ەلىمىزدىڭ وڭتۇستىگىندە 16 وزەندە ساقتىق سىزىعىنان اسقان تاسقىن تۋىلدى
2023.06.25 16:10 كەلۋ قاينارى : حالىق تورابى
سۋ يگىلىگى مينيسترلىگىنىڭ 6 - ايدىڭ 24 - كۇنى تاسقىن جاعدايى تۋرالى جاريالاعان حابارلاندىرۋىنا قاراعاندا، 6 - ايدىڭ 20 - كۇنىنەن بەرى، ەلىمىزدىڭ باتىس وڭتۇستىك وڭىرلەرىنىڭ شىعىس بولىگى مەن وڭتۇستىك بولىگى، چاڭجياڭنىڭ وڭتۇستىگى، وڭتۇستىك جۇڭگو جانە حۋبەي ولكەسىنىڭ وڭتۇستىك بولىگى قاتارلى جەرلەردە قالىڭ نوسەر جاۋعان. قالىڭ نوسەردىڭ ىقپالىنا ۇشىراعاندىقتان، گۋاڭدۇڭ، گۋاڭشي، حۋنان، جياڭشي، يۇننان قاتارلى جەرلەردەگى 16 وزەندە ساقتىق سىزىعىنان اسقان تاسقىن تۋىلعان.
وسى جولعى كەڭ كولەمدى قالىڭ نوسەر جاۋۋ بارىسىنا باعىتتاي وتىرىپ، سۋ يگىلىگى مينيسترلىگى ىلگەرىندى - كەيىندى 5 قىزمەت گرۋپپاسىن جياڭشي، حۋبەي، حۋنان، گۋاڭشي، گۇيجوۋ ولكەلەرىنىڭ تاسقىننان ساقتانۋ قىزمەتىنە سەلبەسۋگە، جەتەكشىلىك ەتۋگە جىبەرگەن. قازىر گۋاڭشي مەن حۋنان تاسقىننان ساقتانۋدىڭ Ⅲ دارەجەلى شۇعىل جاعدايعا توتەپ بەرۋ شاراسىن ساقتاۋدا، جىجياڭ، فۋجيان، جياڭشي، يۇننان، سونداي - اق، سۋ يگىلىگى مينيسترلىگىنىڭ چاڭجياڭ سۋ يگىلىگى كوميتەتى، جۋجياڭ سۋ يگىلىگى كوميتەتى، تايحۋ الابىن باسقارۋ مەكەمەسى تاسقىننان ساقتانۋدىڭ Ⅳ دارەجەلى شۇعىل جاعدايعا توتەپ بەرۋ شارالارىن ساقتاۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
