وقۋ – اعارتۋ مينيسترلىگى 2025 – جىلعى مەملەكەت بويىنشا ماگيسترلىق اسپيرانتتىققا وقۋشى قابىلداۋدىڭ العاشقى سىناعى مەن تىزىمدەلۋ ۋاقىتى جونىندەگى ورنالاستىرۋدى جاريالادى

مەملەكەتتىك ماگيسترلىق اسپيرانتتىققا وقۋشى قابىلداۋدىڭ العاشقى ەمتيحان ۋاقىتى 2024 – جىلى 12 – ايدىڭ 21 – كۇنىنەن 22 – كۇنىنە دەيىن، ەمتيحان ۋاقىتى 6 ساعات بولاتىن ەمتيحان ءتۇرى 12 – ايدىڭ 23 - كۇنى الىنادى.

توراپتا تىزىمدەلۋ ۋاقىتى 2024 - جىلى 10 - ايدىڭ 15 - كۇنىنەن 10 - ايدىڭ 28 - كۇنىنە دەيىن (توراپتا الدىن الا تىزىمدەلۋ ۋاقىتى 2024 - جىلى 10 - ايدىڭ 9 - كۇنىنەن 10 - ايدىڭ 12 - كۇنىنە دەيىن، قاتىستى قىزمەت ورنالاستىرۋلارىن ولكە دارەجەلى وقۋ - اعارتۋ وقۋشى قابىلداۋ ەمتيحان قۇرىلىمدارى بەلگىلەيدى ءارى جاريالايدى)، ءار كۇنى 9:00 ~ 22:00 ارالىعىندا بولادى. ەمتيحان بەرۋشىلەردىڭ سول كەزدە ”جۇڭگو اسپيرانتتىققا وقۋشى قابىلداۋ ينفورماتسيا تورابىنا“ (توراپ ادرەسى: https://yz.chsi.com.cn) شىعىپ تىزىمدەۋلىنە بولادى، تىزىمدەلۋشى تىزىمدەلۋدە كوڭىل بولۋگە ءتيىستى ىستەر، وقۋشى قابىلدايتىن ورىنداردىڭ وقۋشى قابىلداۋ ۋستاۆى، سونداي - اق ولكە دارەجەلى وقۋ - اعارتۋ وقۋشى قابىلداۋ ەمتيحان قۇرىلىمدارىنىڭ تىزىمگە الدىرۋ، ەمتيحان الۋ، ورنالاستىرۋ ىستەرى قاتارلىلاردى دۇرىستاپ كورىپ، تالاپ بويىنشا ينفورماتسيانى قاز - قالپىندا تولتىرۋى ءارى شىنايى ماتەريالمەن قامداۋى كەرەك.

توراپتا تۇراقتاندىرۋ ۋاقىتىن ولكە دارەجەلى وقۋ - اعارتۋ وقۋشى قابىلداۋ ەمتيحان قۇرىلىمدارى وقۋ - اعارتۋ مينيسترلىگىنىڭ قاتىستى قىزمەت ورنالاستىرۋىنا جانە ءوز رايونىنداعى ەمتيحان بەرۋ ۇيىمدارىنىڭ جاعدايىنا قاراي وزدەرى بەلگىلەيدى جانە جاريالايدى، ناقتى تۇراقتاندىرۋ قىزمەتىن قاتىستى ەمتيحان بەرۋ تۇيىندەرى ۇيىمداستىرىپ اتقارادى. ”جۇڭگو اسپيرانتتىققا وقۋشى قابىلداۋ ينفورماتسيا تورابى“ 2024 – جىلى 9 – ايدىڭ 26 – كۇنىنەن 29 - كۇنىنە دەيىن ”مەملەكەتتىك ماگيستر اسپيرانتتىققا وقۋشى قابىلداۋدى ۇگىتتەۋ، اقىل – كەڭەس بەرۋ قيمىلىن“ ورىستەتەدى، سول كەزدە اسپيرانتتىققا وقۋشى قابىلدايتىن بارلىق ورىندار ەمتيحان بەرۋشىلەردىڭ اقىل – كەڭەس سۇراۋىنا توراپتا جاۋاپ قايتارادى.

كەلۋ قاينارى: حالىق تورابى