مادەنيەت جانە ساياحات مينيسترلىگى ساياحاتشىلاردىڭ ”دارەتحانا تابا الماۋ“ ماسەلەسىن شىنايى شەشىم ەتۋدى تالاپ ەتتى
2023.06.20 18:16 كەلۋ قاينارى : حالىق تورابى
ءتىلشىنىڭ 9 - ايدىڭ 19 - كۇنى مادەنيەت جانە ساياحات مينيسترلىگىنەن ۇعىسۋىنشا، مادەنيەت جانە ساياحات مينيسترلىگىنىڭ اقپارات كەڭسەسى جۋىردا ۇقتىرۋ جاريالاپ، ساياحات ورىندارىندا دارەتحانا سالۋدى، دارەتحانانى باسقارۋدى اناعۇرلىم كۇشەيتۋدى تالاپ ەتكەن.
ۇقتىرۋدا اناعۇرلىم كوپ ۇكىمەت ورگاندارىن، كاسىپورىندار مەن ءىسورىندارىن ساياحاتشىلارعا دارەتحانانى تەگىن تۇردە اشىق ۇستاۋعا، ”دارەتحانانى اشىق ۇستاۋ بىرلەستىگىن“ ۇزدىكسىز بەكەمدەۋگە جانە كەڭەيتۋگە شابىتتاندىرعان؛ ساياحات ورىندارىنداعى دارەتحانالاردىڭ ورنىن ەلەكتروندى قاريتالاردا بەلگىلەۋ قىزمەتىن ۇزدىكسىز ىلگەرىلەتىپ، ساياحاتشىلاردىڭ ”دارەتحانا تابا الماۋ“ ماسەلەسىن شىنايى شەشىم ەتۋدى، ءارقايسى ولكەلەردە (اۆتونوميالى رايون، توتە قاراستى قالا) ساياحات ورىندارىنداعى ەلەكتروندى قاريتالاردا دارەتحانانىڭ ورنىن بەلگىلەۋ مولشەرىن %95 تەن اسىرۋدى تالاپ ەتكەن.
ۇقتىرۋدا ەرلەر مەن ايەلدەر دارەتحاناسىنىڭ سالىستىرماسىن عىلىمي ورنالاستىرۋ، كەدەرگىسىز دارەتحانا جانە وتباسىلىق دارەتحانا قۇرىلىسىن كۇش سالا كۇشەيتۋ، 3A دارەجەلى جانە ودان جوعارى دارەجەلى ساياحات كورىنىس رايوندارىندا، سونداي - اق، مەملەكەت دارەجەلى، ولكە دارەجەلى ساياحات - دەمالىس رايوندارىندا وتباسىلىق دارەتحانانى بۇكىلدەي جالپىلاستىرۋ ورتاعا قويىلعان.
ساياحاتشىلار قاۋىرت كوبەيەتىن مەزگىلدە دارەتحانانى باسقارۋدىڭ قيىن بولۋى سىندى ماسەلە جونىندە، ۇقتىرۋدا مىنالار ورتاعا قويىلعان: جەر - جەردىڭ ساياحاتشىلار قاۋىرت كوبەيەتىن مەزگىلدە دارەتحانانى باسقارۋ جانە قىزمەت وتەۋ جونىندەگى ارناۋلى قىزمەت جوباسىن جاساۋىنا جەتەكشىلىك ەتۋ كەرەك. ساياحاتشىلار سانى جونىندەگى مەجەلەنگەن ساندى مالىمەتكە ساي دارەتحانانى تولىقتاپ، جىلجىمالى دارەتحانالاردى الدىن الا ساتىپ الۋ جانە مايعا الۋ، سول ورىننىڭ ءىس جۇزىندىك جاعدايىمەن ۇشتاستىرا وتىرىپ، رەتتەمەلى دارەتحانا، ەرلەر دە، ايەلدەر دە پايدالانۋعا بولاتىن دارەتحانا، ەرلەر مەن ايەلدەر اۋىستىرىپ پايدالانۋعا بولاتىن دارەتحانا قاتارلى قۇرىلعىلار قۇرىلىسىن كۇشەيتىپ، ساياحات كورىنىس رايوندارىنىڭ كىرىپ - شىعاتىن ەسىگى مەن تارتىمدى كورىنىس ورىندارى، كورىنىس تاماشالاۋ تەكشەسى قاتارلى ادامدار كۇرت شوعىرلاناتىن ورىنداردا دارەتحانا سالۋدى كۇشەيتۋ كەرەك. ساياحاتشىلار قاۋىرت كوبەيەتىن مەزگىلدە دارەتحانا تازالاۋشىلاردىڭ سانىن كوبەيتۋ جانە تازالاۋ جيىلىگىن ارتتىرۋ قاجەت. (ءتىلشى: شۇي جۋاڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
