چاڭجياڭ اتىراۋىنداعى 100 ەگەي كاسىپورىننىڭ جىلدىق تيجارات كىرىسى تۇڭعىش رەت 20 تريلليون يۋاننان استى
2023.12.08 16:37 كەلۋ قاينارى : حالىق تورابى
«حالىق گازەتى»، 12 - ايدىڭ 7 - كۇنى، شاڭحاي (ءتىلشى شىن ۋىنمين). چاڭجياڭ اتىراۋىنداعى 3 ولكە، ءبىر قالا كاسىپورىن بىرلەستىگى بىرگە جاريالاعان چاڭجياڭ اتىراۋىنداعى 100 ەگەي كاسىپورىننىڭ تىزىمدىگى تاياۋدا جاريالاندى. چاڭجياڭ اتىراۋىنداعى 100 ەگەي كاسىپورىننىڭ 2022 - جىلعى جالپى تيجارات كىرىسى تۇڭعىش رەت 20 تريلليون يۋاندىق ۇلكەن وتكەلدەن ءوتىپ، 20 تريلليون 200 ميلليارد يۋانعا جەتىپ، سايكەس مەزگىلدەگىدەن %6.00 ارتقان.
چاڭجياڭ اتىراۋىنداعى 100 ەگەي كاسىپورىن 2022 - جىلى تيجارات كولەمىنىڭ ورنىقتى ارتۋى، جاڭادان گۇلدەنگەن كاسىپ سالالارىنداعى كاسىپورىنداردىڭ جەتىلۋى ءبىرشاما تەز بولۋ سىندى دامۋ جەتىستىكتەرىن جالپى تۇلعالىق جاقتان جۇزەگە اسىردى. ساندى مالىمەتتە كورسەتىلۋىنشە، چاڭجياڭ اتىراۋىنداعى 100 ەگەي كاسىپورىننىڭ 2022 – جىلعى جيىنتىق مال – مۇلىك جالپى سوماسى 56 تريلليون 100 ميلليارد يۋانعا جەتىپ، 4 تريلليون 300 ميلليارد يۋان ارتىپ، سايكەس مەزگىلدەگىدەن %8.23 ارتقان. 100 ەگەي كاسىپورىننىڭ ىشىندە 69 كاسىپورىننىڭ 2022 - جىلعى تيجارات كىرىسى 100 ميلليارد يۋاننان اسىپ، الدىنداعى جىلداعىدان 3 كاسىپورىن كوبەيگەن.
چاڭجياڭ اتىراۋىنداعى 100 ەگەي كاسىپورىننىڭ ىشىندەگى جۇڭگو باۋ – ۋ توبى 2022 - جىلعى تيجارات كىرىسىندە رەكورد جاراتىپ، ءبىر تريلليون 87 ميلليارد 710 ميلليون يۋانعا جەتىپ، ارتۋ شاماسى %11.87 كە جەتىپ، چاڭجياڭ اتىراۋى رايونىنداعى جىلدىق تيجارات كىرىسى ءبىر تريلليون يۋاننان اسقان تۇڭعىش كاسىپورىنعا اينالعان.
تىزىمدىك ساندى مالىمەتىندە كورسەتىلۋىنشە، چاڭجياڭ اتىراۋىنداعى جاڭادان گۇلدەنگەن كاسىپ سالالارى كاسىپورىندارى ءبىرشاما جوعارى ارتۋ جاعدايىن ۇزدىكسىز ساقتاپ، ينتەرنەتتىك قىزمەت وتەۋ، جەل ەنەرگياسى، كۇن ەنەرگياسى جابدىقتارىن جاساۋ، كومپيۋتەر جانە كەڭسە جابدىقتارى، حابارلاسۋ جابدىقتارىن جاساۋ، ءدارى - دارمەك ءوندىرىسى، جۇمساق بولشەك جانە ينفورماتسيا تەحنيكاسى سياقتى 6 كاسىپ سالاسىنىڭ بەينەسى كورنەكتى بولعان. 2022 - جىلى جوعارىدا ايتىلعان 6 كاسىپتىڭ ىشىندە جاڭادان گۇلدەنگەن كاسىپ سالاسى سەرىكتەستىكتەرىنىڭ تيجارات كىرىسىنىڭ ارتۋ شاماسى %13.53 كە جەتىپ، چاڭجياڭ اتىراۋىنداعى 100 ەگەي كاسىپورىننىڭ جالپى تيجارات كىرىسىنىڭ ارتۋ شاماسىنان ءبىر ەسەدەن استام جوعارى بولعان. 2022 – جىلى جاڭادان گۇلدەنگەن كاسىپ سالالارى كاسىپورىندارىنىڭ ورتاشا تيجارات كىرىسى 189 ميلليارد 560 ميلليون يۋانعا جەتكەن.
تىزىمدىك جاريالانعان 5 جىلدان بەرى چاڭجياڭ اتىراۋىنداعى 100 ەگەي كاسىپورىننىڭ جالپى تيجارات كىرىسى 14 تريلليون 300 ميلليارد يۋاننان 20 تريلليون 200 ميلليارد يۋانعا، ناق پايداسى 570 ميلليارد يۋاننان 840 ميلليارد يۋانعا جەتكەن. ۇعىسۋعا قاراعاندا، چاڭجياڭ اتىراۋىنىڭ ءبىر تۇلعالانىپ دامۋىنىڭ ۇزدىكسىز ىشكەرىلەي ىلگەرىلەۋىنە بايلانىستى، چاڭجياڭ اتىراۋى رايونى، ءسوز جوق، جاڭا كاسىپ سالاسىن، جاڭا كاسىپ كۇيىن، جاڭا ۇلگىنى جارىققا شىعارىپ، جاڭادان گۇلدەنگەن كاسىپ سالاسىنىڭ دامۋىن تىڭ دەڭگەيگە كوتەرەدى ەكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
