قياق كۇرىش مەرەكەسى دەمالىسىندا ەل ىشىندەگى ساياحاتتاۋشىلار 106 ميلليون ادام - رەتكە جەتتى
2023.06.25 17:37 كەلۋ قاينارى : حالىق تورابى
«حالىق گازەتى»، 6 – ايدىڭ 24 – كۇنى، بەيجيڭ (تىلشىلەر ۋاڭ كى، جىڭ حاي - وۋ، حان شين). 6 – ايدىڭ 24 – كۇنى مادەنيەت جانە ساياحات مينيسترلىگىنەن ۇعىسۋىمىزشا، قياق كۇرىش مەرەكەسى دەمالىسىندا مادەنيەت جانە ساياحات كاسىبىنىڭ قالپىنا كەلۋ تەبىنى كۇشتى، بازار جالپى جاقتان ورنىقتى، ءتارتىپتى بولعان. جالپىلىق ەسەپتەۋگە نەگىزدەلگەندە، ەل ءىشى ساياحاتىندا ساياحاتتاۋشىلار 106 ميلليون ادام - رەتكە جەتىپ، سايكەس مەزگىلدەگىدەن %32.3 ارتىپ، سالىستىرمالى ولشەم بويىنشا 2019 - جىلعى سايكەس مەزگىلدەگىدەن %112.8 ارتقان؛ ەل ءىشى ساياحات كىرىسى 37 ميلليارد 310 ميلليون يۋانعا جەتىپ، سايكەس مەزگىلدەگىدەن %44.5 ارتقان.
مادەنيەت جانە ساياحات ونىمدەرىمەن قامداۋ مول بولدى. بەيجيڭ قالاسى ءارقايسى رايونمەن، ءارقايسى قاتىستى ورىنمەن بىرلەسىپ جيىنى ءبىر مىڭ 700 رەتتەن استام ءتۇرلى قيمىلدى العا قويدى؛ چۇڭچيڭ قالاسى 200 تۇردەن استام ەرەكشە مادەنيەت - ساياحات قيمىلىن، سونداي - اق 70 تەن استام ساياحات جەلىسىن جانە 80 نەن استام حالىققا تيىمدىلىك جاساۋ شاراسىن العا قويدى؛ فۋجيان ولكەسىنىڭ مادەنيەت، ساياحات جۇيەسى جەلى ءىشى - سىرتىن ۇشتاستىرۋ ءتاسىلى ارقىلى 230 رەتتەن استام مادەنيەت - ساياحات قيمىلىن العا قويدى. جەر - جەردەگى ۇلتتىق سالت - سانا، مادەنيەت قيمىلدارى باي مازمۇندى بولىپ، ءداستۇرلى ۇلتتىق سالت - سانا، حالىقتىق كوركەمونەر مۇراجاي، اسەمونەر سارايى سياقتى مادەنيەت كەڭىستىگىمەن ورگانيكالى توعىستى. ساندى مالىمەتتە كورسەتىلۋىنشە، دەمالىس كەزىندە مادەنيەت كورمە سارايلارىنا ساپارلاي بارعان، بەيزاتتىق مادەني مۇراعاتتار نىسانى جانە مۋزىكا مەرەكەسى سياقتى مادەنيەت قيمىلدارىنا قاتىناسقان ساياحاتشىلاردىڭ سالىستىرماسى %87.9 كە جەتكەن. كەشكى ساياحاتقا قاتىناسقان ساياحاتشىلاردىڭ سالىستىرماسى %22.3 كە جەتىپ، 2022 - جىلعى ۇقساس مەزگىلدەگىدەن 7.9 پايىز جوعارىلاعان.
قاتىناس - تاسىمال مينيسترلىگىنىڭ ساندى مالىمەتىنە قاراعاندا، قياق كۇرىش مەرەكەسى دەمالىسىندا بۇكىل ەل بويىنشا تەمىر جول، تاس جول، سۋ جولى، حالىقتىق اۆياتسيا مەجەمەن جيىنى 140 ميلليون 470 مىڭ ادام - رەت جولاۋشى جونەلتىپ، 2022 - جىلعى ۇقساس مەزگىلدەگىدەن %89.1 ارتقان. بۇكىل ەل بويىنشا جوعارى قارقىندى تاس جولدىڭ جالپى اعىس مولشەرى 117 ميلليون اۆتوموبيل بولىپ، 2019 - جىلعى ۇقساس مەزگىلدەگىدەن %23.92 ارتىپ، 2022 - جىلعى ۇقساس مەزگىلدەگىدەن %34.82 ارتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
