- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ 36 - رەتكى كوللەكتيۆ ۇيرەنۋىندە
توراپتىق ينفورماتسيا تەحنيكاسىندا دەربەس جاڭالىق اشۋدى تەز ىلگەرىلەتىپ، توراپتا قۇدىرەتتى مەملەكەت قۇرۋ نىساناسىنا قاراي تالماي قۇلشىنۋدى باسا دارىپتەدى
2016.10.11 11:05 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - قازاندا بەيجيڭنەن بەرگەن حابارى. ج ك پ ورتالىق كوميتەتىنىڭ ساياسي بيۋروسى 9 - قازان تۇستەن كەيىن توراپتا قۇدىرەتتى مەملەكەت قۇرۋ ستراتەگياسىن اتقارۋ جونىندە 36 - رەتكى كوللەكتيۆ ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: توراپتىق ينفورماتسيا تەحنيكاسىندا دەربەس جاڭالىق اشۋدى تەز ىلگەرىلەتىپ، سيفرلى ەكونوميكانىڭ ەكونوميكالىق دامۋدى جەبەۋىن تەزدەتىپ، توراپتى باسقارۋ ورەسىن تەز جوعارىلاتىپ، توراپ كەڭىستىگى حاۋىپسىزدىگى جاعىنداعى قورعانۋ قابىلەتىن جەدەل ارتتىرىپ، توراپتىق ينفورماتسيا تەحنيكاسى ارقىلى قوعامدى جونگە سالۋدى تەزدەتىپ، ەلىمىزدىڭ توراپ كەڭىستىگى بويىنشا حالىقاراداعى ءسوز بيلىگى مەن ەرەجە بەلگىلەۋ بيلىگىن جەدەل ءوسىرىپ، توراپتا قۇدىرەتتى مەملەكەت قۇرۋ نىساناسىنا قاراي تالماي قۇلشىنۋ كەرەك.
چيڭحۋا ۋنيۆەرسيتەتى ميكرولىق ەلەكترون جانە نانومەترلىك ەلەكترونيكا فاكۋلتەتىنىڭ مەڭگەرۋشىسى، ميكرولىق ەلەكترونيكا ينستيتۋتىنىڭ باستىعى ۋي شاۋجۇن پروفەسسور وسى ماسەلەلەردى ءتۇسىندىردى ءارى ءوز پىكىرى مەن ۇسىنىستارىن ورتاعا سالدى.
ج ك پ ورتالىق كوميتەتى ساياسي بيۋروسىنداعى جولداستار تۇسىنىكتى مۇقيات تىڭدادى ءارى قاتىستى ماسەلەلەردى تالقىلادى.
شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: بۇگىنگى تاڭدا دۇنيە جۇزىندە توراپتىق ينفورماتسيا تەحنيكاسى كۇن سايىن جاڭالانىپ، قوعامدىق وندىرىسكە، تۇرمىسقا جاپپاي كىرىپ، عالامنىڭ ەكونوميكالىق جاعدايىندا، مۇددەلىك جاعدايىندا، حاۋىپسىزدىك جاعدايىندا تەرەڭ وزگەرىستەردى جارىققا شىعاردى. دۇنيە جۇزىندەگى باستى مەملەكەتتەر ينتەرنەتتى ەكونوميكالىق دامۋدىڭ، تەحنيكادا جاڭالىق اشۋدىڭ ءتۇيىنى، باسەكەدەگى جاڭا باسىمدىلىققا ۇمتىلۋدىڭ ستراتەگيالىق باعىتى ەتتى. ەلىمىز توراپتىق ينفورماتسيا تەحنيكاسى مەن توراپ حاۋىپسىزدىگىن قامتاماسىز ەتۋ جاعىندا ءبىرتالاي ناتيجەلەرگە قول جەتكىزگەنىمەن، ءبىراق دۇنيە ءجۇزىنىڭ وزىق ورەسىمەن سالىستىرعاندا زور پارىقتار بار. سوندىقتان ءبىز يدەيانى بىرلىككە كەلتىرىپ، تانىمدى ءوسىرىپ، ستراتەگيالىق جوبا مەن ءبىر تۇتاس جوسپاردى كۇشەيتىپ، قىزمەتتەردى جەدەل ىلگەرىلەتۋىمىز كەرەك.
شي جينپيڭ مىنالاردى باسا دارىپتەدى: توراپتىق ينفورماتسيا تەحنيكاسى − جەر جۇزىندە زەرتتەۋ - اشۋ ىسىنە ەڭ شوعىرلى تۇردە ۇسىنىلىم سالىنىپ وتىرعان، ەڭ قىزۋ جاڭالىقتار اشىلىپ جاتقان، ەڭ كەڭ كولەمدە قولدانىلىپ وتىرعان، شارپۋى، جەتەكتەۋ رولى ەڭ زور تەحنيكالىق جاڭالىق اشۋ سالاسى، جەر جۇزىندەگى تەحنيكالىق جاڭالىق اشۋ جاعىنداعى باسەكەنىڭ ەڭ جوعارى بيىگى. ءبىز وسى اۋقىمعا سايكەسىپ، وزەكتى تەحنيكالاردى كۇش سالا دامىتىپ، شەشۋشى ينفورماتسيالارعا قاتىستى نەگىزدىك قۇرىلعىلاردىڭ حاۋىپسىزدىگىن قامتاماسىز ەتۋدى كۇشەيتىپ، توراپتى جونگە سالۋ جۇيەسىن كەمەلدەندىرۋىمىز كەرەك. وزەكتى تەحنيكادا جاڭالىق اشۋ سىندى تەتىكتى مىقتاپ يگەرىپ، توراپتىڭ دامۋىنداعى العى تەحنيكالار مەن حالىقارالىق باسەكەلىك قابىلەتكە يە شەشۋشى وزەكتى تەحنيكالار جاعىندا تىڭنان تۇرەن سالىپ، وتاندىق ونىمدەردى دەربەس مەڭگەرۋدىڭ بالاما جوسپارىن جەدەل ىلگەرىلەتىپ، حاۋىپسىز ءارى مەڭگەرۋگە بولاتىن ينفورماتسيالىق تەحنيكا جۇيەسىن قۇرۋ كەرەك. عىلىم - تەحنيكالىق زەرتتەۋ - اشۋ ىستەرىنە ۇسىنىلىم سالۋ، ءونىم شىعارۋ مەحانيزمىن جانە عىلمي زەرتتەۋ جەتىستىكتەرىن يگىلىككە جاراتۋ
مەحانيزمىن رەفورمالاپ، توراپتىق ينفورماتسيا سالاسىنداعى وزەكتى تەحنيكا مەن جابدىقتاردان قامال الۋ ستراتەگياسىن اتقارىپ، جوعارى قۋاتتى كومپيۋتەر، جىلجىمالى حابار - بايلانىس، كۆانتتىك حابار - بايلانىس، وزەك چيپ، مەڭگەرۋ جۇيەسى سياقتىلاردى زەرتتەۋ - اشۋدا جانە قولدانۋدا ەلەۋلى تىڭ جەتىستىكتەرگە قول جەتكىزۋ كەرەك.
شي جينپيڭ بىلاي دەپ باسا دارىپتەدى: دۇنيە ەكونوميكاسى توراپتىق ينفورماتسيا تەحنيكا كاسىپتەرىن ماڭىزدى مازمۇن ەتكەن ەكونوميكالىق قيمىلدارعا قاراي تەز ويىسۋدا. ءبىز وسى تاريحي ۇتىمدى ورايدى يگەرىپ، ينفورماتسيالاندىرۋ ارقىلى جاڭا كينەتيكالىق ەنەرگيا جەتىلدىرىپ، جاڭا كينەتيكالىق ەنەرگيا ارقىلى جاڭا دامۋعا دەم بەرۋىمىز كەرەك. ۇسىنىلىمدى ارتتىرىپ، ينفورماتسيالىق نەگىزدىك قۇرىلعى قۇرىلىسىن كۇشەيتىپ، ينتەرنەت پەن ناقتى ەكونوميكانىڭ ىشكەرىلەي توعىسۋىن ىلگەرىلەتىپ، ءداستۇرلى كاسىپتەردىڭ سيفرلانۋىن، ينتەلەكتۋالدانۋىن جەدەلدەتىپ، سيفرلى ەكونوميكانى ۇلعايتىپ، كۇشەيتىپ، ەكونوميكالىق دامۋدىڭ جاڭا ءورىسىن اشۋىمىز كەرەك.
شي جينپيڭ مىنالاردى اتاپ كورسەتتى: ينتەرنەت جاڭا تەحنيكالارىن تىڭنان پايدالانۋ ءىسىنىڭ ۇزدىكسىز دامۋى ينتەرنەتتىڭ قوعامدىق اتتانىسقا كەلتىرۋ يقۋاتىنىڭ كۇن سايىن ارتۋىنا مۇمكىندىك بەرۋدە. وڭ ەنەرگيا تاراتىپ، تاراتۋ كۇشى مەن جەتەكتەۋ كۇشىن جوعارىلاتۋ كەرەك. توراپتىق قىلمىستاردان، وتە - موتە، جاڭاشا توراپتىق قىلمىستاردان بەرىك ساقتانىپ، حالىق بۇقاراسىنىڭ مۇددەسىن جانە قوعامنىڭ جاراسىمدىلىعى مەن ورنىقتىلىعىن قورعاۋ كەرەك. توراپتىق تاراتۋدىڭ ىقپالداسۋ، ءتول كەشىرمە، ورتاقتاسۋ باسىمدىلىعىن ساۋلەلەندىرىپ، حالىقتىڭ ارمان - تىلەگىنە قۇلاق اسىپ، حالىق تۇرمىسىنا تيىمدىلىك جاساپ، حالىقتى ۋايىمنان ارىلتىپ، قوعامدىق ورتاق تانىمدى ۇيىستىرۋ كەرەك. توراپتا، توراپ سىرتىندا ءبىر نيەتپەن كۇش توپتاپ، قاتار يگەرىپ، تەڭ باسقارىپ، قوعامدىق حاۋىپ - قاتەردەن بىرگە ساقتانۋدىڭ، ورتاق تىلەك قالىپتاستىرۋدىڭ جاڭا جاعدايىن جارىققا شىعارۋ كەرەك. توراپ كەڭىستىگىنىڭ حاۋىپسىزدىگىن، سونداي - اق توراپتىق ساندى مالىمەتتەردىڭ كەمەلدىلىگىن، حاۋىپسىزدىگىن، سەنىمدىلىگىن قورعاپ، توراپ كەڭىستىگىنىڭ حاۋىپسىزدىگىن قورعاۋ قابىلەتىن جوعارىلاتۋ كەرەك. شي جينپيڭ بىلاي دەپ اتاپ كورسەتتى: ينتەرنەتتىڭ، وتە - موتە، جىلجىمالى ينتەرنەتتىڭ دامۋىنا ىلەسە، قوعامدى جونگە سالۋ ۇلگىسى ءبىر باعىتتى باسقارۋدان قوس باعىتتى ءوزارا ىقپالداستىققا، جەلى سىرتىنان جەلى مەن جەلى سىرتىنىڭ ءوزارا توعىسۋىنا، كىلەڭ ۇكىمەت باقىلاۋ - باسقارۋدان قوعامنىڭ سەلبەسىپ جونگە سالۋىنا ءتىپتى باسا ءمان بەرۋگە قاراي ويىسىپ كەلەدى. ءبىز ينتەرنەتتىڭ مەملەكەتتى باسقارۋ مەن قوعامدى جونگە سالۋداعى رولىن جەتە تانىپ، ەلەكتروندىق ۇكىمەتتى جولعا قويۋ، جاڭاشا ينتەلەكتۋالدى قالا قۇرۋ سياقتىلاردى تۇتقا، ساندى مالىمەتتەردى شوعىرلاندىرۋ مەن بىرگە ءبولىسۋدى ارنا ەتە وتىرىپ، بۇكىل ەل بويىنشا ءبىر تۇلعالاندىرىلعان مەملەكەتتىك ءىرى ساندى مالىمەت ورتالىعىن قۇرىپ، تەحنيكالاردىڭ توعىسۋىن، كاسىپتەردىڭ توعىسۋىن، ساندى مالىمەتتەردىڭ توعىسۋىن ىلگەرىلەتىپ، جىك - دارەجەلەر ارا، وڭىرلەر ارا، جۇيەلەر ارا، تاراۋلار ارا، كاسىپتەر ارا سەلبەسىپ باسقارۋ مەن قىزمەت كورسەتۋدى جۇزەگە اسىرۋىمىز كەرەك. ينتەرنەتتىك ويدى كۇشەيتىپ، ينتەرنەتتىڭ جاپپاي ەتەك الۋى، ءوزارا ىقپالداستىعى، تەز يكەمدىلىگى سىندى باسىمدىلىعىنان پايدالانىپ، ۇكىمەتتىڭ شەشىم جاساۋىنىڭ عىلميلانۋىن، قوعامدى جونگە سالۋدىڭ دالدىگىن، الەۋمەتتىك قىزمەت كورسەتۋدىڭ جوعارى ونىمدىلىگىن ىلگەرىلەتىپ، ينفورماتسيالاندىرۋ تاسىلدەرىنەن پايدالانىپ، قوعامدىق جاعدايدى، قارىم - قاتىناس ارناسىنىڭ ىركىلىسسىزدىگىن، شەشىم جاساپ بيلىك جۇرگىزۋگە قولعابىس ەتۋدى ءتىپتى دە جاقسى سەزىنۋ كەرەك.
شي جينپيڭ بىلاي دەپ باسا دارىپتەدى: ەلىمىزدىڭ توراپ كەڭىستىگى جاعىنداعى يەلىك ۇقىعىن باتىل قورعاپ، ەلىمىزدىڭ دارىپتەمەسىن ايقىن ءبىلدىرۋ كەرەك. قازىر ءار دارەجەلى باسشى كادرلار، وتە - موتە، جوعارى دارەجەلى كادرلار ينتەرنەتتى بىلمەسە، ينتەرنەتتى شەبەرلىكپەن پايدالانا الماسا، قىزمەتتى ءونىمدى تۇردە ىستەي المايدى. ءار دارەجەلى باسشى كادرلار ينتەرنەت بىلىمدەرىن ۇيرەنىپ، ينتەرنەتتى ءتۇسىنىپ، ينتەرنەتتەن پايدالانىپ، ينتەرنەتتىڭ دامۋىن بەلسەنە جوبالاۋى، ىلگەرىلەتۋى، جەتەكتەۋى كەرەك. حاۋىپسىزدىك پەن دامۋدىڭ، ەسىك اشۋ مەن دەربەستىكتىڭ، باسقارۋ مەن قىزمەت كورسەتۋدىڭ قاتىناسىن دۇرىس ءبىر جايلى ەتىپ، ينتەرنەت زاڭدىلىعىن يگەرۋ قابىلەتىن، توراپتاعى جاماعات پىكىرىنە جەتەكشىلىك ەتۋ قابىلەتىن، ينفورماتسيالانا دامۋدى مەڭگەرۋ قابىلەتىن، توراپ حاۋىپسىزدىگىن قامتاماسىز ەتۋ قابىلەتىن ۇزدىكسىز جوعارىلاتىپ، توراپتا قۇدىرەتتى مەملەكەت قۇرۋدى ۇزدىكسىز العا ىلگەرىلەتۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
