وقۋ - اعارتۋ مينيسترلىگى 2023 - جىلعى جاي جوعارى مەكتەپتەرگە وقۋشى قابىلداۋ قىزمەتىن ويداعىداي ىستەۋ جونىندە ورنالاستىرۋ جاسادى
2023.06.21 16:48 كەلۋ قاينارى : حالىق تورابى
ءتىلشىنىڭ 6 - ايدىڭ 21 - كۇنى وقۋ - اعارتۋ مينيسترلىگىنەن ۇعىسۋىنشا، 2023 - جىلعى جاي جوعارى مەكتەپتەرگە وقۋشى قابىلداۋ قىزمەتى باستالۋ الدىندا تۇر. وقۋ - اعارتۋ مينيسترلىگى جۋىردا جوعارى مەكتەپتەرگە وقۋشى قابلىداۋ قىزمەتى جونىندە ورنالاستىرۋ جاساپ، جەر - جەردەگى ءارقايسى جوعارى مەكتەپتەردەن جۇيەلى باسقارۋدى كۇشەيتىپ، جوعارى مەكتەپتەرگە وقۋشى قابىلداۋدىڭ ءادىل، ادىلەتتى بولۋىن كۇش سالا قورعاۋدى تالاپ ەتتى.
وقۋ - اعارتۋ مينيسترلىگى مىنانى تالاپ ەتتى: وقۋ - اعارتۋعا باعا بەرۋدىڭ دۇرىس باعدارىندا تاباندى بولىپ، جوعارى مەكتەپ ەمتيحانىنداعى ناتيجەنى جاريالاۋ قىزمەتىن قاتاڭ، جۇيەلى، ويداعىداي ىستەپ، ەمتيحان بەرگەن وقۋشىلاردى جوعارىلاپ وقۋ جانە دارىندى بولىپ جەتىلۋ جونىندە دۇرىس كوزقاراس ورناتۋعا جەتەلەۋ كەرەك. وقۋشى قابىلداۋ قىزمەتىن ۇيىمداستىرۋدى، باسشىلىق ەتۋدى كۇشەيتىپ، قىزمەت جوباسىن مۇقيات بەلگىلەپ، قىزمەت جاۋاپكەرشىلىگىن مۇقيات تياناقتاندىرىپ، وقۋشى قابىلداۋ ساياساتى مەن وقۋشى قابىلداۋ جوسپارىن قاتاڭ اتقارىپ، وقۋشىلاردىڭ تالاپ كەستەسىن تولتىرۋ جانە ارحيۆ جولداۋ، وقۋشىلاردى قابىلداۋ قىزمەتىن قاتاڭ، ويداعىداي ورىنداپ، وقۋشى قابىلداۋ قىزمەتىنىڭ ورنىقتى دا ءتارتىپتى اتقارىلۋىنا كەپىلدىك ەتۋ كەرەك.
وقۋ - اعارتۋ مينيسترلىگى مىنانى باسا دارىپتەدى: وقۋشى قابىلداۋ قىزمەتىن باقىلاۋ - باسقارۋدى كۇشەيتىپ، وقۋشى قابىلداۋ قىزمەتىنىڭ ءتارتىبىن قاتاڭداتۋ، جوعارى مەكتەپتەرگە وقۋشى قابىلداۋداعى ”ون ءتۇرلى قاتاڭ تيىم“، ”30 ءتۇرلى جول بەرىلمەيتىن ءىس“، ”سەگىز تارماقتى نەگىزدىك تالاپ“ قاتارلى قىزمەت تالاپتارىنا قاتاڭ بويسۇنۋ، مەملەكەت، ولكە، جوعارى مەكتەپ، ورتا مەكتەپ سىندى ءتورت دارەجەلى ورىننىڭ ينفورماتسيانى اشىق ۇستاۋ ءتۇزىمىن مۇقيات تياناقتاندىرىپ، قوعامنىڭ باقىلاۋىن ىرىقتىلىقپەن قابىلداۋ كەرەك. وقۋشى قابىلداۋ مەزگىلىندە، اشكەرەلەۋ جانە كەڭەس سۇراۋ تەلەفونىن قوعامعا اشىق جاريالاپ، قابىلداۋعا ارناۋلى ادام ورنالاستىرىپ، وقۋشىلار مەن اتا - انالار كوڭىل ءبولىپ وتىرعان ماسەلەلەرگە دەر كەزىندە جاۋاپ قايتارۋ كەرەك. باقىلاۋ - باسقارۋ جاۋاپكەرشىلىگىن مۇقيات تياناقتاندىرىپ، قاتىستى تاراۋلارمەن بىرگە وقۋشى قابىلداۋ بارىسىن تەكسەرۋدى ورىستەتۋ، بەلگىلەمەگە قايشى ارەكەتتەردى زاڭ - تۇزىمگە ساي قاتاڭ ءبىر جاقتى ەتۋ كەرەك. (ءتىلشى شى يۇيسىن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
