ورتالىق قازىنانىڭ از ۇلتتاردى دامىتۋ قارجىسى شيزاڭنىڭ، شينجياڭنىڭ دامۋىن جەبەدى

شينحۋا اگەنتتىگىنىڭ 9 ـ ايدىڭ 19 ـ كۇنى بەيجيڭنەن بەرگەن حابارى. ءتىلشىنىڭ 9 ـ ايدىڭ 19 ـ كۇنى مەملەكەتتىك ۇلت ىستەرى كوميتەتى جۇيەسىنىڭ شيزاڭعا، شينجياڭعا باعىتتامالى كومەكتەسۋ قىزمەتى ماجىلىسىنەن ۇعىسۋىنشا، بۇكىل ەلدەگى ۇلت ىستەرى كوميتەتى جۇيەسى ورتالىق قازىنانىڭ از ۇلتتاردى دامىتۋ قارجىسى سياقتى ءتۇرلى قارجى قوسۋ تەبىنىن ۇزدىكسىز ارتتىرىپ، شيزاڭنىڭ، شينجياڭ مەن شينجياڭ ءوندىرىس ـ قۇرىلىس بيڭتۋانىنىڭ شەكارانى گۇلدەندىرىپ، حالىقتى اۋقاتتاندىرۋ ارەكەتى، نەگىزدىك قۇرىلعىلارداعى ولقىلىقتاردى تولىقتاۋ، كاسىپ سالاسىنىڭ دامۋىن سۇيەمەلدەۋ، كورىكتى قىستاق قۇرىلىسى، قونىس ورتاسىن جاقسارتۋ، ەگىنشى ـ مالشىلاردى ونەرگە باۋلۋ سياقتى نىسانالاردى اتقارۋىن قولداپ، جەرگىلىكتى ورىننىڭ ءوندىرىس، تۇرمىس ورەسىنىڭ ۇزدىكسىز جوعارىلاۋىنا دەم بەرگەن.

ۇلتتاردىڭ ارالاسۋىن، ىشتەسۋىن، توعىسۋىن ىلگەرىلەتۋ جاعىندا، بۇكىل ەلدىڭ ۇلت ىستەرى كوميتەتى «ءار ۇلت جاستارى مەن ورەندەرىنىڭ اۋىس ـ كۇيىس جوسپارى»، «ءار ۇلت بۇقاراسىنىڭ ءوزارا كىرىكپەلى دامۋ جوسپارى»، «ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋ جوسپارى» سياقتىلاردى جۇيەلى، ىشكەرىلەي اتقارىپ، ءار ۇلت بۇقاراسىنىڭ بىرگە قونىستانۋىن، بىرگە ۇيرەنۋىن، بىرگە قۇرىپ، بىرگە يگىلىكتەنۋىن، بىرگە ىستەپ، بىرگە شاتتانۋىن جەبەدى. ۇلت قىزمەتى كادرلارىنىڭ قوسىن قۇرىلىسىن قولداۋ جاعىندا، 5 جىلدان بەرى، مەملەكەتتىك ۇلت ىستەرى كوميتەتى مەن باعىتتامالى كومەكتەسەتىن ولكە، قالالاردىڭ ۇلت قىزمەتى تاراۋلارى شيزاڭنىڭ، شينجياڭنىڭ كادر - دارىندىلارىنان شامامەن 5300 ادام - رەت تاربيەلەۋگە كومەكتەسىپ، شيزاڭنىڭ، شينجياڭنىڭ ۇلت قىزمەتى تاراۋلارىنداعى كادرلاردىڭ ۇيرەنۋ، اۋىس - كۇيىس جاساۋ قيمىلىن شامامەن 7500 ادام - رەت ۇيىمداستىرىپ ورىستەتتى، 1900 دەن استام كادردىڭ قوس باعىتتا اۋىس ـ كۇيىس جاساۋىن ىلگەرىلەتىپ، ەكى رايوننىڭ دامۋىنا اقىل ـ پاراساتتىق قولداۋ كورسەتتى.

كەلەسى قادامدا مەملەكەتتىك ۇلت ىستەرى كوميتەتى نازاردى جۇڭحۋا ۇلتى ورتاق تۇلعا تانىمىن بەكەمدەۋگە شوعىرلاندىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋگە اناعۇرلىم زور كۇش سالىپ، شيزاڭعا مادەنيەت جاعىنان كومەكتەسۋ، شينجياڭدى مادەنيەتپەن نارلەندىرۋ جاعىندا شىنايى، ناقتى شارا شىعارىپ، بۇقارانىڭ ويلاعان، ارمانداعان حالىق تۇرمىسى ماسەلەسىن كۇش سالا شەشەدى، نەگىزگى الەۋمەتتىك قىزمەت وتەۋدىڭ بىركەلكىلەنۋ دەڭگەيىن ۇزدىكسىز جوعارىلاتىپ، شيزاڭعا، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن كۇش بىرىكتىرە ىلگەرىلەتەدى.

كەلۋ قاينارى: حالىق تورابى