وقۋ - اعارتۋ مينيسترلىگى قۇجات جاريالاپ، جوعارى مەكتەپتەن وقۋ تاۋىسقانداردىڭ جۇمىستانۋ باعدارىن تىزىمدەۋدى جۇيەلى، ويداعىداي ىستەۋدى تالاپ ەتتى
2023.06.25 16:16 كەلۋ قاينارى : حالىق تورابى
ءتىلشىنىڭ 6 - ايدىڭ 21 - كۇنى وقۋ - اعارتۋ مينيسترلىگىنەن ۇعىسۋىنشا، وقۋ - اعارتۋ مينيسترلىگىنىڭ كەڭسە مەڭگەرمەسى جۋىردا ۇقتىرۋ جاريالاپ، جوعارى مەكتەپتەن وقۋ تاۋىسقانداردىڭ جۇمىستانۋ باعدارىن جۇيەلى، ويداعىداي تىزىمدەۋدى تالاپ ەتكەن. جوعارى مەكتەپتەر سول مەكتەپتەن وقۋ تاۋىسقانداردىڭ (ۇيرەنۋدى اياقتاتقانداردى قامتيدى) مەكتەپتەن اتتانار الدىندا جۇمىستانۋ باعدارىن تىزىمدەۋ جۇيەسىنەن (ءارقايسى ولكەلەر بەلگىلەگەن مەملەكەتتىك تىزىمدەۋ جۇيەسى نەمەسە ولكە دارەجەلى تىزىمدەۋ جۇيەسى) پايدالانىپ، ءوزىنىڭ جۇمىستانۋ باعدارىنا قاتىستى ينفورماتسيالاردى ەستەلىككە الۋىنا جەتەكشىلىك ەتۋى كەرەك. جوعارى مەكتەپتەر تىزىمدەگەن ينفورماتسيالاردى تەكسەرۋ، قاداعالاۋ قىزمەتىن قاتاڭ اتقارىپ، شىن ءارى دۇرىس بولۋىنا كەپىلدىك ەتۋى كەرەك.
ۇقتىرۋدا مىنالار اتاپ كورسەتىلگەن: جوعارى مەكتەپتەن وقۋ تاۋىسقانداردىڭ جۇمىستانۋ باعدارىن تىزىمگە الۋدى جۇيەلى، ويداعىداي ىستەۋ — جۇمىستانعانىن مالىمدەۋ كۋالىگىن كۇشىنەن قالدىرۋدىڭ تىڭ تالابى، جوعارى مەكتەپتەن وقۋ تاۋىسقانداردىڭ جۇمىستانۋ جاعدايىن وبيەكتيۆ تۇردە ايگىلەيتىن نەگىزدىك قىزمەت، وقۋ تاۋىسقانداردىڭ نوپوستى جانە ارحيۆتى جوتكەۋىندەگى ماڭىزدى ىسپات. وقۋ - اعارتۋ مينيسترلىگى وقۋشىلارعا قىزمەت وتەۋ جانە ساپانى دامىتۋ ورتالىعىنا مىندەتتەۋ ارقىلى جوعارى مەكتەپتەن وقۋ تاۋىسقانداردىڭ جۇمىستانۋ باعدارىن تىزىمدەيتىن مەملەكەتتىك جۇيەنى قۇرىپ، وقۋ تاۋىسقانداردى جۇمىستانۋ باعدارىنا ساياتىن ينفورماتسيالاردى دەربەس تىزىمدەتۋ، تۇراقتاندىرۋ جانە ىزدەۋ - سالىستىرۋ يقۋاتتارىمەن قامدادى، جەر - جەردەگى جوعارى مەكتەپتەر تەز ارادا جاپپاي جالپىلاستىرۋى، پايدالانۋى كەرەك. 2023 - جىلى ءارقايسى ولكە دارەجەلى جۇمىستانۋ قىزمەتى تاراۋلارىنىڭ مەملەكەتتىك تىزىمدەۋ جۇيەسىنەن نەمەسە جوعارى مەكتەپتەن وقۋ تاۋىسقانداردىڭ جۇمىستانۋىن تىزىمگە الاتىن ولكە دارەجەلى تىزىمدەۋ جۇيەسىنەن پايدالانىپ، وقۋ تاۋىسقانداردىڭ جۇمىستانۋ باعدارىن تىزىمدەۋ قىزمەتىن ورىستەتۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
