گولمۋد - كورلا تەمىر جولىمەن تۇڭعىش جۇك تاسىمال پويەزى شينجياڭعا كىردى
2020.12.16 15:03 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى لۋ فىڭباۋ 12 - ايدىڭ 14 - كۇنى ۇرىمجىدەن حابارلايدى. ءتىلشىنىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، 12 - ايدىڭ 12 - كۇنى ساعات 4تەن 25 مينۋت وتكەندە گولمۋدتان كەلگەن جۇك تاسىمالى پويەزى 2898 توننا كاليلى تىڭايتقىش تولتىرا تيەپ كۇشار ۆوكزالىنا كەلدى، بۇل گولمۋد - كورلا تەمىر جولى تۇتاس جەلى بويىنشا اشىلىپ تاسىمالدى ىسكە قوسقاننان كەيىنگى تۇڭعىش رەت شينجياڭعا قاتىناعان جۇك تاسىمالى پويەزى بولدى.
”گولمۋد - كورلا تەمىر جولى ءبىزدىڭ جالپىلىق شيكىزاتتاردى چيڭحايدان شينجياڭعا تاسىمالداۋ قيىنشىلىعىمىزدى شەشىپ، وزىندىك قۇندى ۇنەمدەپ قالماستان، تاسىمالداۋ ۋاقىت ونىمدىلىگىن دە زور دارەجەدە جوعارىلاتتى“، - دەدى شينجياڭ شينليانشين ەنەرگياسى حيميا ونەركاسىبى شەكتى سەرىكتەستىگى ۋنيۆەرسال كەڭسەسىنىڭ مەڭگەرۋشىسى لوۋ كى. بۇل سەرىكتەستىك ءار جىلى چيڭحايدان 100 مىڭ تونناعا جۋىق كاليلى تىڭايتقىش شيكىزاتىن ساتىپ الىپ، ارالاسپا تىڭايتقىش وندىرۋگە پايدالانادى، گولمۋد - كورلا تەمىر جولى ارقىلى تاسىمالداۋ ورتا ەسەپپەن ءار رەتىندە 2 كۇنگە تاياۋ ۋاقىت قىسقارادى.
12 - ايدىڭ 9 - كۇنى تۇڭعىش رەت كورلادان گولمۋدقا ارناۋلى بەنزين، ديزەل مايىن تاسىمالداعان پويەز جولعا شىقتى، 12 - ايدىڭ 12 - كۇنىنە كەلگەندە تۇڭعىش كاليلى تىڭايتقىش ارناۋلى پويەزى شينجياڭعا جەتتى، گولمۋد - كورلا تەمىر جولىنىڭ جەلى بويىنشا اشىلۋى شينجياڭ، چيڭحاي ەكى جەردىڭ جۇك تاسىمالىنا قانات ءبىتىردى. قاشقار زات تاسىمالى ورتالىعىنىڭ ورىنباسار باس ديرەكتورى ۋاڭ ليجى بىلاي دەدى: بۇرىن وڭتۇستىك شينجياڭنىڭ ءتۇرلى بۇيىمدارى، ءار تۇردەگى زاتتارى لانجوۋدان اينالىپ، لانجوۋ - شينجياڭ تەمىر جولى ارقىلى چيڭحايعا تاسىمالداناتىن، قازىرگى تاسىمال جولىنان 800 كيلومەترگە جۋىق جولدى ارتىق باساتىن. گولمۋد - كورلا تەمىر جولى جەلى بويىنشا اشىلىپ، ىسكە قوسىلعاننان كەيىن، وڭتۇستىك شينجياڭ زاتتارى اناعۇرلىم تەز دە قولايلى شينجياڭنان شىعۋ جولىنا قول جەتكىزدى. قازىر باستاپ تاسىمالدانعان بەنزين، ديزەل مايىنان سىرت، وڭتۇستىك شينجياڭداعى كومىر، كوكس، مۇناي قالدىعى سياقتى زاتتارىنىڭ چيڭحايعا تاسىمالدانۋ قاجەتى دە ەرەكشە كوبەيۋدە، جىلدىق تاسىمال مولشەرى ءبىر ميلليون توننادان اساتىنى مەجەلەنۋدە.
قازىر شينجياڭ تەمىر جول تاراۋلارى دالمە - ءدال، جوعارى ءونىمدى تاسىمالداۋ جوباسىن جاساپ، ءتۇرلى زات قاينارىن تاسىمالداۋ قاجەتىن قاناعاتتاندىرىپ، زات بولسا تەز تيەۋگە، تەز تيەپ، تەز تاسىمالداۋعا، زات جەتىسىمەن تۇسىرۋگە، تۇسىرىلىسىمەن جەتكىزىپ بەرۋگە كەپىلدىك ەتىپ، گولمۋد - كورلا تەمىر جولىندا زاتتىڭ ىركىلىسسىز اينالىمعا تۇسۋىنە، جالىنداي تۇسۋىنە، تەزدەي تۇسۋىنە مۇمكىندىك جاساپ، شينجياڭ، چيڭحاي 2 جەردىڭ زات جانە ساۋدا بارىس - كەلىسىن تەزدەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
