بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭنىڭ 17 عىلىم - تەحنيكا نىسانى بۇكىل ەلگە جاريالاندى

2023.02.01 15:13     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى شيە حۇيبيان 1 - ايدىڭ 30 - كۇنى ۇرىمجىدەن حابارلايدى. 1 - ايدىڭ 29 - كۇنى اۆتونوميالى رايوندىق عىلىم - تەحنيكا مەڭگەرمەسى 2022 - جىلعى ”قابىلەتتىلەر باستاماشى بولۋ“ عىلىم - تەحنيكا نىسانى تىزىمدىگىن جاريالادى، شينجياڭداعى 17 نىسان بۇكىل ەلگە جاريالاندى، جالپى سوماسى 160 ميلليون يۋاننان استى. مۇنىڭ ىشىندە قازىنالىق قولداۋ قاراجاتى 60 ميلليون يۋاننان اسادى، قالعان قارجىنى كاسىپورىن بەلگىلى سالىستىرما بويىنشا شىعارادى.

  بۇل 17 نىسان جەمىس ورمان شارۋاشىلىعى، سۋ يگىلىگى ينجەنەرياسى، كەن شارۋاشىلىعى، قاتىناس سياقتى ءداستۇرلى كاسىپ سالاسىنا سايادى، سونداي - اق بيولوگيالىق تۇقىم جەتىلدىرۋ، مەحانيكا - ەلەكترون، جابدىق جاساۋ، جاڭا ماتەريال، بيولوگيالىق ءدارى - دارمەك سياقتى ستراتەگيالىق جاڭادان گۇلدەنگەن كاسىپ سالالارىن دا قامتيدى. جەكە ءتۇر سوماسى ەڭ جوعارىسى شينجياڭ داميڭ كەن كاسىبى توبى جارنا شەكتى سەرىكتەستىگىنىڭ ۇساق تۇيىرشىكتى ءبىر جاقتىلى ەتۋ قيىن بولعان تەمىر بايلىعى شالا سۇرىپتالعان رۋدانى جوعارى ساپتىق دەڭگەيدە سۇرىپتاۋ تەحنولوگياسى مەن جابدىقتارىن زەرتتەۋ نىسانى بولىپ، 32 ميلليون يۋانعا جەتتى، ونان قالسا، شينجياڭ قاتىناس قۇرىلىسى توبى شەكتى جارنا سەرىكتەستىگىنىڭ شينجياڭ قۇراستىرمالى كوپىر جوبالاۋ جانە قۇرىلىس جۇرگىزۋ شەشۋشى تەحنيكاسىن زەرتتەۋ نىسانى، سوماسى 30 ميلليون يۋانعا جەتتى.

  اۆتونوميالى رايوندىق عىلىم - تەحنيكا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بۇل نىساندار نازاردى كاسىپ سالاسىنىڭ شەشۋشى تەحنيكالارىنداعى كىلتەڭ تۇستارعا شوعىرلاندىرعان، ايقىن قولدانىس جاعدايى، انىق تەحنيكالىق كورسەتكىشى بار، وسى تەحنيكالىق ماسەلەلەردى شەشۋ قاتىستى كاسىپ سالالارىنىڭ جەدەل دامۋىنا دەم بەرىپ، ەكونوميكانىڭ جاڭا ارتۋ ءتۇيىنىن قالىپتاستىرادى ءارى شينجياڭعا قاتىستى سالاداعى ءبىر توپ تەحنيكا تىرەكتى دارىندىلارىن تاربيەلەپ بەرەدى.

  ۇعىسۋعا قاراعاندا، كۇش توپتاپ شەشۋشى ”القىمداعان“ تەحنيكالاردان قامال الۋ ءۇشىن، 2021 - جىلى شينجياڭ تۇڭعىش رەت كەلەلى عىلىم - تەحنيكا نىسانىن ”قابىلەتتىلەر باستاماشى بولۋدى“ سىناق رەتىندە اتقارىپ، 5 ”قابىلەتتىلەر باستاماشى بولۋ“ عىلىم - تەحنيكا نىسانى تىزىمدىگىن جاريالاعان.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار