ۋاڭ ۋىنبين: ايتىلمىش از ۇلتتاردىڭ ءتىل - جازۋىن شەكتەۋ دەگەن بوس ءسوز
2023.12.11 15:11 كەلۋ قاينارى : حالىق تورابى
”سىرتقى ىستەر مينيسترلىگى مالىمدەمەشىلەر كەڭسەسىنىڭ“ حابارىنا قاراعاندا، 12 - ايدىڭ 8 – كۇنى وتكىزىلگەن سىرتقى ىستەر مينيسترلىگىنىڭ كەزەكتى تىلشىلەر جينالىسىندا پىڭبو اگەنتتىگىنىڭ ءتىلشىسى بىلاي دەپ سۇرادى: پىڭبو اگەنتتىگى بۇگىن جاريالاعان ءبىر ماقالادا، تاياۋ جىلداردان بەرى جۇڭگو ۇكىمەتىنىڭ ىشكى موڭعۇلداعى موڭعۇلداردىڭ ۇلتتىق سالاۋاتىن بەينەلەۋىنە شەك قويعاندىعىن كورسەتكەن، مىسالى، مەكتەپتە موڭعۇل ءتىلىن ۇيرەنۋ. جۇڭگونىڭ از ۇلتتار جونىندەگى ساياساتى بۇرىن ا ق ش، ەۆروپا وداعى جانە باسقا ەلدەرمەن بولعان تالاس – تارتىستىڭ ءتۇيىنى بولىپ كەلۋىنە بايلانىستى، سىرتقى ىستەر مينيسترلىگى حاباردا ايتىلعان جاعداي جۇڭگونىڭ سىرتقى قاتىناسىنا ىقپال جاسايدى دەپ ەسەپتەي مە؟
ۋاڭ ۋىنبين: مەن بۇل حاباردى ءالى كورمەدىم. بۇل حاباردىڭ باستى كوزقاراسىن ايتىپ بەرە الاسىز با؟
پىڭبو اگەنتتىگى: بۇل ماقالانىڭ باستى كوزقاراسى ‐ تاياۋدا ءتىلشى ىشكى موڭعۇلعا تىلشىلىك ىستەگەندە، مەكتەپتە وقۋشىلاردىڭ موڭعۇل ءتىلىن ۇيرەنۋىنە رۇقسات ەتىلمەيتىندىگىن، قايتا حانزۋ ءتىلىن قولدانۋ كەرەكتىگىن بايقاعاندىعىن ايتقان.
ۋاڭ ۋىنبين: سەن قاتىستى تىلشىلەر ۇيىرمەسىنىڭ ىشكى موڭعۇلعا بارىپ تىلشىلىك ىستەگەندىگىن ايتتىڭ. ەگەر ولار شىن مانىندە وبيەكتيۆ، مۇقيات، ەگجەي - تەگجەيلى تۇردە ىشكى موڭعۇلدىڭ كوشەلەرىن ارالاعان، كورگەن بولسا، ايتىلمىش ىشكى موڭعۇلدىڭ جەرگىلىكتى ءتىل - جازۋىن شەكتەۋ، موڭعۇل ٴتىلىن وقىتۋعا شەك قويۋ سياقتىلاردىڭ ءبارى دە بوس ءسوز ەكەندىگىن بايقار ەدى.
جۇڭگو ۇكىمەتى ۇلتتاردىڭ تەرەزەسى تەڭ بولۋعا تاباندى بولىپ، موڭعۇل ۇلتىن قامتىعان ۇلتتاردىڭ ءوز ۇلتىنىڭ ءتىل - جازۋىن ۇيرەنۋ، قولدانۋ جانە دامىتۋ ەركىندىگىن زاڭ بويىنشا قامتاماسىزداندىرادى. ءسىز جۇڭگو جاقتىڭ قاتىستى بەلگىلەمەلەرى جۇڭگو مەن باسقا ەلدەردىڭ قاتىناسىنا ىقپال جاساي ما، جوق پا دەپ سۇرادىڭىز. قاتىستى ەلدەر ءوزارا قۇرمەت ەتۋ پرينسيبىنە تاباندى بولىپ، ىشكى ىسىنە كيلىكپەۋ ساياساتىن ۇستانسا جانە جۇڭگو جاقتىڭ قاتىناسىن دامىتسا بولعانى، ولاردىڭ جۇڭگومەن قاتىناسى ىقپالعا ۇشىرامايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
