لي چياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

شينحۋا اگەنتتىگى، 9 - ايدىڭ 18 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 9 - ايدىڭ 18 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، شارۋاشىلىق قۇرۋعا قارجى قوسۋدىڭ دامۋىن جەبەۋگە قاتىستى شارالاردى اقىلداسىپ، بيىلعى استىق ءوندىرىسىنىڭ جاعدايى جانە اۋىل شارۋاشىلىعى قىزمەتىنىڭ جاعدايى جونىندەگى مالىمەتتى تىڭدادى، «قۇربانداردى قاستەرلەۋ ەرەجەسىن (وزگەرىس ەنگىزىلگەن جوبا)» قاراپ ماقۇلدادى، «جۇڭحۋا حالىق رەسپۋبليكاسىنىڭ ەكى جاققا دا پايدالانىلاتىن زاتتاردى ەكسپورت ەتۋدى باسقارۋ ەرەجەسىن (جوبا)» قاراپ ماقۇلدادى.

ءماجىلىس مىنالاردى اتاپ كورسەتتى: شارۋاشىلىق قۇرۋعا قارجى قوسۋ عىلىم - تەحنيكادا جاڭالىق اشۋعا، كاسىپ سالاسىنىڭ دارەجەسىن جوعارىلاتۋعا جانە جوعارى ساپالى دامۋعا سايادى. ”جيۋ، باسقارۋ، قايتارۋ“ بۋىندارىندا ورىن تەۋىپ وتىرعان بوگەتتەردى تەز ارادا ىركىلىسسىزدەندىرىپ، شارتقا ۇيلەسەتىن عىلىم - تەحنيكالىق كاسىپورىنداردىڭ شەكارا ءىشى - سىرتىندا بازارعا شىعۋىن قولداپ، جارنا ۇقىعىن وتكەرمەلەۋ، بىرىكتىرىپ ساتىپ الۋ بازارىن كۇش سالا دامىتىپ، جارنا بەلەتىن ناقتى زاتتان ءبولۋ سىناق ءتۇيىنىن جالپىلاستىرىپ، قوعامدىق كاپيتالدى بازارلانعان بىرىكتىرۋ، ساتىپ الۋ قورىن نەمەسە شارۋاشىلىق قۇرۋعا قارجى قوسۋدىڭ 2 - دارەجەلى بازار قورىن قۇرۋعا شابىتتاندىرىپ، شارۋاشىلىق قۇراتىن كاسىپ سالالارىنىڭ ۇتىمدى اينالىمىن جەبەۋ كەرەك. مەملەكەت مەنشىگىندەگى كاپيتال قارجىسىن ءتىپتى دە جاۋاپكەرشىلىك ارقالايتىن ۇزاق مەرزىمدى كاپيتالعا، ءتوزىمدى كاپيتالعا اينالدىرۋدى ىلگەرىلەتىپ، مەملەكەت مەنشىگىندەگى قارجىنى قارجىلاندىرۋ، باعالاۋ، قاتەلىككە كەشىرىممەن قاراۋ، شەگىنىپ شىعۋعا قاتىستى ساياساتتىق شارالاردى كەمەلدەندىرۋ كەرەك. شارۋاشىلىق قۇرۋدىڭ، قارجى قوسۋدىڭ اقاۋسىز دامۋىنىڭ تۇزىمدىك نەگىزىن بەكەمدەپ، كاپيتال بازارى رەفورماسىنىڭ ءتۇيىندى شارالارىن تياناقتاندىرىپ، كاپيتال بازارىنىڭ يقۋاتىن اقاۋسىزداندىرىپ، شارۋاشىلىق قۇرۋ، قارجى قوسۋ بازارلارىنىڭ ومىرشەڭدىك كۇشىن ونان ارى قاۋلاتۋ كەرەك.

ءماجىلىس مىنالاردى اتاپ كورسەتتى: بيىل جىل باسىنان بەرى جەر - جەر، قاتىستى تاراۋلار استىق ءوندىرىسى مەن اۋىل شارۋاشىلىعى قىزمەتىن تاباندىلىقپەن ويداعىداي يگەرىپ، تاسقىن اپاتى سياقتى ءتيىمسىز ىقپالدارعا ءونىمدى توتەپ بەرىپ، جازعى استىقتىڭ ءونىم مولشەرىندە تاريحتاعى ەڭ جوعارى ورە جاراتتى، كۇزگى استىقتان مول ءونىم الۋدان ءۇمىت بار، ”كوجە - قاتىق“ ونىمدەرىمەن قامداۋ جەتكىلىكتى بولۋدا. كۇزگى جيىن - تەرىندەگى استىق ءوندىرىسىن دەن قويا ۇيىمداستىرىپ، ويداعىداي يگەرىپ، اپاتتى باقىلاۋ - ولشەۋدى، الدىن الا ساقتاندىرۋدى جانە ساقتانۋ - توتەپ بەرۋدى كۇشەيتىپ، كومباينمەن ورۋدى ويداعىداي ۇيىمداستىرىپ، ورنالاستىرىپ، كۇزگى استىقتان مول ءونىم الۋعا شىنايى كەپىلدىك ەتۋ كەرەك. استىقتى جيناۋ، ساقتاۋ ساياساتتىق جوباسىن زەرتتەپ جاساپ، جاڭا جىلداعى ءبيدايدىڭ ەڭ تومەنگى ساتىپ الۋ باعاسىن تەز ارادا جاريالاپ، سويا بۇرشاق مانەرلەۋگە سيلىق قاراجات بەرۋ ساياساتىن كەمەلدەندىرىپ، شارۋالاردىڭ استىق ەگۋ بەلسەندىلىگىن ويداعىداي قورعاۋ كەرەك. سيىر، قوي باعىمشىلىعى سياقتىلاردى قولداۋ سەرپىنىن ارتتىرىپ، قيىنشىلىقتى شەشۋگە ساياتىن ءبىر توپ ساياساتتى اتقارۋدى مىقتى يگەرىپ، باعىمشىلىق وتباسىلارىنىڭ قيىن وتكەلدەن وتۋىنە كومەكتەسۋ كەرەك.

ءماجىلىس «قۇربانداردى قاستەرلەۋ ەرەجەسىن (وزگەرىس ەنگىزىلگەن جوبا)» قاراپ ماقۇلداپ، مىنالاردى اتاپ كورسەتتى: قۇربانداردى قاستەرلەۋدى كۇشەيتۋ پارتيا مەن مەملەكەتتىڭ قاھارمانداردى ساعىنا ەسكە الاتىندىعىن جانە قۇربانداردىڭ وتباسىنداعىلارعا دەگەن قامقورلىعىن ايگىلەدى. قۇربانداردىڭ وتباسىنداعىلارعا قىزمەت وتەۋدى، قامتاماسىزداندىرۋدى ويداعىداي ىستەپ، تۇرمىس، قىزمەت جاعىندا ءتىپتى دە كوپ كوڭىل ءبولىپ، نازار اۋدارىپ، كومەكتەسىپ شەشۋ كەرەك. قۇربانداردى ەسكە ءتۇسىرۋ قۇرىلعىلارىن قورعاۋدى جانە باسقارۋدى كۇشەيتىپ، باعالى قىزىل بايلىقتان ويداعىداي پايدالانىپ، ۇگىت ـ تاربيە تەبىنىن ارتتىرىپ، تۇتاس قوعامدا قاھارمانداردى قۇرمەتتەۋدىڭ، ايانباي ۇلەس قوسۋدىڭ قويۋ رايىن قالىپتاستىرۋ كەرەك.

ءماجىلىس «جۇڭحۋا حالىق رەسپۋبليكاسىنىڭ ەكى جاققا دا پايدالانىلاتىن زاتتاردى ەكسپورت ەتۋدى باسقارۋ ەرەجەسىن (جوبا)» قاراپ ماقۇلدادى.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى