مەملەكەتتىك كەڭەستىڭ ءوندىرىس حاۋىپسىزدىگى جانە ورتتەن ساقتانۋ قىزمەتىن باعالاۋ، شارلاپ تەكسەرۋ گرۋپپاسى 32 ولكە دارەجەلى ۇكىمەتتى ناق مايدانعا بارىپ شارلاپ تەكسەردى
2023.12.11 15:32 كەلۋ قاينارى : حالىق تورابى
تاياۋدا مەملەكەتتىك كەڭەستىڭ 2023 ـ جىلعى ولكە دارەجەلى ۇكىمەتتەردىڭ ءوندىرىس حاۋىپسىزدىگى جانە ورتتەن ساقتانۋ قىزمەتىن باعالاۋ، شارلاپ تەكسەرۋ جونىندەگى ورنالاستىرۋىنا ساي، 20 شارلاپ تەكسەرۋ گرۋپپاسى جوسپار بويىنشا 31 ولكەنىڭ (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانىنىڭ 2023 - جىلعى ٴوندىرىس حاۋىپسىزدىگى جانە ورتتەن ساقتانۋ قىزمەتىن جۇمىس باسىندا باعالاپ، شارلاپ تەكسەردى.
ۇعىسۋعا قارعاندا، ءارقايسى باعالاۋ، شارلاۋ ـ تەكسەرۋ گرۋپپالارى كەزدەيسوق ۇلگى الىپ تەكسەرۋ، تۇتقيىل تەكسەرۋ، تۇندە تەكسەرۋ، ارالاپ تەكسەرۋ سياقتى كوپ ءتۇرلى تاسىلدەردى قولدانىپ، جەر ـ جەردىڭ وڭىرلىك ەرەكشەلىگىمەن، الدىڭعى 3 توقسانداعى باقىلاۋ ـ تەكسەرۋدە، جاسىرىن تەكسەرۋدە بايقالعان ماسەلەلەردىڭ كومەسكى كىناراتتارىمەن، بۇقارا اشكەرەلەگەن ماسەلەلەردىڭ دەرەكتەرىمەن ۇشتاستىرىپ، جەرگىلىكتى پارتكومداردىڭ، ۇكىمەتتەردىڭ جانە تاراۋلاردىڭ قاتىستى قىزمەتتەرىنە تەكسەرۋ، ۇلگى الىپ تەكسەرۋ جۇرگىزگەن، گاز ، قۇرىلىس، حاۋىپتى حيميالىق زاتتار، ورتتەن ساقتانۋ سياقتى سالالارداعى مامانداردى ۇيىمداستىرىپ، ءتۇيىندى سالالارداعى كاسىپورىندارعا اشىق، جاسىرىن تەكسەرۋ جۇرگىزگەن، تەكسەرۋ مەزگىلىندە جيىنى 64 قالا دارەجەلى ۇكىمەتكە تەكسەرۋ جۇرگىزگەن، 41 قالا دارەجەلى ۇكىمەتكە كەزدەيسوق تەكسەرۋ جۇرگىزگەن، ءتۇيىندى سالاداعى كاسىپورىندار مەن ورىنداردان 1624 ورىنعا اشىق جانە جاسىرىن تەكسەرۋ جۇرگىزگەن، 5732 كومەسكى ماسەلە دەرەكتەرىن بايقاعان، مۇنىڭ ىشىندە 208 ءتۇرلى اۋىر جاسىرىن شىرعالاڭ كومەسكى قاتەرى بار، قايتا تەكسەرۋگە تاپسىرعان ماسەلە ءجىپ ۇشىنان 104ى بار.
باعالاۋ، شارلاپ تەكسەرۋ بارىسىندا جەر - جەردەن كەيبىر تيپتىك ماسەلەلەر بايقالدى: كەيبىر رايوندار حاۋىپسىز دامۋ ۇستانىمىن بەرىك ورناتپاعان، دامۋ مەن حاۋىپسىزدىكتى ءبىرتۇتاس جوسپارلاۋ قابىلەتىن كۇشەيتۋگە تۋرا كەلەدى؛ كەيبىر رايونداردا كاسىپورىنداردىڭ اۋىر كومەسكى شىرعالاڭ زاردابىن ءوزىن – ءوزى تەكسەرۋى، ءوزىن – ءوزى وزگەرتۋى تىڭعىلىقتى ەمەس، حاۋىپسىزدىكتى باسقارۋ ءتۇزىمى كەمەلدى ەمەس؛ نەگىزگى جاۋاپكەرشىلىكتىڭ تياناقتانۋى جاقسى ەمەس؛ كەي رايونداردىڭ وقيعادان ساباق قابىلداۋى تەرەڭ ەمەس، ۇلكەن تيپتەگى ساۋدا ۋنيۆەرسال تۇلعاسى، شيپاحانا جانە قارتتاردى كۇتىمدەۋ ورگانى قاتارلى ادامدار توپتاسقان ورتالاردا زور ءورت اپاتى تۋىلۋ جاسىرىن حاۋىپى كورنەكتى؛ كەي رايونداردا قالا - قالاشىقتاردىڭ جانار گازدىڭ تۇتاس تىزبەكتەگى حاۋىپسىزدىگىن تارتىپكە سالۋدا كەمشىلىك بار، ساتۋ، قولدانۋى ولشەمگە تولىمسىز گاز سايماندارىن ىستەتۋ، گاز قاشۋ سيگنالىن ورناتپاۋ قاتارلى ماسەلەلەر ساقتالعان.
قازىرگە دەيىن، ءارقايسى باعالاۋ، شارلاۋ ـ تەكسەرۋ گرۋپپالارى ءار ءتۇرلى بۇقارا اشكەرەلەگەن 4597 دەرەكتى تاپسىرىپ الدى، ءوندىرىس حاۋىپسىزدىگى جانە ورتتەن ساقتانۋ حاۋىپسىزدىگىنە ساياتىن 3167 ماسەلە دەرەگىن تاپسىرىپ الدى، 1322 ماسەلەنى تەكسەرىپ انىقتادى، تەكسەرىپ انىقتالعان ماسەلەنىڭ كومەسكى قاتەرى مەن زاڭعا، بەلگىلەمەگە قايشى ارەكەتتەردى باعالاۋ، شارلاۋ ـ تەكسەرۋ گرۋپپاسى جەرگىلىكتى ورىننىڭ قاتاڭ تەكسەرىپ ءبىر جاقتى ەتۋىنە تاپسىرىپ بەردى.
قىزمەت ورنالاستىرۋىنا ساي، باعالاۋ، شارلاپ تەكسەرۋ گرۋپپاسى كەلەسى قادامدا مەملەكەتتىك كەڭەستىڭ ءوندىرىس حاۋىپسىزدىگى كوميتەتىنە مۇشە 39 ورىنعا بارىپ حاۋىپسىز ءوندىرىس قىزمەتىن باعالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
