حالىق ساياسي كەڭەسىنىڭ كورنەكتى ساياسي ابزالدىعىن اناعۇرلىم تولىق ساۋلەلەندىرىپ، جاندى دا جالىندى، تىنىش تا ىنتىماقتى ساياسي جاعدايدى ۇزدىكسىز بەكەمدەۋ جانە دامىتۋ كەرەك

9 - ايدىڭ 20 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك ساياسي كەڭەس مەملەكەتتىك ساياسي كەڭەس زالىندا جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىن سالتاناتپەن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

9 - ايدىڭ 20 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك ساياسي كەڭەس مەملەكەتتىك ساياسي كەڭەس زالىندا جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىن سالتاناتپەن وتكىزدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جينالىسقا قاتىناستى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

»حالىق گازەتى»، 9 - ايدىڭ 20 – كۇنى، بەيجيڭ (ءتىلشى جاۋ چىڭ). جۇڭگو كوممۋنيستىك پارتياسى ورتالىق كوميتەتى، مەملەكەتتىك ساياسي كەڭەس 9 - ايدىڭ 20 - كۇنى تۇستەن بۇرىن مەملەكەتتىك ساياسي كەڭەس زالىندا جۇڭگو حالىق ساياسي ءماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىن سالتاناتپەن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار). ول بىلاي دەپ باسا دارىپتەدى: ءبىز جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن اناعۇرلىم بەكەمدەپ، جالپى بارىستىق حالىق دەموكراتياسىن دامىتۋ بارىسىندا حالىق ساياسي كەڭەسىنىڭ كورنەكتى ساياسي ابزالدىعىن اناعۇرلىم تولىق ساۋلەلەندىرىپ، جاندى دا جالىندى، تىنىش تا ىنتىماقتى ساياسي جاعدايدى ۇزدىكسىز بەكەمدەۋىمىز جانە دامىتۋىمىز كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ساي چي، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ جينالىسقا قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جينالىستى باسقاردى.

جينالىس ايبىندى مەملەكەت انىمەن باستالدى. شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: 75 جىلدان بەرگى اماليات مىنانى تولىق دالەلدەدى: حالىق ساياسي كەڭەسى − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ناقتى ءىس جۇزىندىك جاعدايىمەن ۇشتاستىرۋىنىڭ، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالاداعى قايراتكەرلەرگە باسشىلىق ەتىپ ساياسي ءتۇزىم جاعىندا جۇرگىزگەن ۇلى جاسامپازدىعى، تەرەڭ مادەنيەت نەگىزىنە، نازاريا نەگىزىنە، اماليات نەگىزىنە يە، ايقىن جۇڭگوشا ەرەكشەلىككە جانە كورنەكتى ساياسي ابزالدىققا يە، عىلمي، ءونىمدى، جارامدى ءتۇزىم ورنالاستىرۋى بولىپ، ادامزاتتىڭ ساياسي ءتۇزىم دامۋ تاريحىندا وزگەشە ساياسي قۇنعا يە.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى 18 - قۇرىلتايىنان بەرى ءبىز جۇڭگوشا سوتسياليزمنىڭ جاڭا داۋىردەگى جاعدايى مەن مىندەتىنە ۇيلەسىپ، اماليات جاسامپازدىعى نەگىزىندە حالىق ساياسي كەڭەسى نازارياسىندا جاڭالىق اشۋدى ىلگەرىلەتىپ، زاڭدىلىق جونىندەگى تانىمدى ۇزدىكسىز تەرەڭدەتتىك. باستىسى: جۇڭگو كوممۋنيستىك پارتياسىنىڭ حالىق ساياسي كەڭەسىنە جاپپاي باسشىلىعىنا تاباندى بولۋ، حالىق ساياسي كەڭەسىنىڭ سيپاتىنا، ورنىنا تاباندى بولۋ، حالىق ساياسي كەڭەسىنىڭ ارناۋلى كەڭەس قۇرىلىمى بولۋ رولىن ساۋلەلەندىرۋگە تاباندى بولۋ، ەلىمىزدىڭ سوتسياليستىك جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ، ۇلى ىنتىماققا، ۇلى بىرلىككە تاباندى بولۋ، يدەيالىق - ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى وزەكتى بۋىن ەتۋگە تاباندى بولۋ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋگە تاباندى بولۋ، حالىق ساياسي كەڭەسىنىڭ حالىق ءۇشىن قىزمەت ەتۋىنە تاباندى بولۋ، مۇشەلەردىڭ جاۋاپكەرشىلىك ارقالاۋىن كۇشەيتۋگە تاباندى بولۋ، رەفورما جاساپ، جاڭالىق اشۋ رۋحى ارقىلى مىندەت وتەۋ قابىلەتى قۇرىلىسىن ىلگەرىلەتۋگە تاباندى بولۋ. وسى 10 تارماق پارتيامىزدىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىردى، بۇل − 75 جىلدان، اسىرەسە، جاڭا داۋىردەن بەرگى حالىق ساياسي كەڭەسى ىستەرىن دامىتۋ تاجىريبەلەرىنىڭ شوعىرلى ايگىلەنۋى، جاڭا ءداۋىردىڭ جاڭا جورىعىندا حالىق ساياسي كەڭەسى قىزمەتىن ويداعىداي ىستەۋدىڭ ءتۇبىرلى تياناعى، ونى ءسوز جوق، تولىق، دالمە - ءدال، جاپپاي دايەكتىلەندىرۋ، تياناقتاندىرۋ ءارى اماليات بارىسىندا ۇزدىكسىز بايىتۋ جانە دامىتۋ كەرەك.

شي جينپيڭ بىلاي دەپ اتاپ كورسەتتى: كەڭەستىك دەموكراتيا − جالپى بارىستىق حالىق دەموكراتياسىنىڭ ماڭىزدى قۇرامداس بولىگى، ەلىمىزدىڭ سوتسياليستىك دەموكراتيالىق ساياسيىنىڭ وزىنە ءتان فورماسى مەن وزگەشە ابزالدىعى، پارتيانىڭ بۇقارالىق لۋشيانىنىڭ ساياسي سالاداعى ماڭىزدى ايگىلەنۋى. جاڭا ءداۋىردىڭ جاڭا جورىعىندا دۇرىس ساياسي بەتالىسقا باستان - اياق تاباندى بولىپ، كەڭەستىك دەموكراتيا جۇيەسىن ءبىر تۇتاس جوسپارلاپ كەمەلدەندىرىپ، كەڭەستىك دەموكراتيا مەحانيزمىن كۇش سالا اقاۋسىزداندىرىپ، كەڭەسۋ ءتاسىلى مەن تۇعىرىن ۇزدىكىسز كەڭەيتىپ، تاماشا رايدى جانە شارت - جاعدايدى بەلسەنە قالىپتاستىرىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتۋ كەرەك.

شي جينپيڭ بىلاي دەپ باسا دارىپتەدى: جاڭا ءداۋىردىڭ جاڭا جورىعىندا حالىق ساياسي كەڭەسى تاڭداۋلى ءداستۇردى ساۋلەلەندىرىپ، ساياسي جاۋپكەرشىلىكتى ەستە بەرىك ساقتاپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ارناۋلى كەڭەس قۇرىلىمى بولۋ رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل - پاراسات ۇيىستىرۋى، كۇش ۇيىستىرۋى كەرەك.

شي جينپيڭ بىلاي دەپ اتاپ كورسەتتى: جۇڭگوشا سوتسياليزمگە تاباندى بولۋ جانە ونى دامىتۋ − ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى، جاڭا ءداۋىر جۇڭگوشا سوتسياليزم يدەياسى − ساياسي كەڭەس قىزمەتىن جاپپاي مەڭگەرەتىن باس باعدارناما. حالىق ساياسي كەڭەسى حالىق ساياسي كەڭەسى ءتۇزىمىنىڭ جانە حالىق ساياسي كەڭەسى ۇيىمىنىڭ ايقىن ساياسي قاسيەتىن تەرەڭ تانىپ، پارتيانىڭ جاسامپاز نازارياسىن ىشكەرىلەي ۇيرەنىپ، دايەكتىلەندىرىپ، ىنتىماقتاسا كۇرەس جۇرگىزۋ ورتاق يدەيالىق - ساياسي نەگىزىن ۇزدىكسىز بەكەمدەپ، ءارقايسى پارتيا - توپتاردىڭ جانە ءار ۇلت، ءار سالا قايراتكەرلەرىنىڭ ساياسي جاقتاعى ىنتىماق پەن سەلبەستىكتى، يدەيالىق جاقتاعى بىرگە العا باسۋدى، ارەكەت جاعىنداعى قادامىنىڭ بىردەيلىگىن ونان ارى جۇزەگە اسىرۋىن ىلگەرىلەتۋى كەرەك.

شي جينپيڭ بىلاي دەپ باسا دارىپتەدى: حالىق ساياسي كەڭەسى دارىندىلار توپتالۋ، اقىل - پاراسات شوعىرلانۋ ابزالدىعىن ساۋلەلەندىرىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋ، رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ، قوعامنىڭ جاراسىمدىلىعىن، ورنىقتىلىعىن قورعاۋ سياقتى جاقتارداعى ماڭىزدى، قيىن، قولامتالى ماسەلەلەرگە شوعىرلاندىرىپ، ۇكىمەت ءىسىن كەڭەسۋدى ىشكەرىلەي ىلگەرىلەتۋى كەرەك. كەڭەسۋ فورماسىنداعى باقىلاۋ ابزالدىعىن ساۋلەلەندىرىپ، پارتيا مەن مەملەكەتتىڭ كەلەلى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن جەبەۋى كەرەك.

شي جينپيڭ بىلاي دەپ اتاپ كورسەتتى: حالىق ساياسي كەڭەسى بىرلىكساپتىڭ حالىق تىلەگىن ۇيىستىراتىن، كۇش - قۋاتتى توپتايتىن ساياسي رولىن ساۋلەلەندىرەتىن قىزمەت مەحانيزمىن كەمەلدەندىرىپ، پارتيا سىرتىنداعى زيالىلارعا، جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەرگە، جاڭا قوعامدىق جىكتەردەگى قايراتكەرلەرگە جانە ءدىني قايراتكەرلەرگە ساياسي جەتەكشىلىكتى كۇشەيتىپ، شەتەلدەگى مۇھاجىرلارمەن كەڭ كولەمدە ىنتىماقتاسىپ، بايلانىس جاساپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن كۇش سالا سىزۋى كەرەك.

شي جينپيڭ بىلاي دەپ باسا دارىپتەدى: حالىق ساياسي كەڭەسى قىزمەتىنىڭ ءتۇزىم مەحانيزمىن اقاۋسىزداندىرىپ، ساياسي كەڭەس كەڭەسۋىنىڭ باسقا دا كەڭەسۋ فورماسىنداعىلارمەن سايكەسۋىن، سەلبەسۋىن كۇشەيتىپ، تەرەڭدەي كەڭەسۋ، ىقپالداسۋ، پىكىردى تولىق ءبىلدىرۋ، كەڭ كولەمدە ورتاق تانىمعا كەلۋ مەحانيزمىن اقاۋسىزداندىرىپ، قوعام جاعدايىن، حالىق اۋانىن اڭىس ەتۋ، بۇقارامەن بايلانىس ورناتۋ، حالىققا قىزمەت وتەۋ مەحانيزمى قۇرىلىسىن كۇشەيتىپ، حالىقتىڭ جاعدايىن ءبىلۋ، حالىقتى قام - قايعىدان ارىلتۋ، حالىق جۇرەگىن مەيىرگە بولەۋ قىزمەتتەرىن كوبىرەك ىستەۋ كەرەك.

شي جينپيڭ بىلاي دەپ اتاپ كورسەتتى: ساياسي كەڭەستى تۇسىنەتىن، كەڭەسۋدى بىلەتىن، ۇكىمەت ءىسىن كەڭەسۋگە شەبەر، تارتىپكە بويسۇناتىن، قاعيدانى دارىپتەيتىن، ءمورالعا ءمان بەرەتىن ساياسي كەڭەس مۇشەلەرى قوسىنىن قۇرۋ − حالىق ساياسي كەڭەسىنىڭ جوعارى ساپامەن مىندەت وتەۋىنىڭ ماڭىزدى قامتاماسىزدىعى. قالىڭ ساياسي كەڭەس مۇشەلەرى ساياسي سالاۋاتىن قاستەرلەپ، ساياسي قاسيەتىن شىڭداپ، ساياسي قابىلەتىن جوعارىلاتىپ، بورىشتى جانە جاۋاپكەرشىلىك ارقالاۋدى كۇشەيتىپ، زەيىن - زەردە، كۇش - قۋات ۇيىستىرۋدىڭ، شەشىم جاساپ اقىل - كەڭەس بەرۋدىڭ، كەڭەستىك دەموكراتيانىڭ، مەملەكەتتى باسقارۋدىڭ ءبىرىنشى شەبىندەگى ناقتى امالياتقا سانالىلىقپەن ات سالىسۋى كەرەك.

شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ ءار دارەجەلى كوميتەتتەرى ساياسي كەڭەس قىزمەتىنە باسشىلىقتى كۇشەيتىپ، حالىق ساياسي كەڭەسىنىڭ فۋنكتسياسىن اتقارۋىنا قولداۋ كورسەتۋى كەرەك. ساياسي كەڭەس پارتيا باسشىلىق گرۋپپالارى بەتالىستى يگەرۋ، كەلەلى جاعدايدى باسقارۋ، تياناقتاندىرۋعا كەپىلدىك ەتۋ سىندى باسشىلىق رولىن ويداعىداي ساۋلەلەندىرىپ، جۇڭگو كوممۋنيستىك پارتياسىنىڭ ساياسي كەڭەس قىزمەتىنە باسشىلىعىن تياناقتاندىرۋدىڭ ۇيىمدىق جۇيەسى مەن ءتۇزىم مەحانيزمىن اقاۋسىزداندىرۋى كەرەك. پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ ساياسي كەڭەستىڭ پارتيا قۇرىلىسىن جاپپاي ىلگەرىلەتىپ، ستيلى پاك، سالتى دۇرىس، ءىس تىندىرىپ، ناتيجە شىعاراتىن تاماشا ساياسي ەكولوگيا قالىپتاستىرۋى كەرەك.

ۋاڭ حۋنيڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە حالىق ساياسي كەڭەسىنىڭ تاريحي ۇلەسىن جوعارى باعالاپ، حالىق ساياسي كەڭەسىنىڭ ايقىن جۇڭگوشا ەرەكشەلىگى مەن كورنەكتى ساياسي ابزالدىعىن ىشكەرىلەي بايىمداپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتۋ جونىندە ايقىن تالاپتاردى ورتاعا قويىپ، قازىر جانە مۇنان بىلايعى ءبىر مەزگىلدە حالىق ساياسي كەڭەسى قىزمەتىن ويداعىداي ىستەۋگە جاپپاي ورنالاستىرۋ جاساپ، جاڭا ءداۋىردىڭ جاڭا جورىعىندا حالىق ساياسي كەڭەسى ىستەرىنىڭ جوعارى ساپالى دامۋىنا ايقىن العا باسۋ بەتالىسىن كورسەتتى، ءتۇبىرلى تياناق ازىرلەدى. ءسوزدىڭ ويى ورەلى، سىندارلى دا تەرەڭ، مازمۇنى باي بولىپ، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، ءبىز مۇقيات ۇيرەنىپ، ءتۇسىنىپ، جاپپاي دايەكتىلەندىرۋىمىز، تياناقتاندىرۋىمىز كەرەك. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ءتۇسىنىپ، شىنايى تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ سانالىلىقپەن ورىنداپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، پارتيا مەن مەملەكەت ىستەرىن دامىتۋعا جاڭا ۇلەس قوسۋعا قۇلشىنۋىمىز كەرەك.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ءبىر ءبولىم ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ ورىنباسارلارى جانە كەزىندە مەملەكەتتىك ساياسي كەڭەستە باسشىلىق مىندەتىن وتەگەن ساقا جولداستار جينالىسقا قاتىناستى.

ورتالىقتىڭ جانە مەملەكەت ورگاندارىندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جانە ورىندارداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى مەملەكەتتىك ساياسي كەڭەستىڭ تۇراقتى مۇشەلەرى، قاتىستى جاقتارداعى ۋاكىلدەر قاتارلىلاردان 800 دەي ادام جينالىسقا قاتىناستى.

كەلۋ قاينارى: حالىق تورابى