زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ رەفورماسىن ورنىقتى، ءتارتىپتى جۇرگىزىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ماڭىزدى تىرەك ازىرلەۋ كەرەك

شينحۋا اگەنتتىگى، 9 - ايدىڭ 19 – كۇنى، بەيجيڭ. 9 - ايدىڭ 19 - كۇنى مەملەكەتتىك كەڭەس زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ قىزمەتىن اتقارۋعا جۇمىلدىرۋ، ورنالاستىرۋ بەينە ەكران ءماجىلىسىن اشتى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىستە بىلاي دەپ باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ رەفورماسىن ورنىقتى، ءتارتىپتى جۇرگىزىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ماڭىزدى تىرەك ازىرلەۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ، مەملەكەتتىك كەڭەستىڭ مۇشەسى ۋ جىڭلۇڭ ماجىلىسكە قاتىناستى. مەملەكەتتىك كەڭەستىڭ مۇشەسى چىن ي - چين ءماجىلىستى باسقاردى.

لي چياڭ بىلاي دەپ اتاپ كورسەتتى: زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ رەفورماسىن اتقارۋ − پارتيا ورتالىق كوميتەتىنىڭ پارتيا مەن مەملەكەت ىستەرىنىڭ جالپى جاعدايىن شىعار ءتۇيىن ەتىپ جاساعان كەلەلى شەشىمى، حالىق سانىنىڭ قارتتانۋىنا بەلسەنە توتەپ بەرىپ، حالىقتىڭ جوعارى ساپالى دامۋىن جەبەۋدىڭ وبيەكتيۆ تالابى، دارىندىلاردىڭ پايداسىن تولىق ىسكە قوسىپ، جۇڭگو ۇلگىسىندەگى وسىزامانداندىرۋعا دەم بەرۋدىڭ رەال قاجەتى، قوعامدىق قامتاماسىزداندىرۋ جۇيەسىن كەمەلدەندىرىپ، حالىق تۇرمىسىن ءتىپتى دە جاقسى قامتاماسىزداندىرۋ جانە جاقسارتۋداعى ماڭىزدى شارا. جەر - جەر، تاراۋلار ساياسي دەڭگەيدى جوعارىلاتىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، رەفورمانى اتقارۋ قىزمەتىن تىڭعىلىقتى، ويداعىداي ىستەپ، كوزدەگەن ونىمدىلىكتىڭ جۇزەگە اسۋىنا شىنايى كەپىلدىك ەتۋى كەرەك.

لي چياڭ بىلاي دەپ باسا دارىپتەدى: جۇيەلى وي جۇگىرتۋدى كۇشەيتىپ، رەفورمانىڭ ماڭىزدى ءتۇيىنىن يگەرىپ، رەفورما اتقارىلۋدان بۇرىنعى قىزمەت دايىندىعىن جانە اتقارىلعاننان كەيىنگى ساياساتتاردى اتقارۋدى ءبىر تۇتاس جوسپارلاپ، ويداعىداي يگەرىپ، زەينەتكە شىعۋ جاسىن ۇزارتۋ مەن قامتاماسىزداندىرۋ شارالارىن كەمەلدەندىرۋدى قاتار ىلگەرىلەتىپ، ءتۇيىندى مىندەتتەردىڭ ورنىقتى، ءتارتىپتى تياناقتانۋىن ىلگەرىلەتۋ كەرەك. ”ەرىكتى، يكەمدى“ بولۋ پرينسيبى بويىنشا زەينەتكە شىعۋ جاسىن ۇزارتۋ ساياساتىن ويداعىداي اتقارۋعا تاباندى بولىپ، جۇمىسشى - قىزمەتكەرلەردىڭ ارمان - تىلەگىن شىنايى ايگىلەۋگە كەپىلدىك ەتۋ كەرەك. سايكەستى ساياساتتار مەن شارالاردى بەلگىلەۋدى، كەمەلدەندىرۋدى مىقتى يگەرىپ، قاجەتتى رەفورما جوباسىمەن تىكەلەي ۇشتاستىرىلعان ساياساتتاردى مۇمكىندىكتىڭ بارىنشا ەرتە شىعارىپ، ەرتە اتقارىپ، زاڭدا بەلگىلەنگەن زەينەتكە شىعۋ جاسىنىڭ وزگەرۋىنە بايلانىستى رەتتەۋگە ءتيىستى ساياساتتاردى تولىق باعالاعاننان كەيىن جەدەل جاساپ اتقارۋ كەرەك. ساياساتتىق قولداۋ مەن قىزمەت تەبىنىن ونان ارى ارتتىرىپ، بۇقارانىڭ رەال كوڭىل ءبولىپ وتىرعان ماسەلەلەرىن ءونىمدى شەشۋ كەرەك. جۇمىستانۋ اياسىن كەڭەيتۋدى رەفورمانى ىلگەرىلەتۋدىڭ ماڭىزدى شاراسى رەتىندە يگەرىپ، جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ ساياساتىن تياناقتاندىرىپ جانە كەمەلدەندىرىپ، ەڭبەكشىلەردىڭ ۇقىق - مۇددەسىن ويداعىداي قامتاماسىزداندىرۋ كەرەك. زەينەتكەرلىكتى قامتاماسىز ەتۋ مەن قىزمەت وتەۋدى شىن مانىندە كۇشەيتىپ، قالا، اۋىل تۇرعىندارى مەن زەينەتكەرلەردىڭ نەگىزگى زەينەتاقىسىن جوعارىلاتۋ ساياساتىن ويداعىداي تياناقتاندىرىپ، زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋ، رەتتەۋ تەبىنىن ارتتىرۋ كەرەك. جاقىن ماڭداعى اماناتتاپ تاربيەلەۋ جونىنەن قىزمەت وتەۋدى ارتتىرىپ، تۋىت، تاربيەلەۋ اۋىرتپالىعىن جەڭىلدەتۋ كەرەك.

لي چياڭ بىلاي دەپ باسا دارىپتەدى: جەر - جەر، تاراۋلار جاۋاپكەرشىلىك سەزىمدى كۇشەيتىپ، ۇيىمدىق باسشىلىقتى، سايكەسە ارەكەتتەنۋدى كۇشەيتىپ، ”ءبىر ءىستى جوعارى ونىمدىلىكپەن تىندىرۋ“ تالابى بويىنشا، جۇمىس ءبىتىرۋ، قىزمەت وتەۋدىڭ ىركىلىسسىز ۇشتاسۋىن جەبەپ، رەفورما مىندەتتەرىن مىقتى، ويداعىداي يگەرىپ، ورنىقتى اتقارۋعا، ناقتاپ تياناقتاندىرۋعا كەپىلدىك ەتۋى كەرەك.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى، ورتالىق ۇيىمداستىرۋ بولىمىندەگى، ورتالىق ۇگىت بولىمىندەگى، ورتالىق ساياسي - زاڭ كوميتەتىندەگى، مەملەكەتتىك دەنساۋلىق ساقتاۋ، سالاماتتىق كوميتەتىندەگى جاۋاپتى جولداستار جانە بەيجيڭ قالالىق، شانشي ولكەلىك ۇكىمەتتەگى نەگىزگى جاۋاپتى جولداستار ماجىلىستە ءسوز سويلەدى.

كەلۋ قاينارى: حالىق تورابى