بۇل كىشى قىدىرما جۇلدىزدىڭ اتى شينجياڭ داشۋەسىنىڭ اتىمەن اتالدى

”شينجياڭ داشۋە جۇلدىزىنا“ ات قويۋ سالتى 9 – ايدىڭ 21 – كۇنى شينجياڭ داشۋەسىندە (بودا مەكتەپ رايونىندا) وتكىزىلدى، جۇڭگو عىلىم اكادەمياسى مەملەكەتتىك استرونوميا ستانسياسىنىڭ ورىنباسار باستىعى، جۇڭگو عىلىم اكادەمياسى شينجياڭ استرونوميا ستانسياسىنىڭ باستىعى، پارتكوم مۇشەسى، شينجياڭ استرونوميا ستانسياسى نانشان باقىلاۋ بازاسىنىڭ باس مامانى ۋاڭ نا جۇڭگو عىلىم اكادەمياسى مەملەكەتتىك استرونوميا ستانسياسىنىڭ اتىنان ”شينجياڭ داشۋە جۇلدىزىنا“ ات قويۋ قۇجاتىن وقىدى ءارى كىشى قىدىرما جۇلدىزعا ات قويۋ كۋالىگىن تاپسىرىپ بەردى.

2018 – جىلى، شينجياڭ داشۋەسى مەملەكەتتىك استرونوميا ستانسياسىنا حات جولداپ، ”شينجياڭ داشۋە جۇلدىزىنا“ ات قويۋدى وتىنگەن. مەملەكەتتىك استرونوميا ستانسياسىنىڭ كىشى قىدىرما جۇلدىزدارعا ات قويۋ كوميتەتى مۇقيات سارالاۋ ارقىلى بايقاۋ ۇقىعىنا جانە ات قويۋ ۇقىعىنا يە كىشى قىدىرما جۇلدىزدار ىشىندەگى 1997 – جىلى 11 – ايدىڭ 23 – كۇنى بايقالعان حالىقارالىق ماڭگىلىك ءنومىرى 192450 ءنومىرلى كىشى قىدىرما جۇلدىزعا ”شينجياڭ داشۋە جۇلدىزى“ دەپ ات قويعان.

اتالعان كىشى قىدىرما جۇلدىزدىڭ ءنومىرىنىڭ الدىڭعى 4 ورىندى سانى ”1924“ بولىپ، ”1924 – جىلعى“ شينجياڭ داشۋەسىنىڭ توركىنى — شينجياڭ ورىس تىلىندەگى زاڭ – ساياسات ارناۋلى مەكتەبى قۇرىلعان جىلعا ۋاكىلدىك ەتەدى، بۇل ەرەكشە ەستە ساقتاۋ ءمانىن الاتىن جىل. كىشى قىدىرما جۇلدىزدىڭ بايقالعان ۋاقىتى ”1997 – جىلى 11 – ايدىڭ 23 – كۇنى“، حالىقارالىق كىشى قىدىرما جۇلدىز ورتالىعىنىڭ ەستەلىككە الۋ فورماسى بويىنشا ”19971123“ بولىپ جازىلادى، ونىڭ الدىڭعى ءتورت ورنى ”1997“ مەن 5 – ورنىنان 7 – ورنىنا دەيىنگى سانى ”112“ دى كەرى قاراي وقىعانداعى ”211“ شينجياڭ داشۋەسىنىڭ 1997 – جىلى تۇڭعىش توپتاعى ”211 ينجەنەرياسى“ بويىنشا ءتۇيىندى قۇرىلاتىن مەكتەپتەر قاتارىنان ورىن العانىنا ۋاكىلدىك ەتەدى.

شينجياڭ داشۋەسىنىڭ قۇرىلعاندىعىنىڭ 100 جىلدىعى قارساڭىندا، ”شينجياڭ داشۋە جۇلدىزىنا“ ات قويۋ سالتىن وتكىزۋ ەرەكشە ءمان الادى.

كەلۋ قاينارى: حالىق تورابى