3 - توقساندا ونەركاسىپ كاسىپورىندارىنىڭ پايداسى سايكەس مەزگىلدەگىدەن %7.7 ارتتى (جاڭا ساندى مالىمەت، جاڭا ءتۇيىن)
جەدەل ورلەۋ جاعدايى جارىققا شىقتى
2023.10.31 17:00 كەلۋ قاينارى : حالىق تورابى
«حالىق گازەتى»، 10 - ايدىڭ 30 - كۇنى، بەيجيڭ (تىلشىلەر ليۋ جىچياڭ، ۋاڭ يۇنشان). مەملەكەتتىك ساناق مەكەمەسى تاياۋدا جاريالاعان ساندى مالىمەتتە كورسەتىلۋىنشە، 3 - توقساندا بۇكىل ەلدەگى كولەمدەنگەن ونەركاسىپ كاسىپورىندارىنىڭ پايداسى سايكەس مەزگىلدەگىدەن %7.7 ارتىپ، جەدەل ارتۋ جاعدايى جارىققا شىققان. بيىل جىل باسىنان بەرى كولەمدەنگەن ونەركاسىپ كاسىپورىندارىنىڭ پايداسى توقسان سايىن جوعارىلادى. 9 - ايدا بۇكىل ەل بويىنشا كولەمدەنگەن ونەركاسىپ كاسىپورىندارىنىڭ پايداسى سايكەس مەزگىلدەگىدەن %11.9 ارتىپ، ءۇرتىس ەكى اي ەكى ورىندى سان بويىنشا ارتتى.
بازار سۇرانىمىنىڭ ۇزدىكسىز قالپىنا كەلۋىنە بايلانىستى، ونەركاسىپ ونىمدەرىنىڭ باعاسى بىرتىندەپ جوعارىلاپ، ونەركاسىپ كاسىپورىندارىنىڭ تيجارات كىرىسى كورنەكتى جاقساردى. الدىڭعى 3 توقساندا كولەمدەنگەن ونەركاسىپ كاسىپورىندارىنىڭ تيجارات كىرىسى سايكەس مەزگىلدەگىمەن تەڭەسىپ، ارتۋ قارقىنى الدىڭعى جارتى جىلعىدان، 1 - توقسانداعىدان جەكە - جەكە 0.4 پايىز جانە 0.5 پايىز جوعارىلادى. مۇنىڭ ىشىندە 3 - توقسانداعى ونەركاسىپ كاسىپورىندارىنىڭ تيجارات كىرىسى سايكەس مەزگىلدەگىدەن %0.3 ارتقان. ايعا ءبولىپ قاراعاندا، 9 - ايدا كولەمدەنگەن ونەركاسىپ كاسىپورىندارىنىڭ تيجارات كىرىسى سايكەس مەزگىلدەگىدەن %1.2 ارتىپ، ءۇرتىس ەكى اي ارتىپ، ارتۋ قارقىنى 8 - ايداعىدان 0.4 پايىز تەزدەگەن.
3 - توقسانداعى جاساۋ كاسىبىنىڭ پايداسى سايكەس مەزگىلدەگىدەن %11.8 ارتقان؛ ەلەكتر، جىلۋ، جانار گاز، سونداي - اق سۋ ءوندىرىسى جانە قامداۋ كاسىبىنىڭ پايداسى سايكەس مەزگىلدەگىدەن %44.5 ارتىپ، ارتۋ قارقىنى 2 - توقسانداعىدان 10.6 پايىز تەزدەگەن.
ەكونوميكانىڭ ۇزدىكسىز قالپىنا كەلۋى، جاقسارۋى، ىشكى سۇرانىمدى كەڭەيتۋ ساياساتىنىڭ ونىمدىلىگى ۇزدىكسىز كورنەكتىلەنۋ سياقتى فاكتورلاردىڭ وڭ ىقپالىنان تۇتىنۋ سۇرانىمى ۇزدىكسىز قالپىنا كەلىپ، تۇتىنۋ بۇيىمدارى كاسىبىنىڭ پايداسى كورنەكتى جاقسارعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
