداي ساۋلەلەندىرۋ كەرەك. جوعارى ساپالى وقۋ - اعارتۋ جۇيەسىن قۇرۋدى تەزدەتىپ، مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتىپ، حالىق بۇقاراسىنىڭ وقۋ - اعارتۋ جونىندەگى شۇعىل، قيىن، ۋايىمداعان،ءزارۋ ماسەلەسىن ويداعىداي شەشۋ كەرەك. جوعارى ساپالى ماماندانعان وقىتۋشىلار قوسىنى قۇرىلىسىن كۇشەيتىپ، اعارتۋشىلار رۋحىن ساۋلەلەندىرىپ، ءبىلىم بەرىپ، ادام تاربيەلەۋ قابىلەتىن جوعارىلاتىپ، مامىلەنى قامتاماسىز ەتۋدى كۇشەيتىپ، وقۋ - اعارتۋدا قۋاتتى ەل قۇرۋدىڭ ماڭىزدى نەگىزىن ويداعىداي بەكەمدەۋ كەرەك. وقۋ - اعارتۋدىڭ جالپىلىق رەفورماسىن جاپپاي تەرەڭدەتىپ، جوعارى دەڭگەيلى وقۋ - اعارتۋدى اشىق ۇستاۋدى ىلگەرىلەتىپ، وقۋ - اعارتۋدىڭ جوعارى ساپالى دامۋىنا ءتيىمدى ءتۇزىلىس، مەحانيزمدى ويداعىداي ورناتۋ كەرەك. جەر - جەر، تاراۋلار، ورىندار شەگە قاعۋ رۋحىمەن ءماجىلىس رۋحىن كوكەيگە ۇيالاتىپ، قىزمەت ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتۋى كەرەك.

ماجىلىستە ورتالىق كوميتەت ۇيىمداستىرۋ بولىمىندەگى، ورتالىق كوميتەت ۇگىت بولىمىندەگى، وقۋ - اعارتۋ مينيسترلىگىندەگى، عىلىم - تەحنيكا مينيسترلىگىندەگى، لياۋنيڭ ولكەسىندەگى، شاڭحاي قالاسىنداعى، حۋبەي ولكەسىندەگى، گۇيجوۋ ولكەسىندەگى، جۇڭگو ەلەكترون عىلىم - تەحنيكا توبى شەكتى سەرىكتەستىگىندەگى، بەيجيڭ داشۋەسىندەگى جاۋاپتى جولداستار پىكىر اۋىستىرىپ، ءسوز سويلەدى.

جينالىستان ىلگەرى شي جينپيڭ قاتارلى باسشى جولداستار 40 - رەتكى وقىتۋشىلار مەرەكەسىن قۇتتىقتاۋ جانە بۇكىل ەلدەگى وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ قيمىلىنا قاتىناسقان ۋاكىلدەرمەن ىقىلاسپەن كەزدەستى، ۋاكىلدەرمەن ىقىلاسپەن قول الىستى ءارى كوپشىلىكپەن ەستەلىك سۋرەتكە ءتۇستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.

ءماجىلىس تەلەۆيزور - تەلەفون ءماجىلىسى فورماسىندا اشىلدى. ورتالىقتىڭ وقۋ - اعارتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالار مەن جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە قاتىستى تاراۋلارداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار، ورتالىقتىڭ باسقارۋىنداعى ءىشىنارا كاسىپورىن، جوعارى مەكتەپتەردەگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى