ىشكى موڭعۇل اۆتونوميالى رايونى اباگا حوشۋنى سارۋلاتۋيا گاچاسىنىڭ مالشىسى تيڭ باتىر
«ساحارانى كوركەيتۋگە بۇكىل عۇمىرىمدى ارناعىم كەلەدى» (پارتيا 20 – قۇرىلتايىنىڭ ۋاكىلىنىڭ كەلبەتى)
حالىق گازەتىنىڭ ءتىلشىسى ديڭ جىجۇن
2022.09.29 17:30 كەلۋ قاينارى : حالىق تورابى
سۋرەتتە: تيڭ باتىر ءوز وتباسىنىڭ جايلاۋىندا. شينحۋا اگەنتتىگىنىڭ ءتىلشىسى ليۋ لەي فوتوسى
ىشكى موڭعۇل اۆتونوميالى رايونى اباگا حوشۋنى سارۋلاتۋيا گاچاسىنىڭ مالشىسى، پارتيا ياچەيكاسىنىڭ بۇرىنعى شۋجيى تيڭ باتىر وتباسىنىڭ جايلاۋىنان 3 اۋىز ءۇيدى كورۋگە بولادى. ونىڭ ەكەۋى شاعىن بولمە، جەكە – جەكە، جاتىن ءۇي مەن اس ءۇي ءارى قوناق بولمە. ەڭ ۇلكەن بولمەسى — مالشىلاردى تاربيەلەيتىن مەكتەپ. «مەكتەپتى حوشۋن سالعان، مەن باستىسى كوپشىلىككە كىرىستى ارتتىرىپ، اۋقاتتانۋ جانە جايىلىمدى قورعاۋ تۋرالى ساباق بەرەمىن»، — دەيدى تيڭ باتىر. ول باستان – اياق تەگىن ساباق بەرۋگە تاباندى بولىپ كەلەدى، كۋرس مەكتەبى قۇرىلعاننان بەرى، جىل سايىن ون مىڭنان استام مالشى وسى ارادا ۇيرەنەدى ءارى تاجىريبە اۋىستىرادى.
تيڭ باتىر — مەملەكەت قۇرۋعا اتسالىسقان شاۋجياڭ تيڭ ماۋدىڭ ۇلى. 1974 – جىلى 19 جاستاعى تيڭ باتىر ورتا مەكتەپتەن وقۋ تاۋىسقان سوڭ، ىشكى موڭعۇل اۆتونوميالى رايونى حوححوت قالاسىنان شيلينعول ايماعى اباگا حوشۋنى سارۋلاتۋيا گاچاسىنا كەلىپ ورنالاسقان. سول كەزدە مال شارۋاشىلىق رايونىنىڭ تۇرمىسى نەداۋىر جاپالى بولاتىن. «مالشىلار سيىردىڭ تەزەگىن جاعىپ، تەمىر وشاققا قازان اسىپ تاماق پىسىراتىن، تۇتىنگە شاشالىپ، وتقا قارىلىپ جۇرەتىن»، — دەيدى تيڭ باتىر. 50 جىلعا جۋىق ۋاقىت وتسە دە، بۇل جەرگە جاڭا كەلگەن كەزدەگى كورىنىستەر تيڭ باتىردىڭ كوكەيىندە سايراپ تۇرادى.
تيڭ باتىر: «مالشىلاردى جاقسى تۇرمىسقا كەنەلتۋىم كەرەك!» — دەپ سەرت بەردى، وسى ءۇشىن، ول كوپ رەت قالاعا قايتۋ ورايىنان كەشىپ، مال شارۋاشىلىق رايونعا تامىر تارتىپ، سول جەردەگى مالشىلاردى دامۋعا جەتەلەدى. الدىڭعى عاسىردىڭ 80 – جىلدارىنىڭ باسىندا، گاچادا وتباسىنا مەنشىك مال بولگەن كەزدە، سول كەزدەگى گاچا باستىعى تيڭ باتىر مىناداي بەلگىلەمە جاسادى: زيالى جاستاردىڭ ءوز قولىندا مال الىپ قالۋىنا بولمايدى. سول كەزدە ول جەردە زيالى جاستاردان تەك ونىڭ ءوزى عانا قالعان بولاتىن، سوندىقتان، بۇل بەلگىلەمە، ءىس جۇزىندە، ونىڭ وزىنە باعىتتالعان. كەيىن جايىلىم مەن مالدى قوسارىنان كوتەرمەگە بەرۋ ساياساتى اتقارىلعاندا، ول مالشىلارعا جايىلىم مەن قوي – سيىردى الدىمەن تاڭداتىپ، ەڭ ناشار جايىلىمدى، ەڭ ارىق قوي – سيىردى وزىنە قالدىردى.
1993 – جىلدان 2018 – جىلعا دەيىن، تيڭ باتىر باستان – اياق سارۋلاتۋيا گاچاسىنىڭ پارتيا ياچەيكا شۋجيى بولدى. ول مال شارۋاشىلىعىنا قاتىستى بىلىمدەردى وزدىگىنەن ۇيرەنىپ، قۇلشىنا ەڭبەكتەندى، قوراسىنداعى قويلارى تەز جەتىلىپ، كوپ تولدەدى، ونىڭ ۇستىنە، اۋرۋعا دا از شالدىعاتىن بولدى. الايدا، ۋاقىتتىڭ وتۋىمەن، تيڭ باتىر مالدى شەكتەن تىس ارتىق باعۋدىڭ سەبەبىنەن جايىلىمنىڭ ازىپ بارا جاتقانىن بايقايدى. «ءبىر سيىردا 4 اياق بار، 5 قوي باقساڭىز 20 تۇياق دەگەن ءسوز. الايدا، 5 قويدان تۇسەتىن كىرىم ءبىر سيىرعا جەتپەيدى، ونىڭ ۇستىنە، جايىلىمعا بولعان زالالى سيىردان كوپ»، — دەيدى تيڭ باتىر، وسىلايشا، تيڭ باتىر قويلاردى ساتىپ، سيىرعا الماستىردى. ونىڭ ۇلگى كورسەتۋىندە، بۇكىل گاچاداعى مالشىلار «قويدى ازايتىپ، سيىردى كوبەيتۋدى» باستادى. رايونعا ءبولىپ، جايىلىم جاڭالاپ مال باعۋ، عىلىمي مال باعۋ قاتارلى تاسىلدەردى قولدانۋ ارقىلى ول مالشىلاردى باستاپ، جايىلىمنىڭ جاسىل جەلەك جامىلۋى مەن مالشىلاردىڭ كىرىسىن ارتتىرۋىنا دا بىردەي پايدالى جولدى تاپتى.
2018 – جىلى پارتيا ياچەيكا شۋجيى مىندەتىنەن بوساۋدان بۇرىن، تيڭ باتىر جىل سايىنىڭ ءوزىنىڭ مالىنىڭ ءبىر بولىگىن گاچاداعى كەدەي وتباسىلارعا ءبولىپ بەردى. مىندەتتەن بوساعان كەزدە، ول تاعى ءبىر ءبولىم مال – مۇلكىن مالشىلارعا ۇلەستىرىپ بەردى.
«ەڭ سۇيىكتى كۇرەسكەر»، «1 – شىلدە وردەنىنىڭ» يەگەرى ... وسى تەكتەس داڭقتار — تيڭ باتىرعا بولعان قولداۋ. بيىل ول داڭقپەن پارتيا 20 – قۇرىلتايىنىڭ ۋاكىلى بولىپ سايلاندى.
تيڭ باتىر باستان – اياق اۋەلگى ماقساتتى ۇمىتپادى: «ساحارانى كوركەيتۋگە بۇكىل ءومىرىمدى ارناعىم، مالشىلار بۇقاراسىن اناعۇرلىم باقىتتى تۇرمىسقا كەنەلتۋگە جەتەلەگىم كەلەدى»، — دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
