وقۋ - اعارتۋ مينيسترلىگى ”2023 - جىلعى جوعارى مەكتەپ ەمتيحانىنا قاتىستى ينتەرنەت ارقىلى كەڭەس بەرۋ اپتالىعىنىڭ“ ۋاقىتىن جاريالادى
2023.06.20 18:14 كەلۋ قاينارى : حالىق تورابى
ءتىلشىنىڭ 6 - ايدىڭ 19 - كۇنى وقۋ - اعارتۋ مينيسترلىگىنەن ۇعىسۋىنشا، ”2023 - جىلعى جوعارى مەكتەپ ەمتيحانىنا قاتىستى ينتەرنەت ارقىلى كەڭەس بەرۋ اپتالىعى“ قيمىلى 6 - ايدىڭ 22 - كۇنىنەن 28 - كۇنىنە دەيىن وقۋ - اعارتۋ مينيسترلىگىنىڭ ”ساۋلەلى جوعارى مەكتەپ ەمتيحانى ينفورماتسيا تەكشەسىندە“ （阳光高考） وتكىزىلەدى.
قيمىل مەزگىلىندە، اتالعان تەكشە جازباشا سۇراۋ - جاۋاپ جانە كەسكىندى تىكە تاراتىلىم سىندى ەكى ءتۇرلى ءتاسىلدى قولدانادى، جازباشا سۇراۋ - جاۋاپ ۋاقىتى ساعات 9 دان 17 گە دەيىن، جوعارى مەكتەپتەردى كەسكىندى تىكە تاراتىلىم ءتاسىلى ارقىلى وقۋشى قابىلداۋ جونىندە ۇگىت جاساۋعا جانە كەڭەس بەرۋگە شابىتتاندىرادى. ءارقايسى جوعارى مەكتەپتەر وقۋشى قابىلداۋ جونىندە ينتەرنەت ارقىلى ۇگىت جۇرگىزىپ، ەمتيحان بەرگەن وقۋشىلارعا، اتا - انالارعا تالاپ كەستەسىن تولتىرۋ جونىندە دۇرىس ءارى سەنىمدى، جان - جاقتى، ەگجەي - تەگجەيلى كەڭەس بەرىپ جەتەكشىلىك ەتەدى ءارى قىزمەت وتەيدى.
ەمتيحان بەرگەن وقۋشىلاردىڭ وقۋ - اعارتۋ مينيسترلىگىنىڭ ”ساۋلەلى جوعارى مەكتەپ ەمتيحانى ينفورماتسيا تەكشەسى“ تورابى، ”ساۋلەلى جوعارى مەكتەپ ەمتيحانى ينفورماتسيا تەكشەسى“ ۋيچات تەكشەسى، ”ساۋلەلى جوعارى مەكتەپ ەمتيحانى“ بايدۋ شاعىن پروگرامماسى قاتارلى جولدار ارقىلى كەڭەس سۇراۋ اپتالىعى قيمىلىنا قاتىناسىپ، جوعارى مەكتەپتەردىڭ كەسكىندى تىكە تاراتىلىم قيمىلى جونىندەگى ورنالاستىرۋلارىنىڭ جاعدايىن ۇعىسۋىنا بولادى. (ءتىلشى: شى يۇيسىن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
