- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىس باسشىلارى قارتتار مەرەكەسى قارساڭىندا حال سۇراۋ قيمىلىن ورىستەتتى
2016.10.11 13:23
قازاننىڭ 9 – كۇنى جۇڭحۋا ۇلتىنىڭ ءداستۇرلى قارتتار مەرەكەسى. وسى كۇنى وبلىس باسشىلارى ەكى حال سۇراۋ گرۋپپاسىن ۇيىمداستىرىپ، وبلىسقا توتە قاراستى ورىندارداعى ءبىر ءبولىم قارتتاردان حال سۇرادى.
وبلىستىق پارتكومنىڭ تۇراقتى مۇشەسى نۇرجۇما جاقاي ۇلى وبلىستىق حالىق ىستەرى مەكەمەسى سياقتى قاتىستى تاراۋلاردىڭ جاۋاپتىلارىنان ۇيىمداسقان حال سۇراۋ 1 – گرۋپپاسىن باستاپ، قۇلجا قالاسىنداعى حالىق باسقارۋىنداعى قارتتاردى كۇتىمدەۋ قۇرىلىمى - يۇڭشۋتاڭ قارتتاردى كۇتىمدەۋ ورنىنا جانە وبلىستىق داڭق ساناتورياسىنا بارىپ وندا تۇرمىس كەشىرىپ جاتقان قارتتاردان حال سۇرادى ءارى ولارعا مەرەكەلىك تىلەك تىلەدى.
يۇڭشۋتاڭ قارتتاردى كۇتىمدەۋ ورنىندا جالپى 24 قارت كۇتىمدەلەدى، ولاردىڭ تاماقتانۋى، جاتىپ – تۇرۋى ويداعىداي ورنالاستىرىلعان. نۇرجۇما جاقاي ۇلى قارتتارمەن شۇيىركەلەسىپ، ولاردىڭ دەنساۋلىق جاعدايىن سۇراپ، ونداعى قىزمەتكەرلەرگە قارتتاردى كۇش سالا، جان – جاقتى كۇتىمدەۋدى قاداعالادى.
وبلىستىق داڭق ساناتورياسىندا قارتتار بىرەگەي اسكەري كيىم كيىنىپ، ءبىر اراعا باس قوسىپ، دىر – دۋمانعا بولەنىپ، مەرەكەلەرىن وتكىزىپ جاتقان ەدى. نۇرجۇما جاقاي ۇلى قاتارلىلار قارتتارعا مەرەكەلىك تىلەكتەرىن ايتىپ جانە حال سۇراۋ قاراجاتىن جەتكىزىپ بەرىپ، ولاردىڭ دەنساۋلىقتارىنىڭ مىقتى، كوڭىلدەرىنىڭ كوتەرىڭكى بولۋىن ءۇمىت ەتتى.
نۇرجۇما جاقاي ۇلى مىنانى ءبىلدىردى: وبلىستىق پارتكوم مەن ۇكىمەت جانە قوعامنىڭ ءار سالاسى قارتتاردىڭ تۇرمىسىنا ءۇرتىس نازار اۋدارىپ جانە كوڭىل ءبولىپ وتىر، قارتتاردىڭ سوڭعى ومىرلەرىن تىنىش ءارى كوڭىلدى وتكىزۋىن شىنايى ءۇمىت ەتەمىز.
وبلىستىڭ ورىنباسار باستىعى گاۋ تيانشان قاتارلى وبلىس باسشىلارى حال سۇراۋ 2 – گرۋپپاسىن باستاپ قۇلجا قالاسى ىلە وزەنى قارتتار پاتەرىنە بارىپ، قارتتار پاتەرىنىڭ تۇلعالى قۇرىلعىلارىن، جاتىن ورىندارىن، باسقارۋ، قىزمەت وتەۋ جاعدايىن كورىپ، پار قازانىنىڭ قالىپتى جۇمىس جۇرگىزۋ جاعدايىن قاداعالاي تەكسەرىپ، ونداعى قارتتارمەن ىقىلاستى اڭگىمەلەسىپ، ولاردىڭ دەنساۋلىق جانە تۇرمىس جاعدايىن تاپتەشتەي ۇعىسىپ، قارتتاردىڭ ءومىرىن تازا دا رەتتى ورتادا وتكىزۋى ءۇشىن ونداعى قىزمەتكەرلەردەن قارتتاردىڭ تۇرمىسىنا ويداعىداي قارايلاسۋدى قاداعالادى.
وسىدان سوڭ حال سۇراۋ گرۋپپاسىنداعىلار وبلىستىق دوستىق شيپاحاناسىنىڭ بولنيتساسىندا جاتقان 88 جاستاعى جىڭ گورۇڭ قارتتان حال سۇرادى ءارى قارتتىڭ قولىنا حال سۇراۋ قاراجاتىن تابىس ەتتى. ۇعىسۋعا قاراعاندا، جىڭ گورۇڭ 12 جاسىندا اسكەرگە قاتىناسىپ، لانجوۋدان ىلەگە كەلىپ ىلەنى كوركەيتۋ قۇرىلىسىنا كومەكتەسكەن. گاۋ تيانشان قارتتىڭ اۋرۋ جاعدايىن تاپتەشتەي سۇراعاننان كەيىن، قارتتىڭ تاماشا كوڭىل كۇيمەن اۋرۋىن الاڭسىز ەمدەتىپ، ەرتەرەك ساۋىعۋىن تىلەدى.
حال سۇراۋ گرۋپپاسى تاعى قۇلجا قالاسى ايرانباق كوشە ءىس باسقارماسى التىندىق الەۋمەتتىك اۋماعى يلۋيۋان تۇرعىندار رايونىنا بارىپ، ءجۇز جاسقا كەلگەن قارت چىن شيانشيۋدان حال سۇرادى ءارى قارتقا حال سۇراۋ قاراجاتىن تاپسىرىپ بەرىپ، قارتتىڭ دەنساۋلىعىن كۇتىپ، اقاۋسىز تۇرمىس كەشىرۋىن ءۇمىت ەتتى. بيىل 102 جاسقا كەلگەن چىن شيانشۋ قارت دوڭگەلەكتى ورىندىققا وتىرىپ قالعان بولسادا رۋحي كۇيى ءالى دە جاقسى. وبلىس باسشىلارىنىڭ كەلگەنىن كورىپ، قۋانعانىنان كوپشىلىكپەن اڭگىمەلەسىپ كەتتى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
