بازاردى باقىلاۋ - باسقارۋ باس مەكەمەسى حابارلاندىرۋ شىعارىپ، ”ەرەكشە قامداۋ اراعىن“ جاساۋعا، ساتۋعا قاتاڭ تيىم سالدى

شينحۋا اگەنتتىگىنىڭ 9 ـ ايدىڭ 19 ـ كۇنى بەيجيڭنەن بەرگەن حابارى. بازاردى باقىلاۋ ـ باسقارۋ باس مەكەمەسى 9 ـ ايدىڭ 19 ـ كۇنى سىرتقا ”ەرەكشە قامداۋ اراعىن“ جاساۋعا، ساتۋعا قاتاڭ تيىم سالۋ جونىندەگى حابارلاندىرۋىن جاريالادى، ءوندىرۋ، ساتۋ، اس ـ سۋ، جارناما، ۇگىت، باسپا سياقتى 6 جاقتان ءتۇرلى ءوندىرىس – تيجارات تۇلعالارىنىڭ ”ەرەكشە قامداۋ اراعىن“ جاساۋ - ساتۋ زاڭعا قايشى ارەكەتىمەن شۇعىلدانۋىنا قاتاڭ تيىم سالىنادى.

حابارلاندىرۋدا مىنالار ايقىن بەلگىلەندى: ”ەرەكشە قامداۋ اراعىنىڭ“ كولەمىنە پارتيا، ۇكىمەت ورگاندارىمەن جانە اسكەري بولىمدەرمەن تىعىز قاتىستى ەرەكشە اتتار، بەلگىلەر، سيمۆولدىق قۇرىلىستار، ۇكىمەتتىك قيمىلدار سياقتى ينفورماتسيالاردى جالعاننان بەلگىلەگەن نەمەسە ۇگىتتەگەن اراق ءتۇرى جاتادى، ”ەرەكشە قامداۋ اراعى“ جالعان، جارامسىز اراق.

حابارلاندىرۋدا ءوندىرۋ، ساتۋ، اس ـ سۋ، جارناما، ۇگىت، باسپا سياقتى 6 جاقتان ءوندىرىس ـ تيجارات تۇلعالارىنىڭ ”ەرەكشە قامداۋ اراعىن“ جاساۋ، ساتۋ زاڭعا قايشى ارەكەتىمەن شۇعىلدانۋىنا قاتاڭ تيىم سالدى. ”ەرەكشە قامداۋ“، ”ارناۋلى قامداۋ“، ”ىشكى قامداۋ“ قاتارلى پارتيا، ۇكىمەت ورگاندارىنىڭ جانە ارميانىڭ بەلگىسى سياقتى مازمۇندار ىستەتىلگەن اراق تاۋارلارىن زاڭعا قايشى وندىرۋگە، ساتۋعا اس - سۋ ورىندارىنىڭ زاڭعا قايشى فورمامەن ساۋداعا سالۋىنا قاتاڭ تيىم سالىنادى، زاڭعا قايشى فورمامەن جوبالاۋعا، جاساۋعا، ۋاكىلدىك ساتۋعا، جارنامالاۋعا قاتاڭ تيىم سالىنادى، زاڭعا قايشى فورمامەن تانىستىرۋعا، جالعان نەمەسە جاڭساق ۇعىم تۋدىراتىن ساۋدا ۇگىتتەرىن جۇرگىزۋگە قاتاڭ تيىم سالىنادى، كاسىپورىنداردىڭ تاۋار ماركا بەلگىسىن، قوراپتارىن، اشەكەيلەرىن، اراق قۇمىرالارىن زاڭسىز باسىپ، جاپسىرما قاعازداردى جاپسىرۋىنا قاتاڭ تيىم سالىنادى.

حابارلاندىرۋدا مىنالار تالاپ ەتىلدى: بازاردى باقىلاۋ ـ باسقارۋ تاراۋلارى تەكسەرۋدى كۇشەيتىپ، زاڭعا قايشى ارەكەتتەردى زاڭ بويىنشا قاتاڭ تەكسەرىپ ءبىر جاقتى ەتىپ، قىلمىسقا ساياتىندارىن قوعام حاۋىپسىزدىگى ورگاندارىنا وتكىزىپ بەرۋى كەرەك. تۇتىنۋشىلاردىڭ اقىلعا سيىمدى تۇتىنۋىن، قوعامنىڭ ءار سالاسىنىڭ بەلسەنە باقىلاۋىن دارىپتەپ، تۇتاس قوعامنىڭ ”ەرەكشە قامداۋ اراعىن“ بىرگە تەجەۋىن ىلگەرىلەتۋ كەرەك.

تانىستىرۋعا قاراعاندا، 2024 ـ جىلى 3 ـ ايدان باستاپ، بازاردى باقىلاۋ ـ باسقارۋ باس مەكەمەسى ءبىر جىلدىق ”ەرەكشە قامداۋ اراعىن“ تازالاۋ ارناۋلى قيمىلىن ورىستەتىپ، جەلىدە، جەلىدەن تىس، ءبىر ۋاقىتتا اداقتاپ، زاڭسىز ٴوندىرۋ، ساتۋ قاينارىن ىشكەرىلەي اشىپ، زاڭعا قايشى تىزبەكتى الاستاپ، زاڭسىز ەلەمەنتتەرگە قاتاڭ سوققى بەرگەن.

كەلۋ قاينارى: حالىق تورابى