حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتايىق (باسماقالا)

ءبىر نيەت، ءبىر تىلەكپەن ارماندى ىسكە اسىرىپ، بۇرىنعىعا مۇراگەر بولىپ، كەيىنگىگە جول اشىپ، تاعى دا ساپارعا اتتاندىق. بيىل − حالىق ساياسي كەڭەسى قۇرىلعاندىعىنىڭ 75 جىلدىعى. قۇلاشىن كەڭ جايعان ساپارعا قايىرىلا قاراپ، ۇمىتكە تولى بولاشاققا كوز جىبەرىپ، حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتساق، ءجۇز ميلليونداعان حالىقتى ىنتىماقتاسۋ ارقىلى كۇش - قۋاتتى ۇيىستىرىپ، كۇرەس ارقىلى ۇلى ءىستى سومداۋعا شابىتتاندىرىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازا الامىز.

75 جىلدىڭ الدىنداعى 9 - ايدا جۇڭگو حالقىنىڭ ۇلت تاۋەلسىزدىگى مەن حالىق ازاتتىعىنا قول جەتكىزۋدەگى تاريحي جەڭىسىنىڭ شات مەرەيلى ساتىندە جۇڭگو حالىق ساياسي ءماسليحات كەڭەسىنىڭ 1 - كەزەكتى جالپى ءماجىلىسى اشىلدى. 75 جىلدان بەرى جۇڭگو كوممۋنيستىك پارتياسىنىڭ باسشىلىعىندا حالىق ساياسي كەڭەسى جاڭا جۇڭگو قۇرۋ، جاڭا جۇڭگونى گۇلدەندىرۋ، رەفورما جولىن قاراستىرۋ، جۇڭگو ارمانىن جۇزەگە اسىرۋ ۇلى امالياتىنا بەلسەنە ات سالىسىپ، شۇعىلالى بارىستى باسىپ ءوتتى. اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق ساياسي كەڭەسى ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتىپ، پارتيا مەن مەملەكەت ىستەرىنىڭ دامۋى ءۇشىن زەيىن - زەردەنى، كۇش - قۋاتتى شوعىرلاندىرىپ، حالىق ساياسي كەڭەسى قىزمەتىندە جاڭا جاعداي جاراتتى.

اماليات حالىق ساياسي كەڭەسى − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ءىس جۇزىندىگىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالا قايراتكەرلەرىنە باسشىلىق ەتىپ، ساياسي ءتۇزىم جاعىندا جۇرگىزگەن ۇلى جاسامپازدىعى ەكەندىگىن دالەلدەدى. حالىق ساياسي كەڭەسى − بىرلىكساپ ۇيىمى، كوپ پارتيا سەلبەستىگى جانە ساياسي كەڭەس قۇرىلىمى، حالىق دەموكراتياسىنىڭ ماڭىزدى جۇزەگە اسۋ فورماسى رەتىندە، سوتسياليستىك كەڭەس دەموكراتياسىنىڭ ماڭىزدى ارناسى جانە ارناۋلى كەڭەس قۇرىلىمى، مەملەكەتتى باسقارۋ جۇيەسىنىڭ ماڭىزدى قۇرامداس بولەگى، جۇڭگوشا ەرەكشەلىككە يە تۇزىمدىك ورنالاستىرۋ. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، پارتيا باسشىلىعىنىڭ، بىرلىكساپتىڭ، كەڭەس دەموكراتياسىنىڭ ورگانيكالى ۇشتاسۋىندا تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا توعىسۋىنا، اقىل - كەڭەس بەرۋ مەن ورتاق تانىم ۇيىستىرۋدىڭ قوس باعىتتا كۇش سالۋىنا تاباندى بولىپ، جاڭا داۋىردەگى ساياسي كەڭەس قىزمەتى مەن كوپ پارتيا سەلبەستىگى ىستەرىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.

جاڭا داۋىردەن بەرى باس شۋجي شي جينپيڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندە ءبىر قىدىرۋ جاڭا يدەيا، جاڭا كوزقاراس، جاڭا تۇجىرىمداردى العا قويىپ، حالىق ساياسي كەڭەسىنىڭ ورنى مەن رولىن، نىساناسى مەن مىندەتىن، مىندەتى مەن بورىشىن، امالياتتىق تالابىن ىشكەرىلەي بايىمداپ، ءبىر قىدىرۋ باعىتتىق، جالپى جاعدايلىق، ستراتەگيالىق كەلەلى ماسەلەلەرگە عىلمي جاۋاپ بەردى، بۇل − جاڭا داۋىردەگى حالىق ساياسي كەڭەسى قىزمەتىنە جەتەكشىلىك ەتەتىن قۇدىرەتتى يدەيالىق قارۋ. شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس باعدارلاماسى ەتىپ، حالىق ساياسي كەڭەس ىستەرى دامۋىنىڭ دۇرىس ساياسي بەتالىسىنا شىنايى كەپىلدىك ەتىپ، ىنتىماقتاسا كۇرەس جۇرگىزۋدىڭ ورتاق يدەيالىق نەگىزىن بەكەمدەۋ كەرەك. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ حالىق ساياسي كەڭەسى قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، نازاردى جاڭا داۋىرگە، جاڭا جورىققا شوعىرلاندىرىپ، پارتيا مەن مەملەكەتتىڭ وزەكتى مىندەتىن اتقارىپ، جاۋاپكەرشىلىكتى ادا ەتىپ، باستان - اياق پارتيا مەن مەملەكەت قىزمەتىنىڭ كەلەلى جاعدايى اياسىندا قىزمەتتى جوسپارلاپ جانە ورىستەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ دەڭگەيىن جوعارىلاتۋ كەرەك.

كەڭەس دەموكراتياسى − جالپى بارىستىق حالىق دەموكراتياسىن امالياتتان وتكىزۋدىڭ ماڭىزدى فورماسى، پارتيانىڭ حالىققا باسشىلىق ەتىپ مەملەكەتتى ءونىمدى باسقارۋىنىڭ، حالىقتىڭ وزىنە ءوزى قوجا بولۋىنا كەپىلدىك ەتۋدىڭ ماڭىزدى تۇزىمدىك جوباسى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە وزگەشە ابزالدىعى. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى ەلىمىزدىڭ نەگىزگى ساياسي ءتۇزىمى رەتىندە جۇڭگو توپىراعىنان ءوسىپ شىققان جاڭاشا ساياسي پارتيا ءتۇزىمى، ورتاق تانىمدى ۇيىستىرۋ، شەشىم جاساۋدى ساپالىلاندىرۋ، قاتىناستى سايكەستىرۋ، ورنىقتىلىقتى قورعاۋ جاقتارىندا ەرەكشە رول اتقارادى، وراسان زور ابزالدىققا جانە قۇدىرەتتى ومىرشەڭدىك كۇشكە يە. ەلىمىزدىڭ جاڭاشا ساياسي پارتيا تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى كوپ پارتيا سەلبەستىگىنىڭ اناعۇرلىم جۇيەلى، ءتارتىپتى، جاندى دا جالىندى بولۋىن ىلگەرىلەتۋدە حالىق ساياسي كەڭەسى دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ ساياسي كەڭەستە رولىن اناعۇرلىم ويداعىداي ساۋلەلەندىرۋىنە شارت - جاعداي ازىرلەۋى كەرەك. حالىق ساياسي كەڭەسى كەڭەسۋ بارىسىندا كەڭ كولەمدى ىنتىماقتى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەپ، جۇڭگونىڭ سوتسياليستىك دەموكراتياسىنىڭ ءىس تۋىلعاندا كوپ اقىلداسۋ، ىسكە جولىققاندا كوپ اقىلداسۋ، ءىس ىستەگەندە كوپ اقىلداسۋ ەرەكشەلىگى مەن ابزالدىعىن تولىق ايگىلەدى، حالىق ساياسي كەڭەسىنىڭ ارناۋلى كەڭەس قۇرىلىمى بولۋ رولىن ويداعىداي ساۋلەلەندىرىپ، كەڭەستىك دەموكراتيانى فۋنكتسيانى اتقارۋدىڭ تۇتاس بارىسىنا ءسىڭىرۋ كەرەك. حالىق ساياسي كەڭەسى بىرلىكساپ ۇيىمىنىڭ رولىن ساۋلەلەندىرىپ، ۇلى ىنتىماق پەن ۇلى بىرلىككە تاباندى بولىپ، بىردەيلىك پەن الۋان تۇرلىلىكتىڭ بىرلىگىنە تاباندى بولىپ، ورتاق يدەيالىق - ساياسي نەگىزدى ۇزدىكسىز بەكەمدەپ، يدەيالىق - ساياسي جەتەكشىلىكتى كۇشەيتىپ، ورتاق تانىمدى كەڭىنەن ۇيىستىرىپ، ەڭ ۇلكەن ورتاق بولگىشتى قۇلشىنا قاراستىرىپ، ەڭ ۇلكەن سەنترلەس شەڭبەردى سىزىپ، ۇلتتىڭ گۇلدەنۋىن جۇزەگە اسىرۋدىڭ قۇدىرەتتى كۇشىن ۇيىستىرۋى كەرەك.

اقىلداسۋ ارقىلى بىرلىككە ۇمتىلامىز، سەلبەسۋ ارقىلى تابىسقا جەتەمىز. داڭق پەن ارمانعا تولى جاڭا جورىقتا ەكپىندەي ىلگەرىلەۋدە حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەت، ءبىر تىلەكتە بولىپ، كوپ بولىپ اقىل قوسىپ، كۇش ۇيىستىرىپ، سەنىمدى بەكەمدەپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسايىق.

كەلۋ قاينارى: حالىق تورابى